Երեքշաբթի, 3 Հուլիսի 2012 16:30
ՙԱնելիք Բանկ՚ ՓԲԸ իր քարտապանների համար ներդրել է Հայաստանի ամենամեծ զեղչային ցանցը
ԱրմԻնֆո. ՙԱնելիք Բանկ՚ ՓԲԸ իր քարտապանների համար ներդրել է Հայաստանի ամենամեծ զեղչային ցանցն` ավելի քան 400 լավագույն խանութներով և սպասարկման կետերով: Ինչպես ԱրմԻնֆո գործակալությանը տեղեկացվել է Անելիք Բանկի մամուլի ծառայությունից, բանկի քարտապաններն արդեն հնարավորություն ունեն օգտվելու մինչև 50% զեղչերից Հայաստանի ավելի քան 400 խանութներում և սպասարկման կետերում, ինչպես նաև ստանալ միչև 20% հավելյալ զեղչեր գերծող զեղչերին շուրջ 200 խանութներում և սպասարկման կետերում: Բանկի կողմից ներդրված զեղչային ցանցն ընդգրկում է տարբեր նախասիրությունների անձանց համար նախատեսված առևտրի և սպասարկման կետերի լայն շրջանակ:
ՙԱնելիք Բանկը ներդնելով այս զեղչային ցանցը, նպատակ ունի խթանելու անկանխիկ գործարքներն իր քարտապանների շրջանում: Զեղչային ցանցն առանձնանում է մի շարք հատկանիշներով նմանատիպ այլ ծրագրերից: Առանձնահատկություններից առաջնայինը, թերևս, սպասարկման կետերի քանակն է. մեր դիտարկումներով Հայաստանի ոչ մի զեղչային ցանց չի ներառում նման քանակի խանութներ, առևտրի և սպասարկման կետեր: Կցանկանայի նաև առանձնացնել գործող զեղչերին հավելյալ զեղչերի առկայությունը. մեր քարտապանները նշված ավելի քան 400 վաճառակետերից շուրջ 200-ում կստանան մինչև 20% զեղչ, վաճառակետերում գործող զեղչերի դեպքում` նույնպես: Բացի նրանից, որ այն ամենամեծ զեղչային ցանցն է ամբողջ Հայաստանում, այն նաև առանձնանում է իր տարածքային լայն ընդգրկմամբ` իր մեջ ներառելով Հայաստանի տարբեր մարզերի մի քանի տասնյակ խանութներ և սպասարկման կետեր: Մեր քարտապաններն այլևս կարիք չեն ունենա պահել տարբեր խանութների զեղչային քարտեր և ամեն անգամ գնումներ կատարելիս փնտրել դրանք դրամապանակում: «Անելիք Բանկե ՓԲԸ ցանկացած ARCA, VISA, MasterCard քարտ բացի վճարահաշվարկային քարտից կլինի հենց զեղչային քարտ:
Մենք շարունակելու ենք զարգացնել մեր զեղչային ցանցը և նպատակ ունենք մինչև տարեվերջ այն հասցնել ավելի քան 500 խանութի և սպասարկման կետի, հատկապես, որ արդեն կան դրա նախադրյալները:
Բացի զեղչային ցանցից, այս տարի մեր քարտապաններին սպասվում են նոր անակնկալներ ևս: Սույն թվականի մայիսի 21-ին առաջին անգամ Հայաստանում շուկա ենք հանել եդեոն Ռիխտեր դեղատների և ՍԹԱՐ առևտրային ցանցի հետ համատեղ թողարկված ՙՀոգատար՚ ArCa Classic զեղչային և կուտակային քարտը: Բացի այս, նախատեսվում է շուկա հանել Հայաստանում նմանը չունեցող քարտային նոր պրոդուկտներ նույնպես, որոնց մասին բնակչությանը կտեղեկացնենք առաջիկայում՚,- նշեց ՙԱնելիք Բանկ՚ ՓԲԸ Մարքեթինգի և հասարակության հետ կապերի վարչության պետ Արմեն Արևյանը:
Ըստ բանկի տվյալների, ArCA Classic քարտերի սպասարկման տարեկան գումարը սահմանվել է 2000 դրամ, Visa Classic քարտերինը` 4000 դրամ և MasterCard Standart քարտերինը` 4000 դրամ, իսկ Maestro/Cirrus քարտերով` 2500 դրամ: Նշված քարտերի գործողության ժամկետը նախատեսված է 2 տարի:
Ըստ ԱրմԻնֆո գործակալության` ՙՀայաստանի քարտերը քարտային բիզնեսում՚, ակտիվ քարտերի քանակով Անելիք Բանկը գտնվում է առաջատարների տասնյակում, ապրիլի 1-ի դրությամբ ունենալով մոտ 44 հազար քարտ: Մասնավորապես, Visa ակտիվ քարտերը կազմում են մոտ 20 հազար, MasterCard քարտերը` ավելի քան 10 հազար, իսկ ArCa քարտերը` մոտ 13 հազար: MasterCard ակտիվ քարտերի քանակով Բանկը գտնվում է առաջատարների հնգյակում: Քարտերի ընդհանուր իվը բանկը տարեկան կտրվածքով ավցելացրել է 18.3%: Քարտային տրանսակցիանրի ծավալը բանկը մեծացրել է 30%: Սեփական POS-թերմինալների քանակով` 430 հատ, բանկը գտնվում է առաջատարների եռյակում:
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Աշխատում էին համապարփակ բժշկական ապահովագրության վրա, ստացան՝ համընդհանուր։ Հայաստանը շուկայական տնտեսության մոդելից լայնածավալ հետքայլ է կատարում դեպի վարչահրամայական տնտեսություն. Հայկազ Ֆանյան
Մարիամ Համբարձումյան. Հայաստանի կրթական համակարգն առայժմ չի կարողացել անցնել այն տրանսֆորմացիան, որն այսօր անհրաժեշտ է բիզնեսի համար
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները