Երկուշաբթի, 27 Փետրվարի 2012 19:47

2011 թվականին ԲՏԱ Բանկը 63% մեծացրել է տնտեսության վարկավորման ծավալները

ԱրմԻնֆո. 2011 թվականին ԲՏԱ Բանկը 63%-ով մեծացրել է տնտեսության վարկավորման ծավալները: Բանկը զգալիորեն կրճատելով սպառողական վարկավորման պորտֆելն առավելագույնս դիվերսիֆիկացրել է վարկային պորտֆելը, դրանով իսկ բացառելով ռիսկերի կոնցենտրացիան: Մասնավորապես, 2011 թվականին բանկն էապես ակտիվացել է ՓՄՁ վարկավորման ոլորտում, որտեղ վարկային ներդրումների աճը կազմել է մոտ 66%, տրանսպորտի և կապի ոլորտում այդ աճը կազմել է 61%, առևտրի հատվածում` մոտ 30%, հասարակական սննդի և ծառայությունների ոլորտում` 18%: Այս ամենի շնորհիվ 2011 թվականին բանկն ապահովել է վարկային պորտֆելի 13.2% աճ, իսկ միայն 4-րդ եռամսյակում`11.8%, մինչև 4.8 մլրդ.դրամ կամ 12.6 մլն.դոլար, կամ ակտիվների մոտ 52%-ի չափով: Արդյունքում, բանկի ակտիվները 2011 թվականին աճեցին 14%, իսկ միայն 4-րդ եռամսյակում` 10%, մինչև 9.4 մլրդ.դրամ կամ 24.2 մլն.դոլար:

Ըստ ԱրմԻնֆո գործակալության կողմից կազմված` Հայաստանի առևտրային բանկերի Ռենկինգի, ԲՏԱ Բանկի վարկային պորտֆելի կազմում արդյունաբերության հատվածի վարկավորման բաժինն 2011-ին աճել է 1.3%-ից մինչև 2.2%, տրանսպորտի և կապի ոլորտում այդ աճը կազմել է` 3.1%-ից մինչև 3.4%, հասարակական սնդի և ծառայությունների ոլորտում` 1.9%-ից մինչև 2%, ՓՄՁ ոլորտում`7%-ից մինչև 8.2%, իսկ առևտրի հատվածում` մինչև 12.4%: Շինարարության հատվածում 2011 թվականին կատարված ներդրումները զրոյացվել են: Տեղին է նշել նաև, որ սպառողական վարկերի բաժնեմասի 79%-ից մինչև 50% կրճատումով բանկին հաջողվել է հաշվետու ժամանակահատվածի ժամկետանց վարկերի ծավալները կրճատել 22%-ով, միաժամանակ 31%-ով ավելացնելով ստանդարտ վարկերի ծավալներն իրական հատվածում:

2011 թվականին Բանկն էապես մեծացրել է նաև պարտավորությունները` մոտ 30%-ով, իսկ միայն 4-րդ եռամսյակում` 26%-ով, մինչև 3.9 մլրդ.դրամ կամ 10.2 մլն.դոլար: Բանկի պարտավորութունների կազմում տարեկան էական աճ է գրանցվել ժամկետային ավանդների գծով` մոտ 2 անգամ, ինչի արդյունքում ժամկետային ավանդների պորտֆելը մեկ տարում աճել է 33%, իսկ միայն 4-րդ եռամսյակում` 20%:

Նշենք, որ ԲՏԱ Հայաստան Բանկի բաժնետերերն են` ԲՏԱ Բանկ Ղազախստանը` 48.9%, ավստրիական ZRL Բետալիգունդս ընկերությունը` 31.1%, հայ-ղազախական "MOBILEX Էներջի Լիմիթեդ՚ ՀՁ ընկերությունը`16.3%, ՙԱՄԿ Ինվեստ՚ նախագծային-շինարարական կազմակերպությունը` 3.7%: 2012 թվականի հունվարի 1-ի դրությամբ Բանկն ունեցել է 7 մասնաճյուղ, որոնցից 6-ը` Երևանում:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

2011 թվականին ԲՏԱ Բանկը 63% մեծացրել է տնտեսության վարկավորման ծավալները