Երկուշաբթի, 27 Օգոստոսի 2012 19:17
ՙԷյչ-Էս-Բի-Սի Բանկ Հայաստանին՚ բաժին է ընկնում առևտրի ֆինանսավորման շուկայի 38 տոկոսը:
ԱրմԻնֆո. ՙԷյչ-Էս-Բի-Սի Բանկ Հայաստանն՚ առաջատար է զուտ շահույթի մակարդակով, որը կազմել է 3.5 միլիարդ ՀՀ դրամ, ինչը 765 միլիոնով կամ 28 տոկոսով բարձր է 2011 թվականի համադրելի ցուցանիշից:
Ինչպես ԱրմԻնֆո գործակալությանը հաղորդեցին ՙԷյչ-Էս-Բի-Սի Բանկ Հայաստանի՚ մամուլի ծառայությունից, բանկի ակտիվներն աճել են 10 տոկոսով 2011 թվականի դեկտեմբերի 31-ի համեմատ` կազմելով 198 միլիարդ ՀՀ դրամ:
Հաճախորդներին տրված համախառն վարկերը աճել են 15 տոկոսով կամ 16 միլիարդ ՀՀ դրամով` կազմելով 124 միլիարդ ՀՀ դրամ հունիսի 30-ի դրությամբ , որից իրավաբանական անձ հաճախորդներին տրամադրված վարկերը կազմել են 103 միլիարդ ՀՀ դրամ: Վերջինս 17 տոկոսով բարձր է տարեվերջի ցուցանիշից:
Հաճախորդների ավանդները 2012 թվականի հունիսի 30-ի դրությամբ տարեվերջի համեմատ աճել են վեց տոկոսով` կազմելով 128 միլիարդ ՀՀ դրամ: Էյչ-Էս-Բի-Սի Բանկ Հայաստանին 11 տոկոսով առաջատարն է ավանդների շուկայում: Բանկը նաև առաջատարն է անհատական ավանդների ծավալների ցուցանիշով` 14 տոկոս կամ 92 միլիարդ ՀՀ դրամ, ինչը 10 տոկոսով ավելի նախորդ տարեվերջի ցուցանիշից:
Առևտրի ֆինանսավորման ծառայությունների ընթացիկ մնացորդը կազմել է 10 միլիարդ ՀՀ դրամ` 2011 թվականի դեկտեմբերի 31-ի համեմատ աճելով 27 տոկոսով: Բանկին բաժին է ընկնում առևտրի ֆինանսավորման շուկայի 38 տոկոսը:
Բանկը տրամադրում է հետևյալ նոր ծառայությունները. գրավով ապահովված անհատական վարկեր; քարտային զեղծարարություններից ապահովագրության ծառայություն` բանկոմատային և ՄաստերՔարտ միջազգային քարտային ծառայություններից օգտվող հաճախորդներին մի շարք ռիսկերից զերծ պահելու համար; HSBC PLUS համապարփակ փաթեթ` ուղղված անհատ հաճախորդներին: Իրականացվել է մասնաճյուղային ցանցի ընդլայնում. 2012 թ. մայիսին Երևանի Կենտրոնում բացվել է իններորդ` հատուկ STATUS մասնաճյուղում):
ՙԷյչ-Էս-Բի-Սի Բանկ Հայաստանը՚ Global Finance ամսագիր կողմից ճանաչվել է վերջին 16 տարում ՙԼավագույն բանկը Հայաստանում՚ մրցանակին ամենից հաճախ արժանացած բանկը (մայիս-հունիս 2012թ.): 2012թ. հունիսին բանկը ճանաչվել է բիզնեսի աջակցման ոլորտում առաջատար միջազգային բանկը: Բնակի նվաճումների թվում են Առևտրի մրցանակաբաշխության երրորդ արարողություն և ՙԷյչ-Էս-Բի-Սի Բանկ Հայաստանի՚ առևտրի ֆինանսավորման 5 լավագույն հաճախորդների պարգևատրում; Մեկ հաճախորդի մասնակցություն Բրազիլիայում կայացած Առևտրի կապերի գագաթնաժողովին (հունիս 2012թ.):
ՙ2012 թվականի առաջին կիսամյակի ընթացքում մենք զգալի առաջընթաց արձանագրեցինք կարևոր ուղղություններով` ապահովելով բարձր ֆինանսական արդյունքներ: Բանկի ընդունած ռազմավարության և առաջնահերթությունների հաջող իրականացումը, հուսանք, տարեվերջին կբերի ավելի տպավորիչ աճի՚, - նշել է ՙԷյչ-Էս-Բի-Սի Բանկ Հայաստանի՚ գլխավոր գործադիր տնօրեն Ասթրիդ Քլիֆֆորդը:
ՙԷյչ-Էս-Բի-Սի Բանկ Հայաստան՚ ՓԲԸ-ն առաջին միջազգային բանկն է Հայաստանում, որը բացվել է 1996 թվականին: Բանկի բաժնետոմսերի 70 տոկոսը պատկանում է Էյչ-Էս-Բի-Սի Խմբին, իսկ մնացած 30 տոկոսը սփյուռքահայ ներդրողներին: Բանկն առաջարկում է բազմատեսակ ծառայություններ ֆիզիկական և իրավաբանական անձ հանդիսացող հաճախորդներին, այդ թվում անհատական վարկային ծառայություններ, առևտրավարկային ծառայություններ, ինչպես նաև ֆինանսական շուկայում գործառնություններ: Շնորհիվ Էյչ-Էս-Բի-Սի-ի 85 երկիր և տարածաշրջան ընդգրկող ցանցի, ՙԷյչ-Էս-Բի-Սի Բանկ Հայաստանը՚ միակ բանկն է, որ կարողանում է իր հաճախորդներին իրապես միջազգային ծառայություններ մատուցել:
Բացման պահին Էյչ-Էս-Բի-Սի Բանկ Հայաստանն ուներ 18 աշխատակից, որոնք սպասարկում էին 100-ից պակաս հաճախորդների: Այսօր բանկը ունի 387 աշխատակից, սպասարկում է ավելի քան 35 հազար անհատ և հինգ հազար իրավաբանական անձ հանդիսացող հաճախորդների իր 9 մասնաճյուղերի և գրասենյակների միջոցով: Բանկն ունի ավելի քան 50 բանկոմատներից բաղկացած խոշորագույն ցանցերից մեկը Երևանում: 2012թ. հունիսի 30-ի դրությամբ ՙԷյչ-Էս-Բի-Սի Բանկ Հայաստանի՚ ակտիվները կազմում են շուրջ 480 միլիոն ԱՄՆ դոլար` 1996 թվականի 5 միլիոն դոլարի դիմաց:
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Աշխատում էին համապարփակ բժշկական ապահովագրության վրա, ստացան՝ համընդհանուր։ Հայաստանը շուկայական տնտեսության մոդելից լայնածավալ հետքայլ է կատարում դեպի վարչահրամայական տնտեսություն. Հայկազ Ֆանյան
Մարիամ Համբարձումյան. Հայաստանի կրթական համակարգն առայժմ չի կարողացել անցնել այն տրանսֆորմացիան, որն այսօր անհրաժեշտ է բիզնեսի համար
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները