Չորեքշաբթի, 27 Հունիսի 2012 14:17

Ուժեղ մենեջերն ուժեղ է իր գիտելիքներով ու թիմով

ԱրմԻնֆո. ԲՏԱ Բանկի գործադիր տնօրենի տեղակալ Գայանե Հայրոյանի հարցազրույցը ԱրմԻնֆո լրատվական գործակալությանը

Կին-ղեկավարն այլևս չի զարմացնում գործարար աշխարհին ու հասարակությանը, գոնե քաղաքակիրթ երկրներում: Իսկ մեր հասարակությունում նման կանանց դեռ չեն ընտելացել: Ոմանք կնոջը համարում են հանճարեղ ղեկավար, ոմանք էլ` հոգեբանորեն անկայուն անձնավորություն, տրամադրության մարդ: Որոշումներ ընդունելիս, ըստ տղամարդ-ղեկավարների, կանանց մոտ ամեն ինչ կարող է կախված լինել ոչ թե արգումենտացիայից, այլ քմահաճույքից: Բայց անգամ մեր հասարակությունում, որտեղ ինչ-որ չափով խաթարվել են բարոյական մտածողության ավանդներն ու ողջամտությունը, քիչ չեն օրինակները, որոնք ամբողջովին փշրում են այդ կարծրատիպերը:

Տկն.Հայրոյան, Դուք ունեք բանկային ռիսկերի կառավարման ոչ փոքր և, անկասկած, շատ արժեքավոր փորձ: ԲՏԱ Բանկ եք եկել որպես ռիսկ-մենեջեր, զբաղեցնելով Ռիսկերի կառավարման վարչության ղեկավարի պաշտոնը: Այժմ հանդիսանում եք բանկի փոխտնօրենը, ղեկավարում եք մեծ կոլեկտիվ, ամեն օր ընդունելով, հավանաբար, բանկի համար կարևորագույն որոշումներ: Ի՞նչ եք կարծում, կա՞ն արդյոք սկբունքային տարբերություններ կին-ղեկավարի ու տղամարդ-ղեկավարի աշխատանքում:

Կա մի այսպիսի հասկացություն, որ կինը պատկանում է թույլ սեռին: Դրա հետ դժվար է չհամաձայնվել, իհարկե, տղամարդիկ կանանցից ավելի ուժեղ են ու դիմացկուն: Իսկ մնացած բոլոր հարցերում, այդ թվում նաև աշխատանքում, կնոջ և տղամարդու միջև սկզբունքային տարբերություն չեմ տեսնում: Գտնում եմ, որ պրոֆեսիոնալ մակարդակը երբեք էլ կախված չէ մարդու սեռական պատկանելությունից: Լավ մենեջեր հավասարապես կարող է դառնալ ինչպես կինը, այնպես էլ տղամարդը:

Պարզապես հաճախ են ասում, որ որոշումներ ընդունելիս կինը ղեկավարվում է էմոցիաներով…

Չի բացառվում, որ քիչ չեն նման կանայք, բայց չի կարելի դա ընդունել որպես կին-ղեկավարի գլխավոր հատկանիշ: Նման մոտեցումը գալիս է, ավելի շուտ, կոմպետենտ չլինելուց, ինչը, համաձայնվեք, սեռի հետ ոչ մի կապ չունի:

Հաճա՞խ եք աշխատանքում ստիպված լինում ցուցաբերել զուտ տղամարդկային գծեր, օրինակ, կոշտություն, կամ խոսակցության ընթացքում բարձրացնում եք Ձեր ձայնը:

Ես այնքան էլ համաձայն չեմ այն կարծիքին, որ կոշտությունը միայն տղամարդկային հատկանիշ է, իմ կարծիքով, դա ավելի շուտ մենեջերի ուժեղ կողմերից է, որը հաճախ եմ կիրառում: Ինչ վերաբերվում է աշխատակցի հետ խոսելիս ձայնը բարձրացնելուն, ապա ես հազվադեպ եմ խոսում բարձր տոնով:

Տարիների ընթացքում ղեկավարների մոտ ձևավորվում է հրամանատարական տոն: Հավանաբար Ձեզ մոտ էլ է այդպես: Հաճա՞խ եք արդյոք, թեկուզ սովորության համաձայն, հրամատարային տոնով խոսում նաև տանը, հարազատների ու մերձավորների հետ:

Ես աշխատում եմ աշխատանքային սովորությունները թողնել աշխատավայրում, բայց երբեմն, իհարկե, դա պատահում է:

Եվ ինչպե՞ս են արձագանքում հարազատներն ու մերձավորները:

Նման երևույթներին իմ մերձավորները մոտենում են ըմբռնումով:

Կա մի այսպիսի համոզմունք, որ հրամանատարական կառավարումը հանդիսանում է ընկերության հաջողության գրավականը: Միևնույն ժամանակ, կա նաև հռոմեական հայտնի սկզբունքը` բաժանիր և նվաճիր: Ո՞ր սկզբունքի կողմակիցն եք Դուք: Ո՞ր իրավիճակներում է անհրաժեշտ հրամանատարային աշխատանքը, և ե՞րբ է անփոխարելի դառնում հռոմեական սկզբունքը:

Կարծում եմ, որ ցանկացած պարագայում անհրաժեշտ է հրամանատարային աշխատանքը: Բաժանելու դեպքում կոլեկտիվում ձևավորվում է անառողջ մթնոլորտ: Իհարկե, ես չեմ նսեմացնում հռոմեական սկզբունքի առավելությունները, բայց ավելի շատ հրամանատարային աշխատանքի կողմնակից եմ: Հռոմեական սկզբունքի կողմնակիցներն, իմ կարծիքով, խուսափում են հավակնոտ, սրնթաց ու ընդունակ աշխատակիցներից: Իսկ ես գտնում եմ, որ ուժեղ մենեջերն ուժեղ է իր գիտելիքներով ու թիմով:

Մարդիկ մշտապես ձգտում են դեպի ավելի նորն ու ավելի բարձրը: Ինչի՞ է ձգտում ԲՏԱ Բանկի փոխտնօրենը: Հավանաբար, մեկ անգամ չէ, որ մտորել եք սեփական բիզնես հիմնելու մասին, մանավանդ, որ կանանց մոտ դա հիմա մոդայիկ միտում է:

Համաձայն եմ, որ մենք մշտապես ձգտում ենք նորանոր բարձունքների: Բայց ինձ համար ամենակարևորն իմ աշխատանքից հաճույք ստանալն է, և ես գոհ եմ իմ ձեռքբերումներից:

Ի՞նչն է Ձեզ օգնում միաժամանակ լինել անփոխարինելի ղեկավար, լավ կին, մայր և աղջիկ:

Կարծում եմ` երախտագիտության զգացումը, ինչպես նաև մերձավորներիս ու սիրելիներիս հոգատար վերաբերմունքը գնահատելու հատկությունը: Աշխատանքում ինձ ավելի շատ օգնում են այնպիսի անձնական հատկանիշներ, ինչպիսիք են հանդուրժողականությունը, պատասխանատվությունը, աշխատասիրությունը, սովորելու ընդունակությունը և, իհարկե, կարգապահությունը:

Պատմեք, խնդրեմ, ինչպե՞ս սկսվեց Ձեր կարիերան:

Իմ բանկային կարիերան սկսվեց վարկային մասնագետի աշխատանքից: Վարկային գործունեության տրամաբանական շարունակությունը հանդիսացավ ռիսկ-մենեջերի պաշտոնը ԲՏԱ Բանկում: Բանկային համակարգում ռիսկերի կառավարման դերի բարձրացման հետևանքով ստեղծվեց վարկային ռիսկերի կառավարման կառույց, որը ղեկավարեցի ես: Այնուհետև նշանակվեցի բանկային ռիսկերի վարչության ղեկավար, գործադիր տնօրենի խորհրդատու, իսկ այժմ հանդիսանում եմ գործադիր տնօրենի տեղակալը:

Այսինքն, Ձեր կարիերան սկսվել է վարկային մասնագետից:

Այո, իրաբանական անձանց միջազգային ծրագրերով վարկավորման կառույցի աշխատակցի պաշտոնից: Ինձ վստահված վարկային առաջին նախագիծը բավականին բարդ էր, բայց աշխատեցի ու ապացուցեցի իմ կարողութոյւնները, որին հաջորդեցին երկրորդ, այնուհետև, երրորդ նախագծերը և այլն: ԲՏԱ Բանկ ես եկա որպես ռիսկ-մենեջեր: Իսկ վարկավորման հատվածում աշխատելու տարիներին ձեռք բերած փորձը լավ հարթակ հանդիսացավ վարկային ռիսկերի կառավարման ոլորտի համար:

Ասում են, յուրաքանչյուր սխալ անգնահատելի փորձ է և ավելին արժե, քան մի քանի կարդացած գրքեր: Ինչպե՞ս եք վերաբերվում նման բնորոշմանը:

Համաձայն եմ, որ սխալն, իրոք, անգնահատելի փորձ է: Բայց ես աշխատում եմ սովորել ուրիշների սխալների վրա, իհարկե, հնարավորությունների սահմաններում:

Մի փոքր էլ պատմեք բանկի ձեռքբերումների մասին, հասկանում եմ, որ մենք շեղվում ենք հիմնական թեմայից, բայց, այնուամենայնիվ, հատկապես բանկի ձեռքբերումներն են, որ թույլ կտան դատել, թե ինչպիսին է բանկի մենեջմենտի և, իհարկե, մենեջերների գործունեության արդյունավետությունը:

Իրականում, շատ բանի ենք հասել: Մեզ համար շատ կարևոր է նվաճել մեր հաճախորդների վստահությունը, յուրաքանչյուր վարկառուի համար դառնալ ոչ միայն վարկատու, այլ հուսալի գործընկեր: Եվ այդ առանցքային նպատակին հասնելու ձգտումն է, որ մեզ թույլ տվեց էապես բարելավել բանկի հիմնական բիզնես-գործընթացները, մասնավորապես, ամրապնդել ռիսկ-մենեջմենտը, բարձրացնել վարկային գործառնությունների եկամտաբերությունը, մեծացնել վարկային պորտֆելը և փոխել դրա կառուցվածքը: Դա երկարատև ու դժվարին գործընթաց էր, և այստեղ շատ կարևոր էին հատկապես հրամանատարային ոգու դրսևորումն ու միավորվածությունը: Եթե խոսենք թվերի լեզվով, ապա տարեսկզբից մեզ հաջողվեց մեծացնել վարկային պորտֆելը, իսկ տարվա արդյունքներով մտադիր ենք ապահովել վարկային ներդրումների 50-60% աճ: Անցյալ տարի այն աճեց գրեթե 80 %: Նկատելիորեն բարելավվել է նաև վարկային պորտֆելի որակը, կրճատվել են պրոբլեմային վարկերի ինչպես ծավալները, այնպես էլ քանակը:

Հախա՞խ է լինում, երբ Ձեր կարծիքը չի համընկնում բարձրագույն ղեկավարության կարծիքին: Ինչպե՞ս եք վարվում նման դեպքերում:

Դա լինում է շատ հազվադեպ: Բոլորս էլ լավ ենք հասկանում, թե ինչի ենք ձգում, և ցանկացած որոշում ընդունում ենք, ղեկավարվելով մեր առանցքային նպատակով: Բացի այդ, ցանկացած լուրջ ռազմավարական որոշում մենք ընդունում ենք համատեղ, իսկ հետո կոլեգիալ ձևով մշակում լավագույն տարբերակները: Մեր բանկի յուրաքանչյում մենեջեր կրում է որոշակի որակներ: Իմ գլխավոր որակը, այս մասին հաճախ է ասում բարձրագույն ղեկավարությունը, դա որոշումներ ընդունելու արագությունն է, ինչպես նաև աշխատանքում առաջացած <սուր անկյունները> հարթելու ունակությունը: Ասում են, ես շատ զգայուն եմ փոփոխությունների նկատմամբ, ինչն էլ իմ գործունեությունը որոշակի պայմաններում դարձնում է արդյունավետ:

Ի՞նչ խորհուրդ կտայիք այն կանանց, ովքեր ձգտում են կարիերայի աճի:

Ինձ շատ է դուր գալիս Կոկո Շանելի հետևյալ արտահայտությունը. <Եթե ցանկանում եք ունենալ այն, ինչ երբեք չեք ունեցել, ապա ստիպված կլինեք անել այն, ինչը երբեք չեք արել>: Գտնում եմ, որ մեր կանայք բավանականաչափ խելացի ու իմաստուն են, որպեսզի հաջողությունների հասնեն ինչպես աշխատանքում, այնպես էլ անձնական կյանքում: Շատ կարևոր է, որ այդ ճանապարհին չվախենան դժվարություններից, ու բոլոր մարտահրավերներն ընդունեն արժանապատվորեն: Ահա սա է հաջողության ամենամեծ գրավականը:

Շնորհակալություն զրույցի համար և հաջողություններ Ձեզ

Էլիտա Բաբայան

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.73	-0.02
USD	382.65	-0.07
EUR	442.76	-1.39
GBP	502.42	-1.81
CAD	273.11	-1.10
JPY	24.83	-0.03
CNY	53.79	-0.02
CHF	477.00	-1.40

Նորություններ

Ուժեղ մենեջերն ուժեղ է իր գիտելիքներով ու թիմով