Ուրբաթ, 20 Հուլիսի 2012 20:53

Տիգրան Ջրբաշյան. Կտրուկ փոփոխություններ արժութային շուկայում պետք չէ սպասել

ԱրմԻնֆո. Ընթացիկ տարում արձանագրված դրամի արժեզրկումը դրական ազդեցություն է ունեցել Հայաստանի տնտեսության վրա, մասնավորապես`բարելավել է վճարային հաշվեկշիռը և խթան հանդիսացել արտահանման ակտիվացման համար: Այսօր մամլո ասուլիսի ժամանակ այդպիսի կարծիք է հայտնել Ամերիաբանկի զարգացման գծով տնօրեն Տիգրան Ջրբաշյանը:

Նա նշել է, որ կտրուկ փոփոխություններ արժությաին շուկայում սպասել պետք չէ`ավելացնելով, որ դրամի արժեզրկումը կառավարելի ինֆլյացիայի պայմաններում ինքնըստինքյան վտանգավոր չէ:

Ամերիաբանկ՚ ֆինանսական տնօրեն Գևորգ Թառումյանն իր հերթին նշել է, որ դրամի արժեզրկումն էական ազդեցություն չի ունեցել բանկի հաճախորդների վարքագծի վրա, և արժութային խնայողությունների հարաբերակցությունը դրամայինի նկատմամբ չի փոխվել:
Նշենք, որ Հայաստանի մանրածախ արժութային շուկայում դրամի արժեզրկումը դոլարի նկատմամբ 2012 թ. մայիս-հունիսին կազմել է 6,6%, մասնավորապես, մայիսին`3,5%, հունիսին` 3%: Ըստ որում, դրամի արժեզրկումը շարունակվել է մինչը հուլիսի 9–ը, ինչից հետո նկատվել է վերաարժեքավորում, ինչն այդ պահից մինչև հուլիսի 17-ը կազմել է շուրջ 2%, բայց հուլիսի 18-ից վերսկսված արժեզրկումը հուլիսի 20-ի դրությամբ ձևավորել է միջին փոխարժեքը 412.5 դրամ/$1 մակարդակի վրա:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.50	-0.01
USD	382.75	0.26
EUR	447.21	-0.30
GBP	517.32	-0.42
CAD	275.70	-0.31
JPY	25.87	-0.06
CNY	53.73	0.02
CHF	478.68	-0.69

Նորություններ

Տիգրան Ջրբաշյան. Կտրուկ փոփոխություններ արժութային շուկայում պետք չէ սպասել