Հինգշաբթի, 29 Մարտի 2012 18:40

2012 թվականին ԲՏԱ Բանկը հիմնական շեշտը կդնի մանրածախ բիզնեսի վրա

ԱրմԻնֆո. 2012 թվականին ԲՏԱ Բանկը հիմնական շեշտը կդնի մանրածախ բիզնեսի վրա: Նման պլաներով ԱրմԻնֆո գործակալոթյան թղթակցի հետ հարցազրույցում է կիսվել Բանկի մանրածախ բիզնեսի վարչության ղեկավար Արմեն Սարգսյանը: Նրա խոսքերով, այսօր հարկավոր է վարկային շուկա դուրս գալ այնպիսի մանրածախ պրոդուկտներով, որոնք պետք է լինեն մանրազնին մշակված և հաշվարկված լոյալ հաճախորդների համար:

Ըստ Սարգսյանի, քարտային բիզնեսի շրջանակներում բանկը ֆիզիկական անձանց առաջարկում է աշխատավարձային քարտի օվերդրաֆտ` աշխատավարձի հնգապատիկի չափով, շուկայում գործող` եռապատիկի փոխարեն: ՙԻսկ աշխատավարձային ՙGold՚ քարտի սպասարկումը հաճախորդի վրա կնստի 3 հազ.դրամ, ինչը մի քանի անգամ ցածր է շուկայական ստանդարտ սակագներից՚,-նկատել է նա:

Նրա խոսքերով, 2012 թվականին բանկը կշարունակի ոսկու գրավով վարկերի առաջխաղացումը, որպես այսօրվա դրությամբ նվազ ռիսկային պրոդուկտ: Բանկը կշարունակի ակտիվորեն աշխատել նաև աշխատավարձային նախագծերով վարկերի ուղղությամբ: Նշված երկու պրոդուկտներով ներկայումս բանկն առաջարկում է հաճախորդների համար շուկայում ամենաձեռնտու պայմանները: Մասնավորապես, փոխառության չափը կազմում է գրավի առարկայի արժեքի 100%-ը, իսկ տոկոսադրույքը կախված կլինի վարկի չափերից, այսինքն, որքան մեծ է վարկի գումարը, այնքան ցածր է տոկոսադրույքը: Վարկի սպասարկման դիմաց կոմիսիոն վճարը, նշել է Սարգսյանը, զգալիորեն ցածր է շուկայականից, ինչպես նաև կախված է վարկի չափերից, սակայն, չի գերազանցում 10 հազ.դրամը` մեկ վարկի համար:

Միևնույն ժամանակ, ըստ բանկի մասնագետների կանխատեսումների, 2012-2013 թվականին Հայաստանի տնտեսական կոնյունկտուրան, ինչպես նաև քաղաքացիների վճարունակությունը, համաշխարհային տնտեսության բարելավման ֆոնի ներքո, կբարձրանա: Իսկ դա էլ իր հերթին հայկական բանկերին թույլ կտա մեծացնել իրենց վարկային պորտֆելները. որոշակիորեն մեղմելով վարկավորման պայմանները:

Ըստ ԱրմԻնֆո գործակալության կողմից կազմված` Հայաստանի առևտրային բանկերի Ռենկինգի, 2011 թվականին ԲՏԱ Բանկը վարկային պորտֆելը մեծացրել է 13.2%, իսկ միայն 4-րդ եռամսյակում` 11.8%, մինչև 4.8 մլրդ.դրամ կամ 12.6 մլն.դոլար: Վարկային պորտֆելի կազմում տնտեսության իրական հատվածի վարկավորման ծավալներն աճել են 63%: Ընդ որում, ՓՄՁոլորտում վարկավորման ծավալներն աճել են մոտ 66%, տրանսպորտի և կապի ոլորտում` 30%, հասարակական սննդի և ծառայությունների ոլորտում` 18%: Սպառողական վարկավորման ծավալների փոքրացման հետ մեկտեղ բանկին հաջողվել է 2011 թվականին 22%-ով կրճատել ժամկետանց վարկերի ծավալը, միաժամանակ, 31%-ով մեծացնելով ստանդարտ վարկերի ծավալները իրական հատվածում: 2011 թվականին բանկի ակտիվներն աճել են 14%, իսկ միայն 4-րդ եռամսյակում` մոտ 10%, մինչև 9.4 մլրդ.դրամ կամ 24.4 մլն.դոլար: Բանկի պարտավորություններն աճել են 30%, իսկ միայն 4-րդ եռամսյակում`26%, մինչև 3.9 մլրդ.դրամ կամ 10.2 մլն.դոլար:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

2012 թվականին ԲՏԱ Բանկը հիմնական շեշտը կդնի մանրածախ բիզնեսի վրա