Երեքշաբթի, 18 Սեպտեմբերի 2012 18:57

Ամերիաբանկն առաջարկում է չիպային քարտեր

ԱրմԻնֆո. Ամերիաբանկը թողարկել և գործածության մեջ է դրել չիպային քարտեր` նոր, յուրօրինակ դիզայնով: Չիպային քարտերն օժտված են հնարավոր առավելագույն անվտանգությամբ և հուսալիությամբ, ինչի շնորհիվ նվազագույնի են հասցնում զեղծարարությունների ռիսկը, այդ իսկ պատճառով էլ չիպային քարտերը լայն տարածում են ստացել աշխարհում:

Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից,
եթե մագնիսական քարտերը Ամերիաբանկը թողարկում էր 2 տարի ժամկետով, ապա չիպային քարտերը թողարկում է 4 տարի ժամանակահատվածով: Բանկը մշակել է պարզեցված գործընթաց գործող մագնիսական քարտերը չիպային քարտերով փոխարինելու համար:

Ամերիաբանկը ակտիվ գործունեություն է ծավալում Բանկի վճարային քարտերի զարգացման և դրանցով կատարվող գործարքների բարելավման ու կատարելագործման ուղղությամբ: Բանկի կողմից տրամադրված վճարային քարտերի քանակը 31.08.12թ. դրությամբ աճել է 49%-ով նախորդ տարվա նույն ժամանակահատվածի համեմատությամբ: Ընթացիկ տարվա ութ ամսվա կտրվածքով քարտերով կատարված կանխիկ գործարքների ընդհանուր ծավալը դրամային արտահայտությամբ աճել է 37%-ով նախորդ տարվա նույն ժամանակահատվածի նկատմամբ, իսկ կատարված գործարքների քանակը` 45%-ով:
Քարտերի սպասարակումն առավել արդյունավետ և համակողմանի դարձնելու նպատակով Բանկը զգալի ներդրումներ է կատարում բանկոմատների ցանցն ընդլայնելու ուղղությամբ: Ներկայումս Ամերիաբանկն ունի ArCa, MasterCard, VISA վճարային քարտեր սպասարկող 88 բանկոմատ, որոնցից 66-ը տեղակայված են Երևան քաղաքի տարածքում, 4-ը ԼՂՀ-ում, իսկ 18-ը` Հայաստանի մարզերում:

Ամերիաբանկն ակտիվ գործունեություն է ծավալում նաև առևտրի և սպասարկման կետերում POS տերմինալների տեղադրման ուղղությամբ: Ներկայումս Բանկի POS տերմինալների թիվը կազմում է 556:

Ըստ ԱրմԻնֆո գործակալության` ՙՀայաստանի բանկերը քարտային բիզնեսում՚ Տեղեկագրի, Visa ակտիվ քարտերի թվով Ամերիաբանկը գտնվում է Հայաստանի առաջատար բանկերի հնգյակում, 2012 թվականի ապրիլի 1-ի դրությամբ ունենալով 22 հազար քարտ: Ակտիվ NasterCard-երի թվով բանկը զբաղեցնում է 10-րդ տեղը` ավելի քան 6 հազար քարտ: Աշխատավարձային քարտերի գծով գրանցել է ավելի քան 73% աճ: Ամերիաբանկի ակտիվ քարտերի ընդհանուր թիվը տարեկան կտրվածքով աճել է մոտ 62%, հիմնականում Visa և MasterCard քարտերի աճի հաշվին: Պլաստիկ տրանսակցիաների թվով բանկը զբաղեցնում է 3-րդ տեղը` 83%, զբաղեցնելով 6-րդ տեղը: Բանկը մոտ 2 անգամ ավելացրել է նաև POS-թերմինալների թիվը, զբաղեցնելով 2-րդ տեղը: Բանկոմատների թվով բանկը զբաղեցնում է 4-րդ տեղը, իսկ միայն Երևանում` 2-րդ տեղը: Բանկային տրանսակցիաների տարեկան աճով ¥70%¤, բանկը զբաղեցնում է 3-րդ տեղը:

ՙԱմերիաբանկ՚ ՓԲԸ ունիվերսալ բանկ է, որը մատուցում է կորպորատիվ, ներդրումային և մանրածախ բանկային ծառայություններ` տրամադրելով բանկային լուծումների ամբողջական փաթեթ: Ամերիաբանկի Տնօրենների խորհրդի նախագահն է Ռուբեն Վարդանյանը, Տնօրինության նախագահ-լխավոր տնօրենը` Արտակ Հանեսյանը:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.89	0.05
USD	381.51	0.05
EUR	450.03	0.06
GBP	515.61	0.07
CAD	279.04	0.03
JPY	24.46	0.00
CNY	54.46	0.08
CHF	484.83	0.07

Նորություններ

Ամերիաբանկն առաջարկում է չիպային քարտեր