Ուրբաթ, 14 Սեպտեմբերի 2012 15:29

USAID-ը ամփոփել է Հայաստանի Կենսաթոշակային համակարգի և աշխատանքի շուկայի ծրագիրը

Արմինֆո. ՀՀ աշխատանքի և սոցիալական հարցերի նախարարությունը և ԱՄՆ ՄԶ այսօր Երևանում կայացած համաժողովում ամփոփել են Կենսաթոշակային և աշխատաշուկայի բարեփոխումների եռամյա ծրագիրը (ԿԱԲԾ): Ինչպես համաժողովի ընթացքում հայտարարել է ծրագրի համակարգող Ռոզա Կնապպեն, ներկայումս Հայաստանն ունի անհրաժեշտ բոլոր պայմանները` կուտակային կենսաթոշակային համակարգին սահուն անցնելու համար, որը կներդրվի 2014 թվականին:

Ռ.Կնապպեն հաստատել է, որ ՀՀ կառավարությունն իրականացրել է անհրաժեշտ բոլոր քայլերը, նոր համակարգի ներդրման ուղղությամբ, հստակեցնելով նաև բարեփոխման ներդրումային բաղադրիչը: Նա կարևորել է նաև ՀՀ Կենտրոնական բանկի մասնակցությունը, որի վրա կդրվի մեգառեգուլյատորի գործառնությունները:

Մեկնաբնելով հարցի շուրջ ընդդիմության քննադատությունները, ծրագրի համակարգողը հայտարարել է, որ նոր համակրգը ներկայումս ներդրվում է բազմաթիվ զարգացած երկրներում, իսկ շատ երկրներ դրան են անցել տարիներ առաջ: ՙՆոր համակարգի հասցեին քննադատություն միշտ էլ հնչել է, սակայն դրա դրական ազդեցությունը տնտեսության վրա ոչ ոք չի կարողանում վիճարկել՚: Նա հաստատել է, որ ՀՀ կառավարությունն ուշադրության է արժանացնում ընդդիմության բոլոր նկատողությունները:

Անդրադառնալով նոր համակարգի հնարավոր ռիսկերին, Ռ. Կնապպեն նշել է, որ քաղաքացինրի կողմից իրենց կենսաթոշակային ակտիվների շարժին ՙօնլայն՚ ռեժիմով հետևելը, ինչպես նաև ՀՀ ԿԲ կողմից վերահսկիչ ֆունկցիանրի իրականացումը, ցանկացած ռիսկեր զրոյացնում են: Ծրագրի համակարգողը հաստատել է, որ բարեփոխման դրական արդյունքն իր վրա կզգա Հայաստանի յուրաքանչյուր քաղաքացի:

Իր հերթին, ՀՀ ֆինանսների փոխնախարար Վարդան Արամյանը լրագրողնրին հավաստել է, որ կենսաթոշակային նոր համակարգը բարձր արդյունավետությամբ կարող է աշխատել նաև կապիտալի ոչ զարգացած շուկայի պայմաններում: Համակարգը նպաստում է արժեթղերի շուկայի զարգացմանը, ներդրումային նոր գործիքների առաջացմանը, ինչը տեղի է ունեցել նաև այդ ուղին ընտրած շատ երկրներում:

Նշենք, որ ըստ փորձագետների գնահատականների, նոր համակրգին ներգրվված կլինի Հայաստանի մոտ 260 հազ.քաղաքացի, իսկ նրանց կենսաթոշակային ընդհանուր ակտիվները կկազմեն մոտ 120 մլն.դոլար:

Հիշեցնենք, որ 2011 թվականի հունվարի 1-ից Հայաստանում ներդրվեց կենսաթոշակային կուտակային կամավոր համակարգը, իսկ 2014 թվականից այն կգործի պարտադիր հիմունքներով: Ըստ նոր օրինագծի, բազային նվազագույն կենսաթոշակը հավասար կլինի նվազագույն զամբյուղին, իսկ հիմնական կենսաթոշակը հավասար կլինի նվազագույն զամբյուղի 150 տոկոսին:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.81	0.01
USD	381.76	0.06
EUR	448.80	0.61
GBP	512.40	1.72
CAD	277.10	0.00
JPY	24.65	0.04
CNY	54.21	0.05
CHF	479.54	0.14

Նորություններ

USAID-ը ամփոփել է Հայաստանի Կենսաթոշակային համակարգի և աշխատանքի շուկայի ծրագիրը