Երկուշաբթի, 8 Հոկտեմբերի 2012 22:02
Ինեկոբանկը ստորագրեց 10 մլն. ԱՄՆ դոլարի վարկային պայմանագիր Green for Growth հիմնադրամի հետ
ԱրմԻնֆո. Ս.թ. սեպտեմբերին Ինեկոբանկը ստորագրեց 10մլն. ԱՄՆ դոլարի վարկային պայմանագիր Green for Growth (GGF) հիմնադրամի հետ: Այս վարկային միջոցները ուղղվելու են ոչ միայն ձեռնարկությունների, այլև ֆիզիկական անձ հանդիսացող հաճախորդների էներգոարդյունավետ վարկավորմանը: Այս մասին ԱրմԻնֆո գործակալությանը տեղեկացվել է Ինեկոբանկի լրատվական ծառայությունից:
Աղբյուրի համաձայն, էներգոարդյունավետ վարկավորման ծրագրի շրջանակներում Ինեկոբանկը նախատեսել է ֆինանսավորել այնպիսի նախագծեր, ինչպիսիք են, օրինակ, արտադրամասերում էներգոարդյունավետ հոսքագծերի տեղադրում, էներգոխնայող տեխնոլոգիաների ներդրում, էներգոխնայուղ շինարարություն` ներառյալ ջերմամեկուսացնող դռների և պատուհանների տեղադրում, տանիքի և պատերի ջերմամեկուսացում, ինչպես նաև լուսավորման, ջեռուցման, սառեցման և այլ նոր համակարգերի տեղադրում, որոնց շնորհիվ տեղի է ունենում առաջնային էներգիայի առնվազն 20% խնայողություն:
Վարկին զուգընթաց Green for Growth հիմնադրամը մատուցելու է Ինեկոբանկին նաև տեխնիկական աջակցություն, որը կօգնի առավել արդյունավետ մշակել և կիրառել Էներգոարդյունավետ վարկավորման ռազմավարությունը:
ՙGreen for Growth հիմնադրամը ուրախ է ազդարարել Ինեկոբանկի հետ իր համագործակցության մեկնարկը: Այս վարկային պայմանագիրը խորհրդանշում է Green for Growth հիմնադրամի առաջին քայլերը այս տարածաշրջանում: Ինեկոբանկի հետ սերտ համագործակցության շնորհիվ մենք կկարողանանք օգնել նվազեցնել էներգիայի սպառման մակարդակը Հայաստանում՚, - ասաց Green for Growth հիմնադրամի նախագահ Քրիստոֆեր Նոուելսը:
ՙՄենք վստահ ենք, որ համագործակցելով Green for Growth հիմնադրամի հետ կկարողանանք խրախուսել Էներգիայի արդյունավետ օգտագործումը Հայաստանում: Լինելով սոցիալապես պատասխանատու կազմակերպություն` Ինեկոբանկը դիտարկում է այս նախաձեռնությունը որպես բանկային ծառայությունների միջոցով էներգիայի սպառման նվազեցմանն ուղղված առավել արդյունավետ գործիք՚, - նշեց իր խոսքում Ինեկոբանկի գործադիր տնօրեն Ավետիս Բալոյանը:
Green for Growth հիմնադրամը հիմնադրվել է 2009թ. երմանական Զարգացման Բանկի (KfW Entwicklungsbank) և Եվրոպական Ներդրումային Բանկի (EIB) կողմից` Եվրոպական Կոմիսիայի և Վերակառուցման և Զարգացման Եվրոպական Բանկի (EBRD) ֆինանասական աջակցությամբ: Green for Growth հիմնադրամի նպատակն է խրախուսել Էներգիայի արդյունավետ օգտագործումը և վերականգնվող էներգիայի կիրառումը հարավարևելյան Եվրոպայում և հարևան երկրներում:
Ըստ ԱրմԻնֆո գործակալության` Հայաստանի առեւտրային բանկերի Ռենկինգի, վարկային ներդրումների ծավալներով Ինեկոբանկը, 2012 թվականի հուլիսի 1-ի դրությամբ, 75 մլրդ. դրամ ցուցանիշով գտնվում է Հայաստանի առաջատար բանկերի տասնյակում, գրանցելով տարեկան 62.5%, իսկ առաջին կիսամյակում` 17.2% աճ: Վարկային պորտֆելի կազմում տնտեսությանն ուղղված վարկերը կազմել են 47%, որոնց ծավալը կազմել է 51 մլրդ.դրամ, գրանցելով տարեկան 43%, իսկ կիսամյակում`17.1% աճ:
Նշենք, որ Ինեկոբանկ ՓԲԸ-ն հիմնադրվել է 1996 թվականին և հանդիսանում է Հայաստանի ֆինանսական ծառայությունների շուկայում դինամիկ զարգացող ունիվերսալ բանկ: Ինեկոբանկի նպատակն է խթանել մասնավոր հատվածի զարգացումը` հանդես գալով որպես հուսալի և ազնիվ գործընկեր ու խորհրդատու` միկրո, ՓՄՁ և անհատ հաճախորդների համար:
Հանքարդյունաբերությունը շարունակում է մնալ Հայաստանի մարզերի սոցիալական հենարանը. հետազոտություն
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները