Ուրբաթ, 19 Հոկտեմբերի 2012 17:30
Տարեվերջին ՙԱռէկսիմբանկ-Գազպրոմբանկի խումբ՚ ՓԲԸ-ն ակնկալում է շուրջ 4.0 մլն ԱՄՆ դոլարի շահույթ մինչև հարկումը
ԱրմԻնֆո. Մինչև 2012թ. տարեվերջ ՙԱռէկսիմբանկ-Գազպրոմբանկի խումբ՚ ՓԲԸ-ն մտադիր է ավելացնել ներգրավված միջոցների ծավալը 21.0%-ով (տարեսկզբի համեմատ): Ինչպես ԱրմԻնֆո գործակալությանը հաղորդեցին բանկի մամուլի ծառայությունից, նախատեսվում է ավելացնել Բանկի ընդհանուր ակտիվների ծավալը 21.6%-ով, ընդ որում`վարկային պորտֆելի աճը կկազմի 20.5%: Եկամտային ակտիվների ավելացումը հնարավորություն կտա Բանկին մինչև տարեվերջ ստանալ շուրջ 4.0 մլն ԱՄՆ դոլարի շահույթ մինչև հարկումը:
Բանկի ֆինանսական հաշվետվության տվյալներով, մինչև 2012 թվականի հոկտեմբերի 1-ը ժամկետային ավանդները կազմել են 25 մլրդ դրամ (9 ամիսներին ավելանալով 12,5%-ով, III եռամսյակում` 5,2%-ով, տարեկան կտրվածքով` 38,7%-ով): Դրանց կառույցում առյուծի բաժինը կազմել են ֆիզիկական անձանց միջոցները` 20.8 մլրդ դրամ: Ցպահանջ պարտավորությունները կազմել են 16 մլրդ դրամ (9 ամիսներին ավելանալով 51,3%-ով, III եռամսյակում` 38,8%-ով, տարեկան կտրվածքով` ավելի քան 2 անգամ), որոնց կառույցում իրավաբանական անձանց բաժինը գերազանցում է 76%-ը: Մինչև 2012 թվականի հոկտեմբերի 1-ը բանկի ընդհանուր պարտավորությունները հասել են 95.8 մլրդ դրամի` իննամսյա 19,5% և տարեկան 43,3% աճով, որոնց կառույցում բանկերից ներգրավված միջոցները կազմել են 52.4 մլրդ դրամ: Բանկի ակտիվները 2012 թվականի հոկտեմբերի 1-ի դրությամբ հասել են 112.3 մլրդ դրամի` իննամսյա 17,2% և տարեկան 36,5% աճով: Ակտիվների կառույցում 79%-ից ավելի բաժին է ընկել վարկային ներդրումներին, որոնց ծավալը 9 ամսում ավելացել է 17,6%-ով, իսկ տարեկան կտրվածքով` 35,8%-ով: Բանկը տնտեսություն է ուղղորդել 74.6 մլրդ դրամի վարկ (9 ամիսներին 19,8% և տարեկան 42,9% աճով), իսկ ֆիզիկական անձանց տրամադրվել է 14.3 մլրդ դրամի վարկ (9 ամիսներին 11,4% և տարեկան 17,4% աճ): 2012 թվականի 9 ամիսներին մինչև հարկումը շահույթը կազմել է 1.047 մլրդ դրամ, տարեկան 8,6% աճով` եկամուտների 37,2% և ծախսերի 42,1% աճով: 2012 թվականի 9 ամիսներին զուտ շահույթն ապահովվել է 825.4 մլն դրամի մակարդակում (ավելի քան 2 մլն դոլար) տարեկան 6% աճով, իսկ միայն III եռամսյակում` 296.7 մլն դրամ` եռամսյակային 1,4% աճով:
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Արթուր Ավետիսյան․ Ապագա ԱԷԿ-ի մոդելի ընտրության շուրջ բոլոր մտորումները խոսակցություններից այն կողմ չեն գնա, քանի դեռ չկա ռազմավարական զարգացման տեսլական
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները