Երկուշաբթի, 7 Մայիսի 2012 20:34
Զարգացման Հայկական Բանկն առաջարկում է առանց կանխավճրի հիփոթեքային վարկեր
ԱրմԻնֆո. Զարգացման Հայկական Բանկը բնակարանի ձեռքբերումը հասանելի է դարձրել գրեթե բոլորին, նաև այն անձանց, ովքեր չունեն կանխավճարային միջոցներ: Զարգացման Հայկական Բանկը հիփոթեքային շուկայի առանձնահատկություններից ելնելով` այսօր արդեն հաճախորդներին առաջարկում է նոր հիփոթեքային վարկատեսակ` ՙՀիփոթեքային վարկ՚ առանց կանխավճարի: Այս մասին ԱրմԻնֆո գործակալությանը տեղեկացվել է Բանկի մամուլի ծառայությունից:
Աղբյուրի համաձայն, առաջարկած հիփոթեքային վարկերից կարող է օգտվել Հայաստանի Հանրապետության 18 տարին լրացած յուրաքանչյուր քաղաքացի: Վարկը լրացուցիչ գրավի առկայության պարագայում հնարավորություն է ընձեռում ձեռք բերել անշարժ գույք առանց կանխավճարի` ստանալով վարկ ձեռք բերվող անշարժ գույքի գնահատված արժեքի մինչև 100%-ի չափով: Առանց կանխավճարի հիփոթեքային վարկերը տրամադրվում են մինչև 10 տարի մարման ժամկետով, մինչև 100 մլն ՀՀ դրամի կամ համարժեք արտարժույթի գումարի չափով, տարեկան տոկոսադրույքը` 12-18%: Ընդ որում վարկ/գրավ (ձեռք բերվող անշարժ գույք և լրացուցիչ անշարժ գույք) առավելագույն հարաբերակցությունը սահմանվում է 60%:
Ըստ ԱրմԻնֆո գործակալության` Հայաստանի առևտրային բանկերի Ռենկինգի, Զարգացման Հայկական Բանկի վարկային պորտֆելը 2012 թվականի հուվարի 1-ի դրությամբ կազմել է 27.5 մլրդ.դրամ, գրանցելով 76.9% տարեկան աճ, իսկ միայն առաջին եռամսյակում` 12.2%: Վարկային պորտֆելի կազմում 39.7% կամ 10.9 մլրդ.դրամ է կազմել ֆիզիկական անձանց վարկերը, գրանցելով 96.2% տարեկան աճ: Բանկի հիփոթեքային վարկերի պորտֆելը տարեկան կտրվածքով աճել է 77.2%, կազմեելով 3.9 մլրդ.դրամ կամ 9.9 մլն.դոլար, ինչը կազմում է վարկային պորտֆելի 14%-ը:
ՙԶարգացման Հայկական Բանկ՚ բաց բաժնետիրական ընկերությունը Հայաստանի Հանրապետության առաջին առևտրային բանկերից է, որը հիմնադրվել է 1990 թ-ին: Բանկը մատուցում է ժամանակակից բանկային ծառայությունների լայն տեսականի տնտեսության տարբեր ճյուղեր ներկայացնող ռեզիդենտ և ոչ ռեզիդենտ իրավաբանական և ֆիզիկական անձանց:Այս երկու տասնյակից ավելի տարիների ընթացքում Բանկն ապացուցել է շուկայում իր կայացվածությունը, կուտակել է փորձ և արհեստավարժություն, վաստակել է հաճախորդների վստահությունը: Զարգացման Բանկը 2012 թվականի ընթացքում իր հաճախորդներին առաջարկելու է սպասարկման առավել բարենպաստ պայմաններ, նոր ծառայություններ և շարունակելու է հաճախորդներին առավել մատչելի դարձնել իր մրցունակ ծառայությունները` նոր մասնաճյուղերի բացման միջոցով:
Զարգացման Հայկական Բանկն այս վարկատեսակի տրամադրումն արդեն սկսել է. դիմեք Զարգացման Հայկական Բանկ եւ օգտվեք այս բացառիկ շահավետ վարկատեսակից եւ ունեցեք ձեր բնակարանը, առանձնատունը կամ ցանկացած անշարժ գույք:
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Արթուր Ավետիսյան․ Ապագա ԱԷԿ-ի մոդելի ընտրության շուրջ բոլոր մտորումները խոսակցություններից այն կողմ չեն գնա, քանի դեռ չկա ռազմավարական զարգացման տեսլական
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները