Երեքշաբթի, 21 Փետրվարի 2012 19:10

Աշոտ Օսիպյան. Հայաստանի բանկային համակարգի ակտիվները 2011 թվականին հատեցին 2 տրիլիոնի սահմանագիծը

ԱրմԻնֆո. Հայաստանի բանկային համակարգի ակտիվները 2011 թվականին աճել են 32.3% կամ 506.6 մլրդ.դրամով, մինչև 2 տրլն.74 մլրդ.դրամ: Արս մասին այսօր Երևանում կայացած մամուլի ասուլիսում հայտարարել է Հայաստանի Բանկերի Միության նախագահ Աշոտ Օսիպյանը: Նրա խոսքերով, 2 տրլն.դրամի սահմանագծի հատումը հնարավոր է դարձել աշխատող ակտիվների հաշվին:

ՀԲՄ ղեկավարը տեղեկացրել է, որ բանկային համակարգի ընդհանուր կապիտալը 2011 թվականին, 2010-ի համեմատ աճել է 14% ¥44.8 մլրդ.դրամ¤, և կազմել 375 մլրդ.դրամ: Նման աճի աղբյուրներն են հանդիսացել բանկերի ստացված շահույթները, որոնք ապահովել են 30 մլրդ.դրամի աճ, ինչպես նաև բաժնետերերի ներդրումները, կատարելով կապիտալի համալրում:

Հաշվետու ժամանակահատվածում բանկերի պարտավորություններն աճել են 37.3% ¥461 մլրդ.դրամ¤, կազմելով 1 տրլն.698 մլն.դրամ: Պարտավորությունների աճն պահովվել է ֆիզիկական և իրավաբանական անձանց ավանդների հաշվին: Դրանից բացի, 2011 թվականը բանկերի համար հաջողակ էր նաև նրանով, որ արտաքին աղբյուրներից հաջողվեց ներագրավել 183 մլրդ.դրամի ռեսուրսներ:

րանցվել է նաև ավանդների ծավալների 36% ¥276.5 մլրդ.դրամ¤ աճ, ընդ որում, 2011 թվականին ֆիզիկական անձանց ավանդները տարեկան կտրվածքով աճել են 37% ¥150 մլրդ.դրամ¤, իսկ իրավաբանական անձանց ավանդները` 34% ¥125 մլրդ.դրամ¤: Դրա հետ մեկտեղ, 2011 թվականի ավարտին վարկային ներդրումներն աճել են 34% ¥336.1 մլրդ.դրամ¤, կազմելով 1.337 մլրդ.դրամ:

ՙՎարկային ներդրումների հարաբերությունը ՀՆԱ հետ կազմել է 34.9%, ինչը լավ ցուցանիշ է Հայաստանի նման երկրների համար: Օրինակ, Ռուսաստանում այս ցուցանիշը կազմել է 49%, իսկ Թուրքիայում` 45%՚,-պարզաբանել է Ա.Օսիպյանը: Նա նաև տեղեկացրել է, որ ՀՆԱ նկատմամբ ընդհանուր կապիտալի հարաբերությունը 2011 թվականի ավարտին կազմել է 9.8%:

ՀԲՄ նախագահի խոսքերով, էական աճ է գրանցվել նաև առևտրի ֆինանսավորման և գյուղատնտեսության, շինարարության և արդյունաբերության վարկավորման հատվածներում: յուղվարկավորման ծավալները 2010 թվականի համեմատ աճել էն 36%, արդյունաբերության վարկավորման ծավալները` 30%: Վարկային ընդհանուր պորտֆելում ֆիզիկական անձանց վարկերն աճել են 22.5% ¥71.2 մլրդ.դրամ¤, հիփոթեքային վարկերը` 22% ¥20.4 մլրդ.դրամ¤, սպառողական վարկերը` 27.2% ¥534 մլրդ. դրամ¤, իսկ տնտեսոթւյան վարկավորման աճը կազմել է 44.3% ¥270.4 մլրդ.դրամ¤:

Ա.Օսիպյանը նաև տեղեկացրել է, որ 2011 թվականին 7.4%-ով կամ 32-ով ավելացել է բանկերի մասնաճյուղերի քանակը: Ներկայումս երկրում կա 463 բանկային մասնաճյուղ: ՙՄասնաճյուղերի ցանցի ընդլայնման միտումները պահպանվում են նաև 2012 թվականին, ինչը պայմանավորված է բանկային ծառայությունների նկատմամբ պահանջարկի աճով և վկայում է բանկերի համար մանրածախի շուկայի գրավչության մասին՚,-նկատել է Օսիպյանը: Նա հավելել է, որ 39%-ով ավելացել է նաև POS-թերմինլների քանակը, մինչև 4778, բանկոմատների թիվը` 25%-ով, մինչև 846, իսկ բանկերի կողմից թողարկված քարտերի քանակն աճել է 30%, անցնելով 781 հազարից:

Ինչ վերաբերվում է բանկերի գործունեության արդյունավետությանը, ապա Օսիպյանը նշել է, որ Հայաստանի բանկային համակարգի կապիտալի եկամտաբերությունը (ROE) 2011 թվականի արդյունքներով կազմել է 12.55%, իսկ ակտիվների եկամտաբերությունը (ROA) կազմել է 2.36%: Հայաստանում գործող 21 բանկերը 2011 թվականին ընդգրկվեցին երկրի 1000 խոշոր հարկատուների ցուցակում, որոնց կողմից վճարված հարկերի ընդհանուր գումարը 2010 թվականի համեմատ աճել է 1.7 անգամ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.81	0.01
USD	381.76	0.06
EUR	448.80	0.61
GBP	512.40	1.72
CAD	277.10	0.00
JPY	24.65	0.04
CNY	54.21	0.05
CHF	479.54	0.14

Նորություններ

Աշոտ Օսիպյան. Հայաստանի բանկային համակարգի ակտիվները 2011 թվականին հատեցին 2 տրիլիոնի սահմանագիծը