Հինգշաբթի, 18 Հոկտեմբերի 2012 16:46

Առէկսիմբանկ Գազպրոմբանկի խումբն ապահովել է ակտիվների տարեկան 36.5% աճ, մինչեւ 112.3 մլրդ.դրամ

ԱրմԻնֆո. 2012 թվականի 3-րդ եռամսյակում ՙԱռէկսիմբանկ-Գազպրոմբանկի խումբ՚ ՓԲԸ-ն գրանցել է հիմնական ցուցանիշների աճ` 2011 թվականի նույն ժամանակահատվածի համեմատ:

Ինչպես ԱրմԻնֆո գործակալությանը տեղեկացվել է Բանկի լրատվական ծառայությունից,
2012 թվականի սեպտեմբերի 30-ի դրությամբ Բանկի ընդհանուր ակտիվները կազմել են 112.3 մլրդ ՀՀ դրամ, որոնց աճը տարեկան կտրվածքով կազմել է 30.0 մլրդ ՀՀ դրամ կամ 36.5%: Հաճախորդներին տրված վարկերն ու այլ փոխառությունները կազմել են 88.4 մլրդ ՀՀ դրամ` տարեկան կտրվածքով ավելանալով 24.4 մլրդ ՀՀ դրամով կամ 38.1%-ով:

Բանկի ընդհանուր պարտավորությունները 2012 թվականի սեպտեմբերի 30-ի դրությամբ կազմել են 95.8 մլրդ ՀՀ դրամ` տարեկան կտրվածքով ավելանալով 28.9 մլրդ ՀՀ դրամով կամ 43.3%-ով: Հաճախորդների հանդեպ ունեցած պարտավորությունները կազմել են 40.9 մլրդ ՀՀ դրամ` տարեկան կտրվածքով ավելանալով 15.2 մլրդ ՀՀ դրամով կամ 59.1%-ով: Ընդ որում` իրավաբանական անձանց միջոցները կազմել են 16.4 մլրդ ՀՀ դրամ` գրանցելով 6.7 մլրդ ՀՀ դրամի կամ 69.1% աճ, իսկ ֆիզիկական անձանց միջոցները` 24.5 մլրդ ՀՀ դրամ` գրանցելով 8.5 մլրդ ՀՀ դրամի կամ 53.1% աճ:

2012 թվականի սեպտեմբերի 30-ի դրությամբ Բանկի ընդհանուր կապիտալը կազմել է 16.5 մլրդ ՀՀ դրամ, որը նախորդ տարվա ցուցանիշի համեմատ աճել է 1.1 մլրդ ՀՀ դրամով կամ 7.0%-ով:

ՙԱռէկսիմբանկ-Գազպրոմբանկի խումբ՚ ՓԲԸ-ն հիմնադրվել է 1998 թվականին, ձեռներության աջակցման, ինչպես նաեւ Ռուսաստանից Հայաստան ֆինանսական հոսքերը կառավարելու նպատակով: Բանկի բաժնետոմսերի 100% սեփականատերն է հանդիսանում ռուսական ՙազպրոմբանկը՚:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Առէկսիմբանկ Գազպրոմբանկի խումբն ապահովել է ակտիվների տարեկան 36.5% աճ, մինչեւ 112.3 մլրդ.դրամ