Չորեքշաբթի, 22 Օգոստոսի 2012 20:49

Հայաստանի Ֆինանսական մոնիթորինգի կենտրոնը 5 տարում հետազոտել է ավելի քան 1000 կասկածելի բանկային գործարք

ԱրմԻնֆո. Հայաստանի Ֆինանսական մոնիթորինգի կենտրոնը 5 տարում հետազոտել է ավելի քան 1000 կասկածելի բանկային գործարք: Այդ մասին օգոստոսի 22-ին Երևանում մամլո ճեպազրույցում ասել է ԿԲ ֆինանսական մոնիտորինգի կենտրոնի ղեկավար Դանիել Ազատյանը` մեկնաբանելով Ռոյթերսի հոդվածը:

Նրա խոսքերով, ընթացիկ տարում բանկերից Կենտրոնին են ներկայացվել կասկածելի գործարքների վերաբերյալ մոտ 150 հաշվետվություններ: Դրանք ներկայւսմ հետազտվում են Կենտրոնի կողմից և անհրաժեշտության դեպքում կտրամադրվեն իրավապահ մարմիններին:

ՙԱմենից հաճախ անօրինական գործառնություններ են իրականացվույ բանկային քարտերով, մուրհակներով և բաժնետոմսերով: Եղել են նաև բանկային աշխատակիցների կողմից պաշտոնական դիրքերի չարաշահումներ, հիմնականում, վարկային շինծու պայմանագրերի կնքման ընթացքում՚,-նշել է Դ.Ազատյանը:

Նա նշել է, որ վերջին 5 տարիներին իրավապահ մարմինների հետ համատեղ գործունեության ընթացքում կայացվել է բանկային անօրինական գործառնությունների վերաբերյալ 18 դատական որոշում: Ներկայումս փողերի լվացման և խաբեբայության վերաբերյալ 5 գործ գտնվում է դատարանում: Հետազոտվող գործերի մեծ մասը կապված են խաբեբայությունների և էլեկտրոնային հաղորդագրությունների միջոցող փողերի շորթման հետ, նշել է նա:

Նշենք, որ ՀՀ ԿԲ Ֆինանսական մոնիթորինգի Կենտրոնը հանդիսանում է փողերի լվացման և ֆինանսական ահաբեկչության դեմ պայքարի ազգային մարմինը: Կենտրոնի հիմնական գործունեությունն է`ինֆորմացիայի հավաքումը և վերլուծությունը, որն այս կմ այն ձևով վերաբերվում են փողերի լվացմանը:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Հայաստանի Ֆինանսական մոնիթորինգի կենտրոնը 5 տարում հետազոտել է ավելի քան 1000 կասկածելի բանկային գործարք