Չորեքշաբթի, 22 Օգոստոսի 2012 18:55
ՀՀ ԿԲ. Իրանի ֆինանսական գործառնությունները հայկական բանկերի միջոցով և Միջազգային սանկցիաների շրջանցումով տեխնիկապես անհնար են
ԱրմԻնֆո. Հայաստանի բանկերը չեն կարող ֆինանսական գործարքներ կատարել իրանացիների կամ իրանական կազմակերպությունների հետ, որոնք ընդգրկված են ՄԱԿ-ի Անվտանգության Խորհրդի ցանկում: Այդ մասին օգոստոսի 22-ին Երևանում մամլո ճեպազրույցում ասել է ԿԲ ֆինանսական մոնիտորինգի կենտրոնի ղեկավար Դանիել Ազատյանը` մեկնաբանելով Ռոյթերսի հոդվածը:
ՙԻրանի նկատմամբ գործում են ՄԱԿ-ի անվտանգության Խորհրդի սանկցիաները, որոնց պահպանումը պարտադիր է բոլոր երկրների համար: Իրանի ֆինանսական գործառնությունները հայկական բանկերի միջոցով, միջազգային սանկցիաների շրջանցումով` տեխնիկապես անհնար են, քանի որ իրանացիների կամ իրանական կազմակերպությունների անուններն ընդգրկված են բանկային համապատասխան ծրագրերի բազաներում, և հաճախորդի իդենտիֆիկացիայի ընթացքում մուտքային որևէ տվյալների համընկնումն ավտոմատ կերպով թույլ չի տա իրականացնել գործարքն այդ սուբյեկտների հետ՚,-նշել է Դ.Ազատյանը:
Նա ընդգծել է, որ հայկական բանկերի սեփականատերերն իրենց գործադիր անձնակազմից խստորեն պահանջում են լինել առավելագույնս զգույշ ու աչալուրջ, որպեսզի կասկածի տակ չդրվի բանկի համբավը: Այս առումով Դ.Ազատյանը նշել է, որ Հայաստանի բանկային համակարգի ակտիվները բավականին փոքր են, և այդ լույսի ներքո, թեկուզ մեկ բանկի համբավի կորուստն անընդունելի է: ՙԴրանից կտուժի ոչ միայն ողջ բանկային համակարգը, այլ երկիրն նաև ամբողջությամբ՚,-նշել է նա:
Ազատյանը նաև տեղեկացրել է, որ համապատասխան տեղեկատվություն փոխանակելու նպատակով Կենտրոնը համագործակցում է նաև Իրանի ֆինանսական վերահսկողության մարմնի հետ: ՙՄենք Իրանի հետ համագործակցում ենք թույլատրվածի սահմաններում: Իրանը հանդիսանում է ֆինանսական հետախուզության ՙԷգմոնդ՚ բաժանմունքների խմբի անդամ դառնալու թեկնածուներից մեկը, որի գարանտն են հանդիսանում Հայաստանը և Ուկրաինան՚,-եզրափակել է նա:
Նշենք, որ նախօրեին ՀՀ Կենտրոնական բանկը հերքել է արտասահմանյան լրատվամիջոցների կողմից Հայաստանում իրանական բանկերի լայնածավալ գործունեության վերաբերյալ լուրերը: ՙՀայաստանի Հանրապետությունում գործող բանկերը, չունեն թղթակցային հարաբերություններ նաև Իրանում գրանցվածբանկերի կամ ֆինանսական կազմակերպությունների հետ: Կենտրոնական բանկը խստագույնս հետևում է Հայաստանի ֆինանսական կայունությանը վտանգող ցանկացած երևույթներին՚,-ասվում է ՀՀ ԿԲ հայտարարությունում: Ըստ ՀՀ ԿԲ տարածած հայտարարության, Հայաստանի Հանրապետության տարածքում գործող բոլոր բանկերը, գտնվելով Կենտրոնական բանկի վերահսկողության ներքո, գործում են Հայաստանի Հանրապետության օրենքների, Կենտրոնական բանկի նորմատիվ և բանկերի ներքին իրավականակտերի շրջանականերում: Հայաստանի Հանրապետության կենտրոնական բանկն առաջին հերթին պարտադրում է բանկերին և այլ ֆինանսական կազմակերպություններին իրականացնել բոլոր գործարքների մանրամասն ուսումնասիրություն՝ թույլ չտալու համար միջազգային հանրության կողմից ընդունելի չհամարվող գործառնություններում ներգրավումը: Ինչ վերաբերում է ՙՄելլաթ բանկ՚ ՓԲԸ-ին, ապա այն Հայաստանում գործում է դեռևս 1996թ.-ից, բանկի հաճախորդներըհիմնականում Իրան-Հայաստան առևտրաշրջանառության մեջ ներգրավված փոքր և միջին ձեռնարկատերեր են, զբոսաշրջիկներ, ուսանողներ: Բանկի գործառույթները և ակտիվների մեծությունը վերջին 3-4 տարիների ընթացքում կտրուկ նվազել են (բանկի ակտիվները2010թ.-ի դեկտեմբերի 31-ից մինչև 2012թ.-ի հուլիսի 1-ը ընկած ժամանակահատվծում նվազել են ավելի քան 2 անգամ՝ 88 մլնԱՄՆ դոլարից կազմելով 40 մլն ԱՄՆ դոլար). բանկը չունի որևէ թղթակցային հաշիվ ինչպես եվրոպական և ամերիկյան բանկերի, այնպես էլ Հայաստանի Հանրապետությունում գործող բանկերի հետ: Անդրադառնալով ԱԿԲԱ-ԿՐԵԴԻՏ ԱՐԻԿՈԼ ԲԱՆԿ-ի գործունեությանը, որի մասին նույնպես նշվել է Ռոյթերսի հոդվածում, Ազատյանն ասել է, որ արդեն 4-5 տարի Հայաստանի առևտրային բանկերը գրեթե հրաժարվել են արտասահմանյան բանկերի հետ միջբանկային գործարքներից: ԱԿԲԱ-ԿՐԵԴԻՏ ԱՐԻԿՈԼ ԲԱՆԿ-ը թղթակցային հաշիվ չունի ՙՄելաթ բանկում՚ կամ որևէ այլ իրանական բանկումե,- ասել է նա: Հայտարարության մեջ նմշված է, որ Հայաստանի Հանրապետության կենտրոնական բանկը շարունակելու է խստագույնս հետևել հայաստանյան բոլոր ֆինանսական կառույցների և նրանց հաճախորդների վարքագծին և իրականացվող գործառույթներին՝ ՀայաստանիՀանրապետության ֆինանսական համակարգը զերծ պահելու համար կայունությանը վտանգող ցանկացած երևույթներից:
Նշենք, որ ՀՀ ԿԲ Ֆինանսական մոնիթորինգի Կենտրոնը հանդիսանում է փողերի լվացման և ֆինանսական ահաբեկչության դեմ պայքարի ազգային մարմինը: Կենտրոնի հիմնական գործունեությունն է փողերի լվացման հետ այս կամ այն ձևով առնչութուն ունեցող ինֆորմացիայի հավաքումը և վերլուծությունը, ինչպես նաև համապատասխան մարմիններին փոխանցումը: Կենտրոնը 2007 թվականից ՙԷգմոնտ՚ խմբի անդամ է, որն ստեղծվել է 1995 թվականին և հանդիսանում է ֆինանսական հետախուզության ոչ ֆորմալ կազմակերպություն, իր կազմում միավորելով 137 երկիր:
Փորձագետ. Այսօր ԵԱՏՄ-ում Հայաստանի ապրանքաշրջանառության ցուցանիշը անցնում է 16 մլրդ դոլարից, և դա սահմանը չէ
Հայաստանի բանկային հատվածում ակտիվ սպառողական վարկավորումը ժամկետանց վարկերի երկնիշ աճ է հրահրել
"Լույս" հիմնադրամ. վարկային պարտավորությունների առաջանցիկ աճը բնակչության եկամուտների համեմատ կարող է ռիսկեր ստեղծել ֆինանսական կայունության համար՝ միջնաժամկետ հեռանկարում
ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"
Հայաստանի խորհրդարանը հավանություն է տալիս ՀԷՑ-ի ազգայնացմանը
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%