Շաբաթ, 14 Ապրիլի 2012 19:34
Հայաստանում անշարժ գույքի միջին շուկայական գները 2012 թվականի հունվարին նվազել են մոտ 1%
ԱրմԻնֆո: Հայաստանում բնակարանների միջին շուկայական գները տարեկան կտրվածքով նվազել են 0.2%, հիմնականում մայրաքաղաքի բազմաբնակարան և անհատական տների էժանացման հետևանքով: Ինչպես վկայում են ՀՀ Կադաստրի պետական կոմիտեից ԱրմԻնֆո գործակալությանը տրամադրված տվյալները, այնուամենայնիվ, 2012-ի հունվարին գների ընդհանուր մակարդակը նվազել է 0.9%, ինչը պայմանավորված է մայրաքաղաքի բազմաբնակարան շենքերի և անհատական տների գների նվազումով և մարզերի բազմաբնակարան շենքերի գների աճով: Մասնավորապես, բազմաբնակարան շենքերում բնակարանները հունվարին էժանացել են մոտ 1.1%,իսկ անհատական տներում թանկացել են 0.7%:
Երևանում բազաբնակարան շենքերում 1 քառ.մետր բնակելի տարածքի գինը 2012-ի հունվարին նվազել է 2%, մինչև 251.2 հազ.դրամ, իսկ մարզերում նվազել է 0.1%, մինչև 81.4 հազ.դրամ: Միևնույն ժամանակ, անհատական տների գները Երևանում նվազել են 0.1%, մինչև 270.5 հազ.դրամ, իսկ մարզերում` 1.2%, մինչև 85.9 հազ.դրամ:
Ըստ Կադաստրի տվյալների, Երևանում 2012-ի հունվարին գրանցվել են բազմաբնակարան շենքերի բնակարանների ամենաբարձր գները, ընդ որում, ամենաբարձր գները գրանցվել են Կենտրոն համայնքում, որտեղ 1 ք.մ. բնակելի տարածքի գինը կազմել է 400.8 հազ.դրամ, հունվարին նվազելով 6%, իսկ տարեկան կտրվածքով` 8.7%: Արաբկիրում այս ցուցանիշը կազմել է 335.3 հազ.դրամ, հունվարին նվազելով 1.3%, իսկ տարեկան կտրվածքով` 4.8%: Երևանի մնացած համայնքներում գներն սկսվում են 220.7 հազ.դրամից, բացառությամբ Նուբարաշենի, որտեղ միջին գինը կազմել է 140.1 հազ. դրամ: Երևանում անշարժ գույքի առք և վաճառքի գործարքների ընդհանուր ծավալների 34.3%-ը տեղի է ունեցել բազմաբնակարան շենքերում, գրանցելով 14.4% ամսական և 72.7% տարեկան անկում:
Մարզերում բնակարանների գներն էապես ցածր են մայրաքաղաքից: Այսպես, ամենաբարձր գները գրանցվել են Ծաղկաձորում` 300.8 հազ.դրամ, Աբովյանում` 144.9 հազ.դրամ և Վաղարշապատում` 144.1 հազ.դրամ, որոնց հաջորդում են Եղեգնաձորը, Նոր Հաջնը, որիսը, Արմավիրը, Իջևանը` 112.5-128.5 հազ.դրամ: Դիլիջանում գները կազմել են 91.8 հազ.դրամ, Ջերմուկում` 85 հազ.դրամ, Սևանում` 97.2 հազ.դրամ: Ամենացածր գները գրանցվել են Դաստակերտում` 8 հազ.դրամ և Շամլուղում` 8.3 հազ.դրամ:
ների ամենամեծ աճը հունվարին գրամցվել է Վանաձորում` 1.1%, Մեծամորում` 1%: Վարդենիսում և Մարալիկում, ինչպես նաև Լոռու մարզի 7, Սյունիքի մարզի 5 և Տավուշի մարզի 3 հիմնական քաղաքներում բազմաբնակարան շենքերի գները հունվարին փոփոխության չեն ենթարկվել: Ընդ որում, գների ամենամեծ անկումը գրանցվել է Դիլիջանում` 0.9%. մինչև 91.8 հազ.դրամ և Աշտարակում` 0.9%, մինչև 107.2 հազ.դրամ: Տարեկան ամենամեծ աճը հունվարին գրանցվել է Շամլուղում և Թումանյանում` ավելի քան 2 անգամ, իսկ տարեկան ամենամեծ անկումը` Աշտարակում` 20.6% և Մասիսում` 19%: 2012 թվականի հունվարին մարզերում գրանցվել է անշար գույքի առք և վաճառքի 325 գործարք` բազմաբնակարան շենքերում, ինչը 72.4% ցածր է դեկտեմբերի ցուցանիշից և 44.3%-ով` 2011-ի հուվարի ցուցանիշից:
Անհատական տների ամենաբարձր գները Երևանում գրանցվել են Կենտրոն համայնքում` 459.8 հազ.դրամ, Արաբկիրում` 370.1 հազ.դրամ, որոնց հաջորդում են Քանաքեռ-Զեյթուն, Նորք-Մարաշ, Ավան, Էրեբունի, Շեմգավիթ, Դավիթաշեն, Աջափնյակ, Մալաթիա-Սեբաստիա համայնքները` 220.5-270 հազ.դրամ: Իսկ Նուբարաշենում այս ցուցանիշը կազմել է 144.8 հազ.դրամ:
Մարզերում անհատական տների ամենաբարձր գները գրանցվել են Հրազդանում` 303.8 հազ.դրամ, իսկ ամենացածր գները` Թումանյանում` 13 հազ.դրամ և Շամլուղում` 13.2 հազ.դրամ: Մարզերում անհատականտների գների ամենաբարձր ամսական և տարեկան անկումը գրանցվել է Արմավիրում, համապատասխանաբար` 13.8% և 23.5%, իսկ ամենամեծ աճը` Մարալիկում` 19.7% և 48.1%: