Չորեքշաբթի, 4 Հուլիսի 2012 18:15

ՙԻՆԳՈ Արմենիա՚ և ՙԿասկադ Ինշունարս՚ ապահովագրական ընկերությունների միաձուլումն ավարտվեց

ԱրմԻնֆո. Ավորտվեց ՙԿասկադ Ինշուրանս՚ ապահովագրական պորտֆելը ՙԻՆԳՈ Արմենիա՚ ապահովագրական ընկերությանը հանձնելու գործընթացը: Այսօր Երևանում կայացած մամուլի ասուլիսում նման հայտարարությամբ են հանդես եկել ՙԻՆՈ Արմենիա՚ ապահովագրական ընկերության տնօրեն Լևոն Ալթունյանը և նորանշանակ փոխտնօրեն առնիկ Տոնոյանը:

Նշենք, որ գործարքի արդյունքում Կասկադ Ինշոիրանս ապահովագրական ընկերությունը դադարեց գոյություն ունենալ:

ՙԵրկու ընկերությունների միավորումը համահունչ է ընթացիկ շուկայական միտումներին, ինչը թելադրում են ապահովագրական ծառայությունների որակի բարձրացման անհրաժեշտությունը, այդ թվում` ֆինանսական բազայի և ապահովագրական ենթակառուցվածքների ընդլայնման միջոցով՚,-նշել է Լ.Ալթունյանը: Նա գտնում է, որ երկու ընկերությունների միավորումը հանդիսանում է ընկերությունների հեռանկարային զարգացման ամենամրցունակ տարբերակը: ՙՍակայն, մինչև միավորումն ընկերությունները չեն ունեցել ընդլայնման կան ռեսուրսների պակասի պրոբլեմներ՚,-ընդգծել է Լ.Ալթունյանը, հավելելով, որ միավորումից հետո ԻՆՈ Արմենիա ընկերության բաժնտերերի կազմը չի փոփվել:

Միավորման արդյունքում, նկատել է նա, հայկական ապահովագրական շուկայում ստեղծվեց իր նախադեպը չունեցող մի խոշոր ընկերություն, որն ունի ավելի քան 8.7 մլրդ.դրամի ապահովագրական պորտֆել: Ընկերությունն ունի հաճախորդների ամենալայն բազան` ավելի քան 200 հազար, ավելի քան 65 մասնաճյուղ` Երևանում և մարզերում, ավելի քան 2 հազար ապահովագրական գործակալ, ավելի քան 320 աշխատակից: Միավորված ընկերության ապահովագրական պրեմիաները 2012 թվականի արդյունքներով, ապահովագրողի կանխատեսումներով, կկազմեն 9.2 մլրդ.դրամ: Ընկրության մյուս ֆինանսական արդյունքները կհրապարակվեն հուլիսի 15-ին:

Իր հերթին, ԻՆԳՈ Արմենիա ապահովագրական ընկերության փոխտնօրեն .Տոնոյանը, ով նախկինում հանդիսանում էր Կասկադ Ինշուրանս ընկերության տնօրենը, նշել է, որ ծառայությունների որակը և ընկերության բարի համբավը չի կորչի: ՙԱյդ ամենը կփոխանցվի միավորված ընկերությանը՚: Երկու ընկերությունների միավորումը նա համեմատել է հին հայկական և թարմ սլավոնական արյունների միավորման հետ: ՙՄետիսները միշտ էլ ավելի ուժեղ ու կենսունակ են եղել, ինչպես նաև իրենց նախնիներից գեղեցիկ՚,-ընդգծել է նա: Փոխտնօրենը նաև նշել է, որ ռուսական ՙԻնգոսստրախ՚ ընկերությունը, որը հանդիսանում է ԻՆՈ Արմենիայի բաժնետոմսերի 75%-ի սեփականատերը, զգուշությամբ է վերաբերվում ապահովագրական պորտֆելների ձեռքբերման գործարքներին, քանի որ ՙօտար՚ ապահովագրական պորտֆելի ձեռքբերումը նշանակում է ՙօտար՚ գործարար համբավի և գործարար սովորույթների կիրառում:

Ըստ ԱրմԻնֆո գործակալության` Հայաստանի ապահովագրական ընկերությունների Ռենկինգի, 2012 թվականի առաջին եռամսյակումը ԻՆԳՈ Արմենիա ապահովագրական ընկերության ակտիվներն անցել են 8 մլրդ.դրամից, իսկ ապահովագրական պրեմիաները կազմել են 2.4 մլրդ.դրամ: Կասկադ Ինշունանսի ակտիվները նույն ժամանակահատվածում կազմել են 3.5 մլրդ.դրամ, իսկ պրեմիաները` 973 մլն.դրամ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

ՙԻՆԳՈ Արմենիա՚ և ՙԿասկադ Ինշունարս՚ ապահովագրական ընկերությունների միաձուլումն ավարտվեց