Հինգշաբթի, 5 Ապրիլի 2012 16:00

MasterCard-ի ամենաակտիվ քարտապանները HSBC բանկից կստանան նվերներ

ԱրմԻնֆո. HSBC Բանկ Հայաստանն ամփոփել է հաճախորդների կողմից անկանխիկ գործարքների կատարման խթանմանը նպատակաուղղված եռամյսա հատուկ առաջարկի արդյունքները: Այս մասին ԱրմԻնֆո գործակալությանը տեղեկացվել է Բանկի մամուլի ծառայությունից:

Աղբյուրի համաձայն, ակցիան հայտարարվել էր MasterCard-ի հետ համատեղ, ընդ որում այս տարի առաջին անգամ HSBC Բանկ Հայաստանը հանդես է եկել որպես բացառիկ գործընկեր: Բանկի հարյուրից ավելի հաճախորդներ այսօրվանից կստանան նվերները` թվային տեսաշրջանակներ: Քարտատերերից 52-ը ընտրվել էին անկանխիկ գործարքների քանակի (առնվազն 50 գործարք), մնացած 50-ը` գումարով ամենաշատը կատարված գործարքների (առնվազն 1,000,000 դրամին համարժեք ընդհանուր գումարով անկանխիկ գնումներ) սկսզբունքով: Անկանխիկ գործարքները պետք է կատարվեին 2011 թվականի նոյեմբերի 1-ից մինչև 2012 թվականի հունվարի 31-ն ընկած ժամանակահատվածում:

ՙՄեզ համար չափազանց հաճելի էր տեղեկանալ, որ MasterCard-ի ընտրել է հենց «Էյչ-Էս-Բի-Սի Բանկ Հայաստանըե` որպես բացառիկ գործընկեր Հայաստանում անկանխիկ գործարքները խրախուսելու և խթանելու համար: Շատ գոհ ենք այս նախաձեռնության հաջողությունից և արձանագրված արդյունքներից՚, - այս կապակցությամբ ասաց
HSBC Բանկ Հայաստանի լխավոր գործադիր տնօրեն Ասթրիդ Քլիֆֆորդը:

2011 թվականի նոյեմբերի 1-ից մինչև 2012 թվականի հունվարի 31-ը ընկած ժամանակահավածում HSBC Բանկ Հայաստանի կողմից թողարկված կրեդիտ և վճարային քարտերով իրականացվել է ընդհանուր առմամբ 4.9 միլիարդ ՀՀ դրամի անկանխիկ գործարք, աճը նախորդ տարվա նույն ժամանակահատվածի համեմատ կազմել է 29%:

2011 թվականի աշնանը HSBC Բանկ Հայաստանը վերսկսեց իր բանկոմատներով միջազգային ՎԻԶԱ և ՄաստերՔարտերի, ինչպես նաև սկսեց ԱրՔա քարտերի սպասարկումը: Բանկը նաև սկսել է թողարկել չիպային քարտեր, որոնք մագնիսական ժապավենով քարտերի համեմատ անվտանգության շատ ավելի բարձր մակարդակ են ապահովում: Ի լրումն 53 սովորական բանկոմատների, բանկը նաև սեպտեմբերին գործարկել է Հայաստանում առաջին հընթացս բանկոմատը, որը գտնվում է Մյասնիկյան 20Ա հասցեում` ՙԱրաքս՚ բենզալցման եւ տեխսպասարկման կայանում:

Ըստ ԱրմԻնֆո գործակալության կողմից կազմված` ՙՀայաստանի բանկերը քարտային բիզնեսում՚ վերլուծական Տեղեկագրի, 2011 թվականի սեպտեմբերի 30-ի դրությամբ HSBC Բանկ Հայաստանն ակտիվ քարտերի քանակով ¥51 հազ.քարտ¤ գտնվել է Հայաստանի առաջատար բանկերի տասնյակում, իսկ ակտիվ MasterCard-երով` առաջատրների հնգյակում ¥մոտ 11 հազ.քարտ¤: Բանկի քարտային պորտֆելում ավելի քան 72 % են կազմում աշխատավարձային նախագծերը: Քարտային տրանսակցիաների ծավալներով բանկը զբաղեցնում է երկրորդ տեղը` մոտ 58 մլրդ.դրամ, գրանցելով տարեկան 55% աճ: Հոկտեմբերի 1-ի դրությամբ Բանկն ունեցել է 280 սեփական POS-թերմինալ և 52 բանկոմատ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.73	-0.02
USD	382.65	-0.07
EUR	442.76	-1.39
GBP	502.42	-1.81
CAD	273.11	-1.10
JPY	24.83	-0.03
CNY	53.79	-0.02
CHF	477.00	-1.40

Նորություններ

MasterCard-ի ամենաակտիվ քարտապանները HSBC բանկից կստանան նվերներ