Չորեքշաբթի, 29 Օգոստոսի 2012 18:44

ԲՏԱ բանկը Հայաստանում գործունեության 7 տարիներին տնտեսությունում ներդրել է 50 մլն դոլար

ԱրմԻնֆո. Հայաստանի տնտեսությունում ԲՏԱ բանկի ներդրումները երկրում ներկայության 7 տարիներին կազմել են 50 մլն դոլար: Այդ մասին հաղորդել է ԲՏԱ բանկի (Հայաստան) վարչության նախագահի տեղակալ այանե Հայրոյանը օգոստոսի 29-ին Երևանում ՙՀայաստանի և Ղազախստանի միջև համագործակցության և փոխըմբռնման 20 տարի՚ խորհրդաժողովի ընթացքում:

Նրա ասելով, Հայաստանում ԲՏԱ բանկի գործունեությունը, հիմնականում, նպատակաուղղված է Հայաստանի այն ձեռնարկություններին աջակցությանը, որոնք ցանկանում են բիզնես ստեղծել Ղազախստանում: Բանկը նաև օգնում է Ղազախստանի ձեռնարկություններին Հայաստանում բիզնեսի ընդլայնման գործում:

ՙՀայաստանն ու Ղազախստանը բազմամյա և ստուգված գործընկերներ են տարբեր բնագավառներում: Այդ համագործակցությունն ունի խոր պատմական արմատներ: Մաքսային միությանն անդամակցության առնչությամբ Ղազախստանն իրենից ներկայացնում է բավականին գրավիչ շուկա հայկական ընկերությունների համար, և այդ համատեքստում ԲՏԱ բանկի դերը դժվար է գերագնահատել երկու պետությունների միջև տնտեսական կապերի վերականգնման գործում՚, - նշել է Հայրոյանը: Նա ավելացրել է, որ ԲՏԱ բանկ (Հայաստան) ներդնում է միջոցներ, ստեղծում աշխատատեղեր, դրանով իսկ ամրապնդելով Հայաստանի տնտեսությունը: Բանկն առավելապես աշխատում է փոքր բիզնեսի շուկայում և մասնավոր հաճախորդների հետ: Բանը նաև սկսել է Հայաստանի գյուղատնետսական հատվածի փուլային ֆինանսավորումը` տրամադրելով վարկեր 2013 թվականին արտահանման նպատակով բանջարեղենի և մրգերի բերքի մթերման համար:

ՙՆերդրումները, նախևառաջ, գնում են այնտեղ, որտեղ կա քաղաքական և տնտեսական կայունություն: Իր ներկայությամբ Հայաստանում ԲՏԱ բանկը ցույց է տալիս, որ Ղազախստանը բարձր է գնահատում քաղաքական կայուն իրավիճակը Հայաստանում՚, - ընդգծել է բանկի վարչության փոխնախագահը:

ԱրմԻնֆո գործակալության նախապատրաստած ՙՀայաստանի բանկերի ռենքինգի՚ տվյալներով, ԲՏԱ բանկի վարկային ներդրումների ծավալը 2012 թ. հուլիսի 1-ի դրությամբ կազմել է 5.1 մլր դրամ, կիսամյակի ընթացքում 5,1%, իսկ տարեկան կտրվածքով 18% աճի պայմաններում: Նշված օրվա դրությամբ բանկի ակտիվները կազմել են 9.8 մլրդ դրամ, տարեկան 8%, իսկ առաջին կիսամյակում 4% աճով: Բանկի ընդհանուր կապիտալը առաջին կիսամյակում ավելացել է 2,2%-ով, իսկ տարեկան կտրվածքով` 1,2%-ով, մինչև 5.5 մլրդ դրամ: Բանկն ունի 7 մասնաճյուղ, որոնցից 6-ը` մայրաքաղաքում:

ՙԲՏԱ ԻնվեստԲանկ՚ ՓԲԸ-ն հայկական շուկա է մտել 2005 թ. հունիսին ՙՄիջազգային Ինվեստիցիոն Բանկ՚ ՓԲԸ բաժնետոմսերի փաթեթի 48 տոկոսի ձեռք բերման արդյունքում, որը գործում է 1991թ.-ից: 2008 թ. հոկտեմբերի 31-ին բանկը ստացել է ՀՀ Կենտրոնական բանկի պաշտոնական թույլտվությունը` ՙԲՏԱ ԻնվեստԲանկ՚ ՓԲԸ-ից ՙԲՏԱ Բանկ՚ ՓԲԸ անվանափոխման վերաբերյալ: ԲՏԱ բանկի (Հայաստան) մեծամասնական բաժնետերն է Ղազախստանի ՙՏուրանԱլեմ՚ (ԲՏԱ) բանկը կապիտալի 48,9% բաժնեմասով, իսկ մնացած բաժինը պատկանում է ավստրիական ZRL Բետալիգունդս ընկերությանը` 31,1%, ղազախահայկական ՙMOBILEX Էներջի՚ ՀՁ` 16,3 %, ՙԱՄԿ Ինվեստ՚ նախագծաշինարարական ընկերություն՚ ՍՊԸ-ին` 3,7 %: ԲՏԱ բանկը (Հայաստան) ղազախական կապիտալի մասնակցությամբ միակ բանկն է ՀՀ-ում:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

ԲՏԱ բանկը Հայաստանում գործունեության 7 տարիներին տնտեսությունում ներդրել է 50 մլն դոլար