Երկուշաբթի, 2 Հուլիսի 2012 18:20
Հայաստանի բնակչության միայ ն 17 տոկոսն է օգտվում ֆինանսական ծառայություններից
ԱրմԻնֆո. Այսօր Համաշխարհային բանկը ՀՀ կենտրոնական բանկի հետ համատեղ կազմակերպել է աշխատանքային քննարկումª նվիրված Հայաստանում սպառողների շահերի պաշտպանության և ֆինանսական գրագիտության խնդիրներին:
Ինչպես ԱրմԻնֆո գործակալությանը տեղեկացվել է ՀՀ Կենտրոնական բանկի մամուլի ծառայությունից, ՀՀ կենտրոնական բանկի նախագահի տեղակալ Ներսես Երիցյանը, ողջունելով հանդիպման մասնակիցներին, նշել է, որ աշխարհում վերջերս քննարկումներ են ընթանում ֆինանսական համակարգում սպառողների շահերի պաշտպանության հարցերի վերաբերյալ, որոնցում կարևորվում է սպառողների իրազեկվածության բարձրացումը: Նա ասել է, որ Հայաստանի Հանրապետության կենտրոնական բանկը 2007 թ-ից ձեռնամուխ է եղել այդ ուղղությամբ մի շարք միջոցառումների իրականացմանը, մասնավորապես` ԿԲ-ում ստեղծվել է Սպառողների շահերի պաշտպանության և շուկայի վարվելակերպի բաժինը, հիմնադրվել է Ֆինանսական համակարգի հաշտարարի գրասենյակը:
Նա տեղեկացրել է, որ Կենտրոնական բանկի կողմից մշակվում է ֆինանսական կրթման ազգային ռազմավարություն, որը միավորելով բոլոր շահագրգիռ կողմերի ջանքերը, նպաստելու է ֆինանսական կրթման ոլորտում իրականացվող միջոցառումների արդյունավետության բարձրացմանը:
Համաշխարհային բանկի Սպառողների շահերի պաշտպանության և ֆինանսական գրագիտության գլոբալ ծրագրի ղեկավար Սյուզան Ռութլեջը, ներկայացնելով ուսումնասիրությունը, նշել է, որ նախնական արդյունքների համաձայն` ֆինանսական ծառայություններ սպառողների շահերի պաշտպանության ոլորտում Հայաստանը գրանցել է մեծ առաջընթաց: Սակայն դրա հետ մեկտեղ, ֆինանսական ծառայություններ սպառողների շահերի պաշտպանության կատարելագործման ուղղությամբ դեռևս աշխատանքների կարիք կա:
Նա կարևորել է սպառողների իրազեկվածության մակարդակի բարձրացումը, ինչպես նաև շեշտել, որ առանձնակի ուշադրության են արժանի հանրությանը ֆինանսական ծառայությունների ներկայացման ձևն ու ֆինանսական ծառայության վաճառքի գործընթացները, որպեսզի սպառողները գիտակցեն, թե ինչ պարտավորություններ են ստանձնում ֆինանսական պայմանագրեր կնքելիս:
Հայաստանի բանկային հատվածում ակտիվ սպառողական վարկավորումը ժամկետանց վարկերի երկնիշ աճ է հրահրել
"Լույս" հիմնադրամ. վարկային պարտավորությունների առաջանցիկ աճը բնակչության եկամուտների համեմատ կարող է ռիսկեր ստեղծել ֆինանսական կայունության համար՝ միջնաժամկետ հեռանկարում
ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"
Հայաստանի խորհրդարանը հավանություն է տալիս ՀԷՑ-ի ազգայնացմանը
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%