Չորեքշաբթի, 14 Մարտի 2012 18:24

Եվրոբանկը դիտարկում է Արարատբանկին 7 մլն.դոլար գումարով վարկի տրամադրման հնարավորությունը

ԱրմԻնֆո. Վերակառուցման և Զարգացման Եվրոպական Բանկը (EBRD) դիտարկում է Արարատբանկին 7 մլն.դոլարի վարկային գիծ տրամադրելու հնարավորությունը, միկրո-, փոքր և միջին ձեռնակությունների ¥ՄՓՄՁ¤ վարկավորման նպպատակով: Այս մասին ԱրմԻնֆո գործակալությանը EBRD-ից: Նշված գումարից 1 մլն. դոլարը նախատեսված է ՄՓՄՁ վարկավորմանն ագրարային ոլորտում: Նշվում է նաև, որ վարկային գիծը կտրամադրվի թե ԱՄՆ դոլարով, և թե ՀՀ դրամով, կախված շուկայի պահանջարկից: Ազգային արժույթով տրամադրված վարկերը կաջակցվեն արժութային ռիսկերի հեջացման մեխանիզմներով, "Early transition country (ETC) local currency programme" ընկերության համապատասխան ծրագրի շրջանակներում: Ինչպես նշվում է Եվրոբանկի հաղորդագրության մեջ, ՄՓՄՁ վարկավորման միջոցով EBRD-ն կնպաստի հայկական բանկերի վարկային հնարավորությունների ընդլայնմանը, բարձրացնելով ՓՄՁ ձեռնարկությունների միջնաժամկետ վարկավորման մակարդակը, ինչպես նաև նպաստելով առողջ մրցակցությանը երկրի բանկային հատվածում: ՄՓՄՁ ֆինանսավորման նպատակն է նաև զբաղվածությանն աջակցելը, որը, հնարավոր է, ֆինանսական ճգնաժամից հետո զգալիորեն տուժել է: Նշվում է նաև, տեղական արժույթով փոխառություններ ստանալու հնարավորությունից կարող են օգտվել հատկապես երկրի ծայրամասերում, ինչն էլ Արարատբանկին թույլ կտա մասնաճյուղերի իր ցանցի միջոցով մեծացնել մայրաքաղաքից դուրս վարկավորման ծավալները, ձեռնամուխ լինելով իր համար նոր հանդիսացող` գյուղատնտեսական վարկավորման հատվածի յուրացմանը:

Հիշեցնենք, որ 2012 թվականի հունվարի 20-ին ՄՓՄՁ ֆինանսավորման աջակցման ծրագրի շրջանակներում Արարատբանկը EBRD-ի հետ ստորագրեց 4 մլն.դոլարի վարկային պայմանագիր: 2011 թվականի նոյեմբերին բանկը EBRD-ից նույն նպատակով ստացավ 12 մլն.դոլարի սինդիկացված վարկ:

Ըստ Արարատբանկի տվյալների, 2011 թվականին բանկի ակտիվներն աճել են 39%, հասնելով 87.7 մլրդ.դրամի, վարկային ներդրումները` 51%, կազմելով մոտ 38.6 մլրդ. դրամ, իսկ ֆիզիկական անձանց ավանդներն աճել են 45.7%: 2011 թվականի ավարտին բանկի կապիտալի եկամտաբերությունը (ROE) կազմել է 19.6%, իսկ ակտիվների եկամտաբերությունը (ROA)` 3%: Բանկի հաճախորդների թիվն աճել է 53%: 2011 թվականի արդյունքներով բանկի շահույթը կազմել է 2.2 մլրդ.դրամ: 2012 թվականին բանկը նախատեսում է իր 35 մասնաճյուղերն ավելացնել ևս 5-ով, ի դեպ, մասնաճյուղերից 17-ը գործում է Երևանում, իսկ 1-ը` ԼՂՀ-ում:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.73	-0.02
USD	382.65	-0.07
EUR	442.76	-1.39
GBP	502.42	-1.81
CAD	273.11	-1.10
JPY	24.83	-0.03
CNY	53.79	-0.02
CHF	477.00	-1.40

Նորություններ

Եվրոբանկը դիտարկում է Արարատբանկին 7 մլն.դոլար գումարով վարկի տրամադրման հնարավորությունը