Չորեքշաբթի, 28 Մարտի 2012 20:32
ՎՏԲ-Հայաստան Բանկը կորպորատիվ հաճախորդների վարկավորման գծով պահպանել է առաջատարի իր դիրքերը
ԱրմԻնֆո. ՎՏԲ-Հայաստան Բանկը կորպորատիվ հաճախորդների վարկավորման գծով պահպանել է առաջատարի իր դիրքերը, կորպորատիվ հաճախորդների վարկավորման շուկայում ապահովելով 11% մասնաբաժին: Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, ՎՏԲ-Հայաստան Բանկը շարունակում է աջակցել հայկական տնտեսության կարևորագույն բնագավառները, նպաստելով ՀՀ տարածքում միջին և խոշոր բիզնեսի զարգացմանը:
Բանկի կորպորատիվ հաճախորդներ են հանդիսանում ապահովագրության, շինարարության, առևտրի, էներգետիկայի, տրանսպորտի, թեթև և ծանր արդյունաբերության, ինչպես նաև տեղեկատվական տեխնոլոգիաների և տելեկոմունիկացիաների ոլորտում հայտնի խոշորագույն կազմակերպությունները:
Աղբյուրի համաձայն, Ֆիզ.անձանց տրամադրած վարկերի ծավալը ավելացել է 44%, 15.0 մլրդ ՀՀ դրամով և 2011թ. արդյունքներով կազմել է 48.8 մլրդ ՀՀ դրամ: Այդպիսով ՎՏԲ-Հայաստան Բանկը գրավեց շուկայի զգալի մասը` 12.9% և տեղափոխվեց 2-րդ հորիզոնական: Տարվա ընթացքում վերանայվել և թարմացվել են ֆիզիկական անձանց վարկավորման բոլոր տեսակների պայմանները:
2011 թվականին ՎՏԲ-Հայաստան Բանկը շարունակեց իր ագրեսիվ գործունեությունը մանրածախ բիզնեսի տարբեր բնագավառներում և լավացրեց է իր առաջատար դիրքերը ՀՀ բնակչությանը տրամադրվող մանրածախ ծառայությունների շուկայում: Հաշվետու տարում Բանկը լրացրեց իր ծառայությունների և պրոդուկտների շարքը. մշակվեցին և ներդրվեցին նոր քարտային տեսակներ, սպառողական վարկեր, ավտոմեքենայի ներկրման վարկեր, ընդլայնվեց դրամական փոխանցումների համակարգերի շարքը և այլն:
Ֆիզիկական անձանց միջոցների հարաբերական աճը 2011 թվականին կազմել է 28.9 %, իսկ բացարձակ աճը` 10.6 մլրդ ՀՀ դրամ, որը ևս մեկ անգամ ապացուցեց ֆիզիկական անձանց ավանդների ներգրավման շուկայում ՎՏԲ-Հայաստան Բանկի առաջատար դիրքերը: Ֆիզիկական անձանց ավանդների ներգրավման վարկանիշը 2010 թվականի նույն ժամանակաշրջանի համեմատությամբ բարձրացել է, որի արդյունքում Բանկը 3-րդ հորիզոնականից տեղափոխվել էր 2-րդ, ինչն էլ հանգեցրել էր շուկայի բաժնի ավելացման` 8.7%-ից 9.3%:
ՎՏԲ-Հայաստան Բանկը մնում է առաջատարներից մեկը ֆիզիկական անձանց դրամական փոխանցումների շուկայում: Բանկն առաջարկում է իր հաճախորդներին Հայաստանի տարածքում և նրա սահմաններից դուրս արագ և հուսալի գումար փոխանցել ինչպես իրենց հաշվեհամարներից, այնպես էլ առանց հաշվի բացման: Բանկը համագործակցում է 10 հիմնական միջազգային խոշորագույն դրամական փոխանցումների համակարգերի հետ:
Բանկի աշխատանքը 2011 թվականին ուղղված էր ոչ միայն ավանդային և վարկային պորտֆելի ավելացմանը և մանրածախ ծառայությունների իրացման արդյունավետության բարձրացմանը, այլև, նախևառաջ, մանրածախ ծառայությունների շարքի բարելավմանը, իրացման այլընտրանքային տարբերակների զարգացմանը, որոնք թույլ են տալիս, թեթևացնել և կրճատել հաճախորդի սպասարկման ժամանակը, սպասարկման որակի բարձրացումը, մասնաճյուղերի ձևավորման ստանդարտացման վերահսկումը, հաճախորդների հետ հետադարձ կապի ուժեղացմանը Բանկի հաճախորդների դիմում-բողոք/պահանջների ընդունման ընթացակարգի օպտիմալացման շնորհիվ:
Կորպորատիվ բիզնես:
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Արթուր Ավետիսյան․ Ապագա ԱԷԿ-ի մոդելի ընտրության շուրջ բոլոր մտորումները խոսակցություններից այն կողմ չեն գնա, քանի դեռ չկա ռազմավարական զարգացման տեսլական
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները