Երկուշաբթի, 8 Հոկտեմբերի 2012 19:51
2012-2014 թվականներին Արցախբանկը մտադիր է կապիտալիզացիան իրականացնել բացառապես սեփական շահույթի հաշվին
ԱրմԻնֆո. 2012-2014 թվականներին Արցախբանկը մտադիր է կապիտալիզացիան իրականացնել բացառապես սեփական շահույթի հաշվին: ԱրմԻնֆո գործակալության թղթակցի կապիտլիզացիայի վերաբերյալ հարցը նման ձեւով է մեկնաբանել Բանկի Վարչության նախագահ Կամո Ներսիսյանը, ճշգրտելով, որ դա ներառված է բանկի առաջիկա 3 տարիների զարգացման ռազմավարական պլանում: Ի դեպ, նա տեղեկացրել է, որ 2012 թվականի արդյունքներով բանի զուտ շահույթը կազմել է 1.850 մլրդ.դրամ:
Ըստ կանխատեսումների, 2012 թվականին բանկի ցուցանիշների ակնկալվող աճը 6-9%-ով կգրազանցի ռազմավարական պլանով ամրագրված ցուցանիշներին, մասնավորապես, ակտիվները, պարտավորությունները, կապիտալը կաճեն 24%-ով, վարկային ներդրումները` 20%-ով, իսկ ժամկետային ավանդները` 40%-ով:
ՙՑպահանջ պարտավորությունների զգալի աճը պայմանավորված է քարտային պրոդուկտների զարգացումով: Բանկում պարբերաբար ակցիաներ են իրականացվում նոր ավանդներ ներգրավելու ուղղությամբ, որոնք գրավիչ են ինչպես տոկոսադրույքների, այնպես էլ առաջարկվող ավանդի ճկունության առումով՚,-հաղորդել է նա, նկատելով, որ շուկայի կոնյունկտուրաի փոփոխության դեպքում բանկը պատրաստ է վերանայել տոկոսադրույքների հարցը, դրամային ավանդների համար սահմանելով մինչեւ 15%, դոլարային ավանդների համար` մինչեւ 12%, դրամային վարկերի համար` մինչեւ 24%, դոլարային վարկերի համար`մինչեւ 18%:
Բանկիրի խոսքերով, վերջին տարիներին, պահպանելով պլաստիկ քարտերի թողարկման բարձր տեմպերը, ապագայում էլ բանկը մտադիր չէ իջեցնել թողարկվող քարտերի աճի սանդղակը, զարգացնելով դրա սպասարկման ենթակառույցները: Ըստ կանխատեսումների, 2012 թվականի վերջին, ակտիվ քարտերի թիվը կհասնի 32 հազարի, բանկոմատների թիվը` 14-ի, POS-թերմինալների թիվը` 90-ի: Իսկ երեւանյան քարտապանների մասնաբաժինը բանկի քարտային պորտֆելում կազմում է 5%:
Ըստ ԱրմԻնֆո գործակալոթյան` Հայաստանի առեւտրային բանկերի Ռենկինգի, Արցախբանկի ակտիվները 2012-ի հուլիսի 1-ին կազմել են 81.1 մլրդ դրամ, իսկ տարեկան աճը` 31%, եռամսյակային ճը` 18%: Ակտիվների կազմում վարկային ներդրումների բաժինը կազմել է մոտ 70%, տարեկան աճը` 35.3%, եռամսյակային աճը` մոտ 9%: Բանկի ընդհանուր կապիտալը կազմել է 12.1 մլրդ դրամ,տարեկան աճը` 26.3%, եռամսյակային աճը` 11.5%: Բանկի ընդհանուր պարտավորությունները կազմել են 69 մլրդ դրամ, ընդ որում, տարեկան աճը` 31.5%, իսկ միայն երրորդ եռամսյակում`19.2, որտեղ ավելի քան 50% են կազմել ժամկետային ավանդները, ընդ որում, տարեկան աճը` մինչեւ 19%, եռամսյակային աճը` 5%: Ցպահանջ պարտավորություններն 3-րդ եռմսյակում ավելացել են 35.2%, մինչեւ 9,2 մլրդ դրամ , ապահովելով տարեկան 22% աճ:
Համաձայն ԱրմԻնֆո գործակալության` ՙՀայաստանի բանկեր քարտային բիզնեսում՚ Տեղեկագրի, Արցախբանկի ակտիվ քարտերի թիվը 2012-ի ապրիլի 1–ին հասել է 28 հազարի (տարեկան աճը` 41%), որի մոտ 76%-ը, կազմել են տեղական ArCa քարտերը (տարեկան աճը` 62%): Աշխատավարձային քարտերի բաժինը կազմել է ակտիվ քարտերի 74%-ը, գրանցելով տարեկան 51% աճ: Պլաստիկ տրանսակցիաների ծավալներով բանկը գտնվում է առաջատարների տասնյակում, գրանցելով տարեկան 94.4% աճ: Սեփական POS-թերմինալների թիվը կազմել է 66, իսկ բանկոմատների թիվը` 35 (տարեկան աճը` 12 ): Բանկոմատային տրանսակցիաների աճով Արցախբանկը ապրիլի 1-ի դրությամբ գտնվում է առաջատարների հնգյակում: Բանկը թողարկում եւ սպասարկում է նաեւ միջազգային MasterCard համակարգի քարտեր:
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Արթուր Ավետիսյան․ Ապագա ԱԷԿ-ի մոդելի ընտրության շուրջ բոլոր մտորումները խոսակցություններից այն կողմ չեն գնա, քանի դեռ չկա ռազմավարական զարգացման տեսլական
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները