Երեքշաբթի, 10 Հուլիսի 2012 17:13

Ամերաբանկը երկրորդ տարին անընդմեջ արժանանում է Euromoney 2012 երազանցության Մրցանակին` որպես Տարվա լավագույն բանկը Հայաստանում

ԱրմԻնֆո. Ամերաբանկը երկրորդ տարին անընդմեջ արժանանում է Euromoney 2012 երազանցության Մրցանակին` որպես Տարվա լավագույն բանկը Հայաստանում: Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, մրցանակաբաշխության հանդիսավոր արարողությունը տեղի է ունեցել սույն թվականի հուլիսի 5-ին, Լոնդոնում:

Սկսած 1992 թվականից, Euromoney հեղինակավոր ամսագիրն իրականացնում է համաշխարհային մասշտաբով լավագույն ֆինանսական կառույցների գործունեության արդյունքների գնահատման ամենամյա գործընթաց` ըստ սեգմենտների սահմանելով բարձրակարգ պարգևներ: Euromoney երազանցության մրցանակը ներառում է բանկային համակարգի և կապիտալի շուկաների ոլորտի համար սահմանված 29 մրցանակ: Մրցույթին սովորաբար մասնակցում են աշխարհի ավելի քան 100 երկրների բանկեր, բրոքերային և դիլերային ընկերություններ:

Ամերիաբանկին հաղթող ճանաչելու համար հաշվի են առնվել մի շարք կարևոր չափանիշներ` տարածաշրջանում Ամերիաբանկի ամրապնդվող դիրքերը, Բանկի արդյունավետ կառավարման համակարգը, հաճախորդների հետ հարաբերությունների կառավարման համակարգի ամբողջական ներդրումը (Terrasoft CRM), ռիսկերի կառավարման կայուն համակարգի առկայությունը, նոր ծառայությունների ներդրումը` ոսկու կառուցվածքային ավանդ, խնայողական ավանդ, Սփյուռքի համար մշակված խնայողական ավանդ, հայկական ֆինանսական շուկայում նախադեպը չունեցող հիփոթեքային վարկեր, Մաքսային քարտ, Նվեր քարտ, էքսպրես լիզինգ, ֆիզիկական անձանց ներդրումային վարկեր:

Միաժամանակ հաշվի են առնվել Բանկի զարգացման կայուն տեմպերը, շարունակ իրականացվող նորամուծությունները, բանկային գործում առաջադիմական մոտեցումների ցուցաբերումը, փոքր և միջին ձեռնարկություններին աջակցելու նպատակով վարկավորման լայնածավալ ծրագրի իրականացումը, վերջին երկու տարիների ընթացքում բազմակողմանի գործունեության շնորհիվ միջազգային կառույցներից` IFC-ից /Միջազգային ֆինանսական կորպորացիա, FMO-ից /Նիդերլանդների զարգացման ֆինանսական ընկերություն, երկրի միջազգային զարգացման բանկ/ և DEG-ից /KfW Bankengruppe-ի անդամ/, EBRD-ից /Վերակառուցման և Զարգացման Եվրոպական բանկ/, EDB-ից /Եվրասիական Զարգացման բանկ/, ADB-ից /Ասիական Զարգացման բանկ/ և հեղինակավոր բանկերից 132մլն դոլարի չափով գումարների ներգրավումը և բարեհաջող տեղաբաշխումը` հիմնականում ուղղված փոքր ու միջին բիզնեսի և վերականգնվող էներգետիկայի վարկավորմանը:

Հիշեցնենք, որ ՙԱմերիաբանկ՚ ՓԲԸ-ն հանդիսանում է ունիվերսալ բանկ և տրամադրում է ներդրումային, կորպորատիվ և մանրածախ բանկային ծառայություններ: Բանկի մաժորիտար բաժնետերն է ռուսաստանյան խոշորագույն ՙՏրոյկա Դիալոգ՚ ներդրումային ընկերության հետ փոխկապակցված ՙT.D.A. Հոլդինգ Լիմիթեդ՚ ընկերությունը ¥99.99%¤, որը 2011 թվականի նոյեմբերին վերանվանվել է` Ameria Group (CY) Limited:

Ըստ ԱրմԻնֆո գործակալության` Հայաստանի առևտրային բանկերի Ռենկինգի, Ամերիաբանկի ընդհանուր կապիտալը 2012 թվականի հունվարի 1-ի դրությամբ կազմել է 35.1 մլրդ.դրամ ¥2 տեղը բանկային համակարգում¤, կաննադրական կապիտալը` 25.5 մլրդ.դրամ ¥2 տեղ¤, ակտիվները` 201.4 մլրդ.դրամ ¥2 տեղ¤, վարկային պորտֆելը` 142 մլրդ.դրամ ¥2 տեղ¤, ներդրումները պետպարտատոմսերում` 12.7 մլրդ.դրամ ¥4 տեղ¤, նոստրո-հաշիվների միջոցները` 10.8 մլրդ.դրամ ¥1 տեղ¤, ընդհանուր պարտավորությունները` 166.3 մլր.դրամ ¥2 տեղ¤, ժամկետային ավանդները` 74 մլրդ.դրամ ¥2 տեղ¤, մասնավորապես, ֆիզիկական անձանց ժամկետային ավանդները` 34.1 մլրդ.դրամ ¥5 տեղ¤: Բանկի ակտիվների կազմում, որոնք մեկ տարում աճել են 32%, վարկային ներդրումների բաժինն անցնում է 70%-ից, բացարձակ մեծության տարեկան 40% աճով: Բանկի վարկային պորտֆելում արդյունաբերության և առևտրի ոլորտների բաժինը կազմել է` 28-29% ¥1 տեղ¤: ՓՄՁ ոլորտի բաժինը կազմել է 14%, կամ մոտ 8 մլրդ.դրամ, գրանցելով տարեկան կրկնակի աճ: Բանկի ժամկետային ավանդները մեկ տարում աճել են 35%, ընդհանուր կապիտալն աճել է 10%, հիմնականում շահույթի 37% աճի հաշվին, մինչև 4.4 մլրդ.դրամ ¥4 տեղ¤:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Ամերաբանկը երկրորդ տարին անընդմեջ արժանանում է Euromoney 2012 երազանցության Մրցանակին` որպես Տարվա լավագույն բանկը Հայաստանում