Երեքշաբթի, 21 Փետրվարի 2012 19:38

Աշոտ Օսիպյան. Հայաստանի բանկային համակարգի գլխավոր խնդիրն է մնում ռիսկերի կառավարումը

ԱրմԻնֆո. Առաջիկյում Հայաստանի բանկային համակարգի գլխավոր խնդիրն է մնում ռիսկերի կառավարումը: Այս մասին այսօր Երևանում կայացած մամուլի ասուլիսում հայտարարել է Հայաստանի Բանկերի Միության նախագահ Աշոտ Օսիպյանը:

Նա նշել է, որ ռիսկերի կառավարումն ընդգրկում է սթրես-թեստերի կիրառում, իրացվելիության և վարկային ռիսկերի կառավարում: ՙՀայաստանի բանկային համակարգին հաջողվեց խուսափել բացասական երևույթներից ու ցնցումներից, որոնք դիտվում էին եվրոպական ֆինանսական շուկաներում, սակայն, առաջնահերթությունը եղել ու մնում է` ռիսկերի կառավարումը՚,-ընդգծել է նա:

Բանկերի համար ամենառիսկային ոլորտը, ըստ Օսիպյանի, հանդիսանում է ագրարային հատվածը, ինչը, ինչպես հայտնի է, պայմանավորված է բնակլիմայական և սեզոնային գործոններով:

Ըստ ԱրմԻնֆո գործակալությա կողմից կազմված` Հայաստանի առևտրային բանկերի Ռենկինգի, 2011 թվականին գյուղատնտեսությանը տրամադրված վարկերի կազմում ժամկետանց վարկերի ծավալն աճել է մոտ 2 անգամ, կազմելով ժամկետանց վարկերի ընդհանուր ծավալների ընդամենը 9%-ը: Ընդ որում, այդ ոչ մեծ տեսակարար կշիռը բացատրվում է բանկերի կողմից այդ ոլորտի ակտիվ վարկավորման համեմատաբար կարճ ժամկետներով: յուղատնտեսությանը տրամադրված ժամկետային վարկերի կազմում 2011 թվականին ոչ ստանդարտ վարկերն աճել են 4 անգամ, կասկածելիները` 11 անգամ, անհույս վարկերը` 13%, իսկ վերահսկվող վարկերը մի փոքր նվազել են, ընդ որում, ամենամեծ ծավալները կազմել են ոչ ստանդարտ և անհույս վարկերը:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Աշոտ Օսիպյան. Հայաստանի բանկային համակարգի գլխավոր խնդիրն է մնում ռիսկերի կառավարումը