Երեքշաբթի, 10 Ապրիլի 2012 16:13
ՙՌՈՍԳՈՍՍՏՐԱԽ ԱՐՄԵՆԻԱ ապահովագրական նշում է վթարների կտրուկ աճը
ԱրմԻնֆո. ՙՌՈՍԳՈՍՍՏՐԱԽ ԱՐՄԵՆԻԱ ապահովագրական նշում է Հայաստանում ճանապարհա-տրանսպորտային պատահարների կտրուկ աճը: Ինչպես ԱրմԻնֆո գործակալությանը տեղեկացվել է Ընկերության մամուլի ծառայությունից, 2012 թվականի առաջին եռամսյակում պատահարների քանակը կազմել է 4768 այն դեպքում, երբ անցյալ տարվա նույն ժամանակահատվածում գրանցվել է ընդամենը 2869 դեպք, այսինքն աճը կազմել է 66 տոկոս: Ընդ որում, հունվարին դեպքերի քանակն աճել է 54 տոկոսով ապահովագրվածների թվի կրճատման ֆոնի վրա, իսկ փետրվարին տեղի ունեցած ՃՏՊ-ների թվի աճը կազմել է 90 տոկոս:
Աղբյուրի համաձայն, գերազանցվել է մեկ օրվա ընթացքում ՃՏՊ-ների բացարձակ ռեկորդը, որը սահմանվել էր անցյալ տարի և կազմել 120 ՃՏՊ մեկ օրվա ընթացքում: Մարտի 16-ին տեղացած առատ ձյան ժամանակ ՌՈՍԳՈՍՍՏՐԱԽ ԱՐՄԵՆԻԱ Կոնտակտ կենտրոնում գրանցվել է 800 զանգ, որից 164-ը եղել է պատահարների վերաբերյալ: Նման քանակությամբ զանգեր սպասարկելու համար ընկերության բոլոր ստորաբաժանումներն աշխատում էին արտակարգ իրավիճակներում: Մեծ թվով ՃՏՊ-ների պատճառով երթևեկությունը քաղաքում խիստ դժվարացած էր, աշխատակիցները դժվարությամբ էին հասնում դեպքի վայր: Վթարային կոմիսարների աշխատանքին միացել էին ընկերության այլ աշխատակիցներ: Ընդ որում, ըստ մասնագետների կարծիքի, վթարների նմանատիպ աճի հիմնական խնդիրներից մեկն այն էր, որ չնայած օդերևութաբանական ծառայությունների կանխատեսումներինª վարորդները ժամանակից շուտ էին փոխել անվադողերն ամառայինի: Ձյան ժամանակ վթարների քանակն աճում է միջինը 3 անգամ:
Համաձայն Հայտերի կարգավորման կենտրոնի տվյալներիª տարվա սկզբից հատուցման ենթակա վնասների գումարը կազմել է մոտ 1 միլիարդ 175 միլիոն ՀՀ դրամ: Ընդամենը առաջին եռամսյակում կարգավորված է 3775 գործ, որոնց գծով հատուցվել է 725 միլիոն դրամ, ևս 450 միլիոնը ենթակա է հատուցման:
ՌՈՍԳՈՍՍՏՐԱԽ ԱՐՄԵՆԻԱ ընկերությունը տարվա սկզբից գրանցել է ՃՏՊ-ների արդյունքում մարմնական վնասներ պատճառելու 128 դեպք, մեկ մարդ զոհվել է: Անցյալ տարի նույն ժամանակահատվածում տուժողների թիվը կազմել է 69:
2011 թվականի տվյալների վերլուծության արդյունքում հաստատվել է, որ ՃՏՊ-ների բաշխումը մարզերով տեղի է ունենում գրանցված ամտոմեքենաների քանակին համամասնորեն: Հետևաբար, վթարների առավելագույն թիվը գրանցվում է Երևանում, ընդ որում ամենամեծ թիվը գրանցվում է ցերեկըª 13:00 մինչև 14:00 ժամանակահատվածում: Ընկերությունում գրանցվել է 2 դեպք, որոնց արդյունքում վնաս է պատճառվել 8 օբյեկտի, և 3 դեպքª 6-ի: Յուրովին ռեկորդ է սահմանել ՌՈՍՈՍՍՏՐԱԽ ԱՐՄԵՆԻԱ ընկերությունում ապահովագրված մի վարորդ, որը ԱՊՊԱ պայմանագրի գործողության ընթացքում վթարի է ենթարկվել և դրանում մեղավոր է ճանաչվել 5 անգամ: ՃՏՊ-ի մասնակից կանանց թիվն աննշան է. նրանք կազմում են զանգահարողների ընդամենը 2,5 տոկոսը: Ընդ որում «ամենավթարայինե անունն է Լուսինե, երկրորդ հորիզոնականը զբաղեցնում են Աննաները:
Ապահովագրական հատուցումների կարգավորման հետ կապված ցանկացած հարցերով ՀՀ քաղաքացիները կարող են դիմել 31-10-10 շուրջօրյա հեռախոսահամարովª ներառյալ հանգստյան օրերին:
Ըստ ԱրմԻնֆո գործակալության կողմից կազմված` Հայաստանի ապահովագրական ընկերությունների Ռենկինգի, Հայաստանի 8 ապահովագրական ընկերությունների կողմից հավաքագրված ապահովագրական պրեմիաների ընդհանուր գումարը 2011 թվականին կազմել է 22.382 մլրդ.դրամ կամ 58 մլն.դոլար, գրանցելով տարեկան եռակի աճ: Ապահովագրական պրեմիաների գծով առաջատարն է ՌՈՍԳՈՍՍՏՐԱԽ ԱՐՄԵՆԻԱ ընկերությունը` 6.5 մլրդ.դրամ, գրանցելով տարեկան 3.5 անգամ ճ: Հայստանի 8 ապահովագրական ընկերությունների կողմից իրականացված ապահովագրական հատուցումների ծավալը 2011 թվականին աճել է մոտ 5 անգամ, 2012 թվականի հունվարի 1-ի դրությամբ կազմելով 8.125 մլրդ.դրամ կամ 21մլրդ.դոլար: ՌՈՍՈՍՍՏՐԱԽ ԱՐՄԵՆԻԱ-ն առաջատարն է նաև ապահովագրկան հատուցումների ծվալներով:
Նշենք, որ ՌՈՍԳՈՍՍՏՐԱԽ ԱՐՄԵՆԻԱ ապահովագրական փակ բաժնետիրական ընկերությունը հիմնադրվել է 2008 թ. մայիսին և գործում է Հայաստանի Հանրապետության կողմից 2008 թվականի մայիսի 20-ին տրված ՙոչ կյանքի ապահովագրություն՚ իրականացնելու ԱՊՈ թիվ 0009 լիցենզիայի հիման վրա: Ընկերությունը մտնում է ՌՈՍԳՈՍՍՏՐԱԽ Ընկերությունների Խմբի (Ռուսաստան) մեջ:
Ընկերության կանոնադրական կապիտալը կազմում է 2,13 միլիարդ դրամ (6 միլիոն ԱՄՆ դոլար): Ընկերությունն առաջինը Հայաստանում ստացավ ISO 9001:2008 ստանդարտին համապատասխանության սերտիֆիկատ աշխարհահռչակ Moody International կազմակերպությունից:
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները