Չորեքշաբթի, 1 Օգոստոսի 2012 20:15

Հայկական բանկերի ժամկետանց վարկերի ծավալը մեկ տարում աճել է 91 տոկոսով, իսկ երկրաձգված վարկերի ծավալը նվազել 30 տոկոսով

ԱրմԻնֆո. 2012 թվականի երկրորդ եռամսյակում Հայաստանի բանկերի վարկային ներդրումներն աճել են 10.5%, հուլիսի 1-ին կազմելով 1.489 տրլն.դրամ կամ 3.562 մլրդ. դոլար, տարեկան կտրվածքով աճելով 34.2%: Առանց երկարաձգված և ժամկետանց վարկերի, վարկային ներդրումները կազմել են 1.453 տրլն.դրամ կամ 3.5 մլրդ.դոլար, հաշվետու եռամսյակում աճելով 10.3%, իսկ տարեկան կտրվածքով` 36.3%:

Ըստ ՀՀ Ազգային վիճակագրական ծառայության կողմից Արմինֆո գործակալությանը տրամադրված`ՀՀ ԿԲ նախնական տվյալների, առևտրային բանկերի վարկային պորտֆելում դրամով վարկերը կազմել են 35.5% կամ 516.5 մլրդ.դրամ, իսկ արտարժույթով վարկերի բաժինը` 64.5% կամ 937 մլրդ.դրամ: 2012 թվականի երկրորդ եռամսյակում դրամով վարկավորումն աճել է 5%, տարեկան կտրվածքով` 19.5%, իսկ արտարժույթով վարկավորումը` 13%, տարեկան կտրվածքով` 47.8%:

Առևտրային բանկերի վարկերի կազմում, 2012 թվականի հուլիսի 1-ի դրությամբ երկարաձգված վարկերի տեսակարար կշիռը կազմել է 1.8% կամ 26.9 մլրդ.դրամ, կամ 64.4 մլն.դոլար, ժամկետանց վարկերի տեսակարար կշիռը` 0.6% կամ 8.7 մլրդ.դրամ, կամ 20.8 մլն.դոլար: Երկարաձգված վարկերի ծավալը երկրորդ եռամսյակում աճել է 20%, տարեկան կտրվածքով գրանցելով 30% անկում, իսկ ժամկետանց վարկերի ծավալը` 21.8%, տարեկան կտրվածքով աճելով 91:

Երկարաձգված վարկերի պորտֆելում կարճաժամկետ վարկերի ծավալը կազմել է 77.6% կամ 21 մլրդ.դրամ: Ժամկետանց վարկերի պորտֆելում կարճաժամկետ վարկերը կազմել են 99.5% կամ 8.6 մլրդ.դրամ:

Աղբյուրի համաձայն, 2012 թվականի երկրորդ եռամսյակում Հայաստանի առևտրային բանկերի դրամային վարկերի տոկոսադրույքները նվազել են 1 կետով, տարեկան կտրվածքով` 0.5 կետով, հունիսի 1-ի դրությամբ կազմելով 16.74%:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Հայկական բանկերի ժամկետանց վարկերի ծավալը մեկ տարում աճել է 91 տոկոսով, իսկ երկրաձգված վարկերի ծավալը նվազել 30 տոկոսով