Ուրբաթ, 12 Հոկտեմբերի 2012 17:45
ՀՀ ԿԲ 2012 թվականին կանխատեսում է մասնավոր ծախսերի 6,4% և մասնավոր ներդրումների 4,1% աճ
ԱրմԻնֆո. ՀՀ կենտրոնական բանկը հերթական անգամ վերանայել է 2012 թվականի մասնավոր ծախսերի աճի կանխատեսումը`արագացման միտումով: Ինչպես նշվում է ՀՀ ԿԲ դրամավարկային քաղաքականության III եռամսյակի ծրագրում, մասնավոր ծախսերի աճը կկազմի 6,4%` նախորդ 4,6% կանխատեսման դիմաց:
Մասնավոր ծախսերի աճի տեմպերի արագացումն ընթացիկ տարում պայմանավորված կլինի մասնավոր սպառման ավելացմամբ և մասնավոր ներդրումների դանդաղ աճով: Միևնույն ժամանակ պետական ծախսերի չափը չի փոխվի (ավելի վաղ կանխատեսվող 0,6% անկման դիմաց): Զարգացման նման սցենարի դեպքում տնտեսության միագումար ներքին պահանջարկն իրական արտահայտությամբ կավելանա գրեթե 5,5%-ով` նախորդ 3,9% կանխատեսման դիմաց: Մասնավոր ծախսերի աճի կանխատեսման ավելացումը ԿԲ պայմանավորում է այդ ժամանակահատվածում տնտեսական ակտիվության առավել բարձր կանխատեսվող մակարդակով, ինչպես նաև մասնավոր սպառման աճի բարձր տեմպով, որն արդեն արձանագրվել է տարեսկզբին, տնտեսության վարկավորման բարձր տեմպերի պահպանմամբ և մասնավոր ներդրումների աճի ավելի վաղ ակնկալվող արագացմամբ:
Աղբյուրի համաձայն, մասնավոր հատվածում սպառման աճի տեմպերի կանխատեսումը վերանայվել է արագացման միտումով` ներքին տնտեսության աճի սպասվածից ավելի արագ տեմպերի առնչությամբ և համեմատաբար ցածր ինֆլյացիոն միջավայրով: ԿԲ գնահատմամբ, 2012 թվականին մասնավոր սպառման աճը կակզմի 7,1% նախորդ 4,3% կանխատեսման դիմաց: Այդ կանխատեսումը նույնպես հիմնվում է I եռամսյակի մասնավոր սպառման աճի և տնտեսության վարկավորման աճի բարձր տեմպերի պահպանման վրա: 2013 թվականին և միջնաժամկետ կտրվածքով մասնավոր սպառման աճի տեմպերը համեմատաբար կդանդաղեն և կարձանագրվեն միջնաժամկետ հեռանկարում սպասվող տնտեսական աճին համահունչ մակարդակում:
Չնայած նախորդ սպասումներին, հակառակ տնտեսական ակտիվության, շահութաբերության և տնտեսության վարկավորման աճի ենթադրվող տեմպերին, մասնավոր ներդրումների աճի կանխատեսումը սրբագրվել է դանդաղման միտումով: Այդ ցուցանիշի վերանայման համար հիմք են ծառայել 2012 թվականի I կիսամյակում շինարարության հատվածի բացասական ահազանգերը և 2012 թվականի I եռամսյակում ներդրումների սպասվածից ավելի արագ նվազումը: ԿԲ գնահատայկանների համաձայն, 2012 թվականին մասնավոր ներդրումների առավել հավանական աճը 4,1% է` ավելի վաղ կանխատեսված 5,4%-ի դիմաց: Ընդ որում մասնավոր ներդրումների աճի տեմպերն ընթացիկ տարում կզիջեն նախաճգնաժամային ցուցանիշներին, սակայն համեմատաբար կարագանան 2013 թվականին և միջնաժամկետ հեռանկարում` ապահովելով տնտեսական աճ միջնաժամկետ շրջանում:
Չնայած մասնավոր ներդրումների սպասվող ցածր աճին` ԿԲ ենթադրում է, որ 2012 II կիսամյակում մասնավոր ծախսերի աճի տեմպերը միջինից բարձր կլինեն, քանի որ ակնկալում է մասնավոր սպառման բարձր աճ: Մասնավոր ծախսերի ձևավորված դրական սալդոն կկազմի 1-1,5%: Այն կզրոյացվի 2013 II կիսամյակում, ինչն իր հերթին կհանգեցնի առաջարկի և պահանջարկի անհամապատասխանության վերացման մասնավոր հատվածում: ԿԲ կարծիքով, մասնավոր ծախսերի դրական սալդոն տնտեսությունում կձևավորի 0,5-0,8 տոկոսային կետի ինֆլյացիոն ճնշում, որը կպահպանվի 2012 թվականի II կիսամյակում և 2013 թվականի I կիսամյակում:
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Աշխատում էին համապարփակ բժշկական ապահովագրության վրա, ստացան՝ համընդհանուր։ Հայաստանը շուկայական տնտեսության մոդելից լայնածավալ հետքայլ է կատարում դեպի վարչահրամայական տնտեսություն. Հայկազ Ֆանյան
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները