Շաբաթ, 21 Ապրիլի 2012 18:03

Տնտեսության մենաշնորհացումը ՙբերնդը՚ վերածում է հայ գործարարների համար ոչ պիտանի գործիքի

ԱրմԻնֆո. Հայաստանի տնտեսության մենաշնորհային կառուցվածքը բրենդը վեր է ածում տեղի գործարարների համար ոչ պիտանի գործիքի: ԱրմԻնֆոյին այդպիսի համոզմունք է հայտնել հայկական M-Info մարքեթինգային ընկերության ղեկավար Մարիամ Սիմոնյանը ՙԲրենդեր և բիզնես՚ խորհրդաժողովի ընթացքում:

Նրա ասելով, ընկերության մասնագետների կողմից անցկացված բազմաթիվ հետազոտությունների համաձայն, տեղական գործարարները նախկինի պես թերագնահատում են բրենդինգի բազմաթիվ առավելությունները: ՙՆրանք ձգտում են մեծ շահույթների, ընդ որում պատրաստ չեն թեկուզ ինչ-որ փողեր ներդնել այդ նպատակների իրագործման համար՚, - նշել է Մ.Սիմոնյանը:

Դատելով Հայաստանում բրենդինգի հեռանկարների մասին` նա նշել է, որ մոտակա հեռանկարում հարկ չկա զգալի փոփոխություններ ակնկալել այդ հատվածում. ՙԸստ երևույթին, պետք է փոխվի սերունդը, որպեսզի բրենդինգը, վերջապես, արդիականություն ձեռք բերի Հայաստանի բիզնեսում՚: Ձեռներեցների խուտորային հոգեկերտվածքը, փորձագետի հավաստմամբ, գործնականում, անհնար է դարձնում այդ ուղղության առաջընթացը Հայաստանում:

M-Info-ի հարցումների համաձայն, հայ սպառողն առաջվա նման նախընտրություն է տալիս ներմուծվող բրենդերին: ՙՇատ դժվար է մարդկանց գիտակցությունից արմատախիլ անել այն կարծրատիպերը, որ ներմուծվող ամեն ինչ լավն է՚, - նշել է Մ.Սիմոնյանը: Նրա ասելով, այդ խնդիրը կարողացել են հաղթահարել կաթնամթերք արտադրողները: ՙրագետ շեշտադրումներ կատարելով բիզնեսում` նրանք կարողացել են սեփական խորշն զբաղեցնել շուկայում՚:

Համաժողովի ընթացքում հետաքրքիր և ուսանելի ելույթով է հանդես եկել INSTID London ընկերության ղեկավար Ալեքսանդր րանդը: Իր ելույթի սկզբում նա տվել է ՙբրենդ՚ բառի սահմանումը. ՙԴա ոչ լոգոտիպ է, ոչ բիզնեսի ոճ, ոչ էլ փաստաթղթերի փաթեթ կամ ընկերության արտաքին պատմություն, դա հավաքական մտածելակերպ է, երբ մի խումբ մարդկանց միավորում է որոշակի գաղափարախոսություն՚: Ձևավորելով ընկերության բրենդը, նրա ասելով, կարևոր է սեփականության զգացողություն հաղորդել շարքային մարդկանց` քո արտադրանքի հնարավոր սպառողներին: Նրա հավաստիացմամբ, հենց նրանց եռանդն է վերածվում իրական շահույթի ընկերության համար:
Հայտնի Mindscapes ընկերության հիմնադիր Յոնաթան Դոմինիցն (ավելի վաղ աշխատել է համաշխարհային ճանաչում ունեցող Young&Rubicam կազմակերպությունում) իր ելույթում առաջարկել է ավանդական գովազդը փոխարինել ավելի նորարարական լուծումով, մասնավորապես, ստեղծել առիթ, իրադարձություն, որը հետագայում կօգնի ձևավորել պահանջարկ նոր արտադրանքի նկատմամբ: Նա գործարարներին խորհուրդ է տվել նախ առաջ մղել ոչ թե ընկերության բրենդը, այլ` ապրանքը (կամ ծառայությունը), սակայն ընդսմին ընտրել ապրանքի առաջ մղման այնպիսի քաղաքականություն, որն սպառողին ստիպի ընդմիշտ հիշել նաև հենց բրենդը: Նրա ասելով, հենց այդ սկզբունքներով են ղեկավարվել համաշխարհային ճանաչում ունեցող այնպիսի ընկերություններ, ինչպես Gillette-ը, առաջ մղելով իր բրենդը Հնդկաստանում, իսկ Heineken-ը` երմանիայում:

Ավելացնենք, որ որպես ՙԲրենդեր և բիզնես՚ համաժողովի կազմակերպիչ հանդես է գալիս Maeutica ընկերությունը:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Տնտեսության մենաշնորհացումը ՙբերնդը՚ վերածում է հայ գործարարների համար ոչ պիտանի գործիքի