Չորեքշաբթի, 3 Հոկտեմբերի 2012 21:53
Տարեվերջին ԻՆԳՈ Արմենիա պահովագրական ընկերության ապահովագրական պրեմիաները կանցնեն 9.2 մլրդ.դրամից
ԱրմԻնֆո. Տարեվերջին ԻՆԳՈ Արմենիա պահովագրական ընկերության ապահովագրական պրեմիաները կանցնեն 9.2 մլրդ.դրամից: Այսօր ԻՆԳՈ Արմենիա ապահովագրական ընկերության հիմնադրման 15-ամյա հոբելյանին նվիրված մամուլի ասուլիսում այս մասին հայտարարել է Ընկերության Խորհրդի նախագահ, ռուսական Ինգոսստրախ ընկերության փոխտնօրեն Տատյանա Կայգարոդովա:
Նա նշել է, որ նշված գումարը բավականին մեծ է ետխորհրդային երկրների համար, եւ ԻՆԳՈ Արմենիան այս ցուցանիշով երկրերդ տեղն է զբաղեցնում Ինգոսստրախ ընկերությունների խմբում:
Նա նշել է նաեւ, որ Ինգոսստրախը մտադիր է մեծացնել ԻՆԳՈ Արմենիայի կանոնադրական կապիտալը` 700 մլն.դրամով: Նա պարզաբանել է, որ այդ որոշումը կընդունվի ընկերության բաժնետերերի առաջիկա նիստում, որը նախատեսված է հաջորդ շաբաթ:
ՙԻՆԳՈ Արմենիան հանդիսանում է ԻՆԳՈ խմբի ամենահաջողակ ընկերություններից մեկը, որը վերջին 3-5 տարիներին պրեմիաների ծավալները մեծացրել է 5 անգամ: Մենք, որպես բաժնտերեր, ժամանակին ենք մեծացնում ընկերության կապիտալը եւ իրականացնում ներդրումներ՚,-ընդգծել է Կայգարոդովան:
Իր հերթին, Ինգոսստրախ ընկերության ներդրումային վարչության ղեկավար Ալեքսանդր Իլյաշենկոն հավելել է, որ այդ ներդրումները կուտակվում են ենթակառույցներում, ՙորոնք շխատում են հանուն հաճախորդի՚ եւ ՏՏ բազայի զարգացման, ինչը ներկայումս հանդիսանում է ընկերության առաջնահերթ խնդիրը:
Վերջին 10 տարիներին ընկերության ակտիվներն աճել են 23 անգամ, 2012 թվականին հասնելով 10.1 մլրդ.դրամի: Այդ նույն ժամանակահատվածում ընդհանուր կապիտալը ավելացել է 9 անգամ, մինչեւ 2.2 մլրդ.դրամ: Ապահովագրական պրեմիաները 10 տարում աճել են 30 անգամ, կազմելով 7.5 մլրդ.դրամ: Ապահովագրական հատուցումները 2012 թվականի 8 ամիսներին կազմել են 2.5 մլրդ.դրամ:
Ըստ ԱրմԻնֆո գործակալության` Հայաստանի ապահովագրակն ընկերությունների Ռենկինգի, ԻՆԳՈ Արմենիան հանդիսանում է Հայաստանի ապահովագրական շուկայի առաջատարը: 2012-ի հուլիսի 1-ի դրությամբ ընկերությունն զկտիվների գծով զբաղեցնում է զռաջին տեղը, սեփական կզպիտալով` երկրորդ տեղը, պահովագրական պրեմիաների գծով` առաջին տեղը, հատուցումների գծով` երկրորդ տեղը: Ընկերության ապահովագրական պորտֆելում ԱՊՊԱ բաժինը կազմում է 35.4%, բժշկական ապահովագրության բաժինը` 44.6%: Հատուցումների գծով ԱՊՊԱ բաժինը կազմել է 62%, բժշկական ապահովագրության գծով` 19%: Ապահովագրական պրեմիաների եւ հատուցումների կազմում ֆիզիկական անձանց բաժինը կազմել է 66%: Ներկայումս ընկերությունն իրականացնում է ապահովագրական 16 դասերի ապահովագրություն:
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները