Հինգշաբթի, 12 Հուլիսի 2012 20:28

Յուրի Գուսև. հայկական շուկայում կան խոշոր բիսնես-նախագծեր, որոնք համաֆինանսավորման կարիք ունեն

ԱրմԻնֆո. ՙՎՏԲ-Հայաստան Բանկ՚ ՓԲԸ տրամադրել է ֆինանսավորում ՙԷկոտոմատո՚ ՓԲԸ, որը զբաղվում է վարդերի արտադրությամբ և Հայաստանից նրանց արտահանմամբ: Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, ստացված ֆինանսավորումը կուղղվի նոր ծաղկային ջերմոցների տնտեսության շինարարությանը և ՙDalsemե՚ հոլանդական ընկերությունից սարքավորումների ձեռք բերմանը:

ՙԷկոտոմատո՚ ՓԲԸ հիմնադրվել է 2011թ.-ին: Ներկա դրությամբ գործող ջերմոցի տարածքը կազմում է 2 հա, չնայած ծաղիկների մեծ և անընդհատ աճող պահանջարկին ինչպես ՀՀ տարածքում, այնպես էլ նրա սահմաննեից դուրս Ընկերությունը որոշում է կայացրել կառուցել երկրորդ ջերմոցը` 3 հա տարածքով:

ՙՄենք մեծ տեղ ենք հատկացնում միջին բիզնեսի զարգացմանը և, ֆինանսավորելով նմանատիպ նախագծեր, նպաստում ենք արտահանման գործունեության զարգացմանը Հայաստանում: Տվյալ պարագայում դա ՙԷկոտոմատո՚ ՓԲԸ նախագծի ֆինանսավորումն է` ուղղված բարձրորակ վարդերի արտադրությանը ժամանակակից հոլանդական տեխնոլոգիաներով: ՙՎՏԲ-Հայաստան բանկ՚ ՓԲԸ համար սա առաջին փորձն է տվյալ ոլորտում, և մենք հուսով ենք, որ Հայաստանում գյուղատնտեսության զարգացման էական պոտենցիալի առկայության դեպքում այսուհետ նմանատիպ նախագծերը կլինեն բավականին շատ: Ցանկանում եմ նշել, որ նշյալ ֆինանսավորմանը մեր բանկի հետ համատեղ մասնակցել է նաև ՙԱրդշինինվեստբանկ՚ ՓԲԸ: Կարելի է ասել, որ ՀՀ բանկային համակարգում սա առաջին գործարքն է, որտեղ երկու առևտրային բանկեր միավորել են իրենց ուժերը և համատեղ ֆինանսավորել նշյալ բիզնես նախագիծը, որը արդյունավետորեն զարգանում է արտահանման ծառայությունների շուկայում՚,-ասել է ՙՎՏԲ-Հայաստան Բանկ՚ ՓԲԸ լխավոր տնօրեն- Տնօրինության նախագահի ժ/պ` Յուրի Գուսևը:

ՙ2011թ. մայիսից ՙԷկոտոմատո՚ ՓԲԸ զբաղվում է հոլանդական վարդերի աճեցմամբ, ներկա դրությամբ ողջ անդրկովկասում մենք հանդիսանում ենք միակ կազմակերպությունը, որը զբաղվում է նման գործունեությամբ: Այս տարի մենք որոշել ենք ընդլայնել մեր արտադրությունը` սկսելով ևս մեկ ջերմոցի շինարարություն, ինչը հնարավորություն կտա ավելացնել արտադրությունը մոտ 2.5 անգամ (մինչև 6-7 մլն տարեկան): Բանկի կողմից ստացված ֆինանսավորումը կուղղվի հոլանդական ՙDalsem՚ ընկերությունից հատուկ տեխնիկայի ձեռք բերմանը: Մենք ուրախ ենք սկիզբ դնել տվյալ փոխշահավետ համագործակցությանը և հուսով ենք, որ ժամանակի ընթացքում այն ձեռք կբերի ավելի բարիադրացական և շարունակական բնույթ՚,-ասել է ՙԷկոտոմատո՚ ՓԲԸ տնօրեն` Արսեն Սանդոյանը:

Ներկա դրությամբ Էկոտոմատո ընկերությունը արտադրում է 9 տեսակ վարդ, որոնցից առավել պահանջարկ ունեն այնպիսի տեսակներ, ինչպիսին են White Naomi, Peni Lane, Red Naomi, Sweat Dolomiti: Էկոտոմատոյի վարդերը իրացվում են ոչ միայն Հայաստանում, այլ ՀՀ սահմաններից դուրս` հիմնականում նախկին ԽՍՀՄ երկրներում, Վրաստանում ինչպես նաև Եվրոպայում:

ՙDalsem Horticultural Projects B.V. (Հոլանդիա) –Dalsem ընկերություննեի խումբը հանդիսանում է ջերմոցային տնտեսությունների և սնկային արտադրության բնագավառում աշխարհահռչակ մշակող: Dalsem–ը հանդիսասնում է բարձր տեխնոլոգիական ջերմոցային տնտեսոթյունների ջատարներից մեկը աշխարհում:

ՙՎՏԲ-Հայաստան Բանկ՚ ՓԲԸ ՎՏԲ միջազգային ֆինանսական խմբի մասնակից է դարձել 2004թ. ապրիլին: ՙՎՏԲ Բանկ՚ ԲԲԸ հանդիսանում է «ՎՏԲ-Հայաստան Բանկե ՓԲԸ 100% բաժնետոմսերի փաթեթի միանձնյա բաժնետերը: Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկա դրությամբ Բանկն ունի ամենալայն մասնաճյուղային ցանցը ողջ երկրում-68 մասնաճյուղ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Յուրի Գուսև. հայկական շուկայում կան խոշոր բիսնես-նախագծեր, որոնք համաֆինանսավորման կարիք ունեն