Շաբաթ, 11 Օգոստոսի 2012 14:44

Կոնվերս Բանկի վարչության նախագահ. բիզնեսի անհավասար պայմանները բանկերին խանգարում են ռեսուրսների հաջող տեղաբաշխման գործում

ԱրմԻնֆո: Ընթացիկ տարում Կոնվերս Բանկը մտադիր է ընդլայնել ագրովարկավորումը:
ԱրմԻնֆո գործակալության հետ հարցազրույցում այս մասին նշել է Կոնվերս Բանկի Վարչության նախագահ Տիգրան Դավթյանը:

Նրա խոսքերով, ներկայումս բանկն ավտովարկավորում է իրականացնում ինչպես միջազգային ծրագրերով, այնպես էլ սեփական միջոցներով: ՙՏարբերությունը կայանում է նրանում, որ մեր ռեսուրսներով տոկոսադրույքները մի փոքր բարձր են: Իսկ չաշխատող վարկերի առումով ագրոհատվածը գտնվում է բարվոք վիճակում, և վարկի չվերադարձի տոկոսն այնտեղ ցածր է՚,-ընդգծել է Տ.Դավթյանը:

Նրա կարծիքով, տրամադրելով ագրովարկ, բանկն ստանում է ընդամենը ֆորմալ, ՙձևական՚ գրավային ապահվում: Հետևավաբար, գյուղատնտեսության հատվածում աշխատելն ավելի դժվար է: ՙԱգրովարկերի պահանջրկը երկրում մեծ չէ, շատ չեն նաև վարկունակ հաճախորդները: Սակայն, ագրարային հատվածում հաջողությամբ աշխատելու համար բանկը պետք է մշակի իր հատուկ նմոտեցումները և սեփական մեթոդները՚, հավելելով, որ հարկավոր է իմանալ գյուղական կյանքի, սեզոնայնության, բերքատվության վերաբերյալ բոլոր առանձնահատկություւնները:

Նա նշել է, որ ներկայումս հիմնականում վարկեր են վերցնում տնտեսութոյւնների բարեկարգման և վերանորոգման նպատակներով, կառուցում են ջերմոցներ, գնում ընտանի կենդանիներ: ՙԽոշոր անասնաբուծական ֆերմաների ստեղծումն այնքան էլ հեշտ գործ չէ, այստեղ, իմ կարծիքով, անհրաժեշտռ է պետության միջամտությունը, իր պաշտպանողական մեխանիզմներով՚,-նշել է նա: ՙՍա ոչ միայն պարենային անվտանգության և ինքնաբավության, կամ ներմուծումն արտահանումով փոխարինելու խնդիր է, սա նաև գյուղի` միգրացիայի կրճատման պրոբլեմն է: Երկրագնդի բնակչությունն աճում է, հետևաբար, ագրոպրոդուկցիայի շուկան մշտապես ընդլայնվում է: Այս ամենը հարկավոր է հաշվի առնել, ներդնելով աճը կարգավորող և խթանող գործիքներ՚,-հայտարարել է Դավթյանը:

Ըստ ԱրմԻնֆո գործակալության` Հայստանի առևտրային բանկերի Ռենկինգի, Կոնվերս Բանկի վարկային ներդրումները 2012 թվականի հուլիսի 1-ի դրությամբ կազմել են 60.4 մլրդ.դրամ, 2-րդ եռամսյակում գրանցելով 12.5%, իսկ առաջին կիսամյակում` 11.7% աճ: Բանկի ընդհանուր կապիտալը առաջին կիսամյակում աճել է 4.1%, իսկ միայն 2-րդ եռամսյակում` 3.4%, հունիսի վերջին կազմելով 17.2 մլրդ.դրամ: Ընդ որում, բանկի ակտիվներն այդ օրվա դրությամբ կազմել են 95.4 մլրդ.դրամ, 2-րդ եռամսյակում աճելով 7.7%, իսկ առաջին կիսամյակում նվազելով 30.7%:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Կոնվերս Բանկի վարչության նախագահ. բիզնեսի անհավասար պայմանները բանկերին խանգարում են ռեսուրսների հաջող տեղաբաշխման գործում