Կիրակի, 24 Հունիսի 2012 20:28
Առեւտրի եւ զարգացման սևծովյան բանկը Հայաստանում հիփոթեքային ծրագրի գործարկման շրջանակում 8 միլիոն դոլարի առաջին վարկային պայմանագիրն է կնքել Արդշինինվեստբանկի հետ
ԱրմԻնֆո: Հունիսի 24-ին Առեւտրի եւ զարգացման սևծովյան բանկը (ԱԶՍԾԲ) և Արդշինինվեստբանկը 8 միլիոն դոլարի պայմանագիրն են ստորագրել Հայաստանի հիփոթեքային շուկայի զարգացման նպատակով: Վարկը կտրամադրվի 7 տարով: Փաստաթուղթն ստորագրել են ԱԶՍԾԲ նախագահ Անդրեյ Կոնդակովը և Արդշինինվեստբանկի վարչության նախագահ Մհեր րիգորյանը:
ՙԱԶՍԾԲ կողմից աջակցությունը Հայաստանի հիփոթեքային վարկավորմանը կաջակցի նաև երկրի բնակարանային և հիփոթեքային շուկայի զարգացման կառավարության գերակայություններին: Մենք ուրախ ենք ընդլայնել մեր ներդրումային ներկայությունը Հայաստանում հայկական բանկի հետ առաջին հիփոթեքային ծրագրի ճանապարհով, որը բնակչությանը կօգնի լուծել բնակարանային հարցերը՚, - նշել է Ա.Կոնդակովը:
ՙՍեփական միջոցների հաշվին հիփոթեքային վարկավորումը դժվար է, և այդ համատեքստում հարկ է նշել արտաքին աղբյուրներից երկար փողերի ներգրավման կարևորությունը, որոնք մատչելի երկարաժամկետ վարկեր տրամադրելու հնարավորություն են ընձեռում՚, - իր հերթին նշել է Մ.րիգորյանը:
Նա նշել է, որ ԱԶՍԾԲ վարկային գծի շրջանակում մասնավոր անձանց տրամադրվելիք հիփոթեքային վարկերի հիմնական առավելությունը մինչև 30 տարի մարման ժամկետն է: Ընդ որում այդ միջոցները կտրամադրվեն ոչ միայն բնակարան գնելու, այլև շինարարության և վերանորոգման համար: Տոկոսադրույքների առնչությամբ Մ.րիգորյանը նշել է, որ այստեղ ամեն ինչ կախված է հնարավոր փոխառուի վճարունակությունից: ՙՍակայն վարկի երկարաժամկետայնությունը հնարավորություն է ընձեռում տոկոսադրույք սահմանել սկսած 10 տոկոսից, ինչը, իմ կարծիքով, մեծացնում է այդ միջոցների մատչելիությունը բնակչության միջին շերտերի համար՚, - ընդգծել է նա:
ԱրմԻնֆո գործակալության նախապատրաստած ՙՀայաստանի բանկերի ռենքինգի՚ տվյալներով, Արդշինինվեստբանկն առաջատարների տասնյակում է ըստ վարկային պորտֆելի չափի` 93.2 մլրդ դրամ (բանկի ակտիվների շուրջ 58%), տարեկան աճը 26,4% է: Ընդ որում հիփոթեքի բաժինը բանկի վարկային պորտֆելում կազմում է շուրջ 4% կամ 3.3 մլրդ դրամ, ինչը 44%-ով ավելի է մեկ տարի վաղեմության ցուցանիշից:
Հիշեցնենք, որ բանկի բաժնետոմսերի մեծ մասը պատկանում է ՙԲիզնես Ներդրումների Կենտրոն՚ ՍՊԸ-ին, որի մասնակցությունը բանկի կապիտալում կազմում է 87.23%, և ՙՄիջազգային Ֆինանսական Կորպորացիային՚ (International Financial Corporation)` 10.00%: Արդշինինվեստբանկը Հայաստանի բանկային շուկա է մտել 2003 թվականին Արդշինբանկի և Հայագրոբանկի կլանման արդյունքում: Այդ պահից բանկի մասնաճյուղային ցանցն զբաղեցնում է 2-ր տեղը: Բանկն ունի 55 ստորաբաժանում, որոնցից 13-ը մայրաքաղաքում են, 36-ը`մարզերում, և 6-ը` ԼՂՀ-ում: Բանկը նաև ունի ներկայացուցչություն Փարիզում: Moody's միջազգային վարկանիշային գործակալությունը տեղական արժութային ավանդների չափանիշով Արդշինինվեստբանկին շնորհել է Ba2 երկարաժամկետ և Not Prime կարճաժամկետ, իսկ արտարժութային ավանդների չափանիշով Ba3 երկարաժամկետ և Not Prime կարճաժամկետ վարկանիշերը: Ֆինանսական կայունությունը ("BFSR") գնահատվել է "D-": Արդշինինվեստբանկն ունի նաև որակի կառավարման 9001:2008 համակարգի ISO միջազգային սերտիֆիկատ:
Հիշեցնենք, որ ԱԶՍԾԲ ստեղծվել է սևծովյան տարածաշրջանի երկրների համագործակցութանն ու տարածաշրջանային զարգացմանն աջակցության նպատակով: Բանկի առաքելությունը տարածաշրջանում առևտրային կապերի զարգացումն է, աջակցությունը միջազգային նախագծերի իրացմանը, օտարերկրյա ներդրումներին, պետական մակարդակի և մասնավոր բիզնեսում առևտային և տնտեսական կապերի զարգացման ընթացքում երաշխիքների տրամադրումը: ԱԶՍԾԲ հիմնադրված է ԱԶՏՀ հիմնադիր պետությունների կողմից1994 թվականի հունիսի 30-ին Թբիլիսիում կնքված համաձայնագրի շրջանակում: ԱԶՍԾԲ կանոնադրական կապիտալը կազմում է շուրջ 3.3 SDR:
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Աշխատում էին համապարփակ բժշկական ապահովագրության վրա, ստացան՝ համընդհանուր։ Հայաստանը շուկայական տնտեսության մոդելից լայնածավալ հետքայլ է կատարում դեպի վարչահրամայական տնտեսություն. Հայկազ Ֆանյան
Մարիամ Համբարձումյան. Հայաստանի կրթական համակարգն առայժմ չի կարողացել անցնել այն տրանսֆորմացիան, որն այսօր անհրաժեշտ է բիզնեսի համար
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները