Ուրբաթ, 7 Սեպտեմբերի 2012 11:27
Դեպի Հայաստան մասնավոր փոխանցումների հոսքը մեկ տարում ավելացել է 8,2 տոկոսով` արտահոսքի 9,2 տոկոս աճի պայմաններում
ԱրմԻնֆո: 2012 թ. առաջին կիսամյակում Հայաստանի բանկային համակարգի
միջոցով ոչ առևտրային բնույթի ամսնավոր փ ոխանցումների հոսքը կազմել է 664.5 մլն դոլար` 2011 թ. նույն ժամանակահատվածի համեմատ ավելանալով 8,2%-ով: Ինչպես նշվում է ՀՀ ԿԲ ամենամսյա հրատարակությունում, Հայաստանից մասնավոր փոխանցումների արտահոսքը 2012 թ. հունվար-հունիս ամիսներին 2011 թ. նույն ժամանակահատվածի համեմատ ավելացել է 9,2%-ով` բացարձակ արտահայտությամբ կազմելով 131.9 մլն դոլար:
Արդյունքում` դեպի Հայաստան մասնավոր փոխանցումների զուտ հոսքը 2012 թ. հունիսի վերջին կազմել է 532.6 մլն դոլար` տարեկան կտրվածքով ավելանալով 8%-ով: Ստացված փոխանցումների մեծ մասն ավանդաբար բաժին է ընկնում Ռուսաստանին` 83%, որին հետևում են ԱՄՆ` 5,3%, Ուկրաինան` 1,3%, Ղազախստանը` 1,2%, Ֆրանսիան և երմանիան` 0,8-ական %:
Աղբյուրի համաձայն, այդ աճն ապահովվել է, հիմնականում, Ռուսաստանից փոխանցումների հոսքի 11,5%` մինչև 551.9 մլն դոլար, և ԱՄՆ-ից 7,5%` մինչև 35.3 մլն դոլար տարեկան ավելացման շնորհիվ: Փոխանցումների հոսքի աճ է արձանագրվել նաև Ֆրանսիայից` 0,6%, մինչև 5.2 մլն դոլար: 2012 թ. առաջին կիսամյակում անկում է դիտվել Ղազախստանից փոխանցումների հոսքում` 6,4%, մինչև 8.8 մլն դոլար, Ուկրաինայից` 33,4%, մինչև 8 մլն դոլար, և երմանիայից` 8,3%, մինչև 5 մլն դոլար:
ԿԲ տվյալներով, արտահոսքի ավելի քան 56,6% կամ 74.6 մլն դոլար բաժին է ընկել Ռուսաստանին` 16,2% տարեկան աճով, ԱՄՆ-ին` շուրջ 9,2% կամ 12.2 մլն դոլար` 2,6% տարեկան անկմամբ: Անկում է արձանագրվել նաև Հայաստանից Ուկրաինա փոխանցումների հոսքում` 13%, մինչև 7 մլն և ԱՄԷ` 0,6%, մինչև 3.3 մլն դոլար: Դեպի Չինաստան արտահոսքը գրեթե կրկնապատկվել է` հասնելով մինչև 5 մլն դոլար: Զգալի աճ է արձանագրվել նաև դեպի երմանիա արտահոսքում` 1,3 անգամ, մինչև 4 մլն դ ոլար:
Արդյունքում` Հայաստան մասնավոր փոխանցումների առյուծի բաժինըª 89,6% կամ 477.3 մլն դոլար, պատկանում է Ռուսաստանին` 10,8% տարեկան աճով, իսկ ԱՄՆ-ին բաժին է ընկել 4,4% կամ 23 մլն դոլար`13,8% տարեկան աճով: Էական աճ է արձանագրվել Ֆրանսիայից փոխանցումների մաքուր հոսքում` 3,2 անգամ, մինչև 2.8 մլն: Մինչդեռ Ղազախստանից փոխանցումներում 2012 թ. առաջին կիսամյակում արձանագրվել է մաքուր հոսքի կրճատում 5%, մինչև 8 մլն դոլար:
2012 թ. հունվար-դեկտեմբեր ամիսներին բացասական զուտ հոսք է արձանագրվել Չինաստանից մասնավոր փոխանցումներում` 2.5 մլն դոլար (արտահոսքը` 5 մլն դոլար, ներհոսը`2.5 մլն դոլար)` բացասական ցուցանիշի տարեկան 6,7% կրճատմամբ, և դեպի Թուրքիաª 1.068 մլն (արտահոսը` 1.887 մլն, ներհոսը 819 հազար դոլար):
Նշենք, որ 2011 թ. հունվար-դեկտեմբեր ամիսներին դեպի Հայաստան մասնավոր փոխանցումների հոսքը կազմել է 1.6 մլրդ դոլար, տարեկան կտրվածքով ավելանալով 19,6%-ով: Ընդ որում Հայաստանից մասնավոր փոխանցումների արտահոսքը նույն ժամանակահատվածում ավելացել է 13,3%-ով, մինչև 264.6 մլն դոլար: Արդյունքում` 2011 թ. մասնավոր փոխանցումների զուտ հոսքը կազմել է 1.3 մլրդ դոլար` տարեկան կտրվածքով ավելանալով 19,6%-ով:
Հիշեցնենք, որ ՀՀ ԿԲ ֆիզիկական անձանց դրամական փոխանցումների աճի տեմպերի կանխատեսումը վերանայել է դեպի դանդաղում: ԿԲ կանխատեսումների համաձայն, տարեվերջին ակնկալվում է ֆիզիկական անձանց ոչ առևտրային փոխանցումների ծավալի 9-12% աճ: ԿԲ ընթացիկ տարում փոխանցումների աճի տեմպերի դանդաղումը բացատրում է 2012 թ. Ռուսաստանում տնետսական աճի նոր կանխատեսմամբ: Մասնավորապես, ԱՄՀ կանխատեսման համաձայն, Ռուսաստանը 2012 թ. կավարտի 3,3% տնտեսական աճով: Նշենք, որ ավելի վաղ ՀՀ ԿԲ 2011 թ. IV եռամսյակի դրամավարկային ծրագրում հունվար-սեպտեմբերին կանխատեսել էր հանրապետույթուն ֆիզիկական անձանց ոչ առևտրային փոխանցումների զուտ հոսք 11- 13% աճ:
Այսօր Հայատսանում ֆիզիկական անձանց մասնավոր դրամական փոխանցումներ են իրականացվում 21 բանկերի և 17-ից ավելի միջազգային դրամական փոխանցումների համակարգերի միջջոցով, որոնց թվում են Contact, MoneyGram, Leader, "Զոլոտայա Կորոնա", "Բիստրայա Պոչտա", BLIZKO, InterExpress, Private Money, իսկ այդ հատվածի խոշորագույն խաղացողներն են UNIStream և Anelik: Migom-ի հետ հայկական բանկերն այլևս չեն աշխատում, քանի որ ՀՀ ԿԲ 2012 թ. օգոստոսի 6-ին որոշում է կայացրել ուժը կորցրած ճանաչել Հայաստանին տարածքում այդ համակարգի գործունեության թույլտվությունը:
TUMO և Astana Hub. դու՝ ինձ, ես՝ քեզ
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները