Երեքշաբթի, 30 Հոկտեմբերի 2012 16:17
Առաջիկա տարիներին բանկային ավանդների եկամտաբերությունը չի նվազի, գտնում է ՀԲՄ գործադիր տնօրենը
ԱրմԻնֆո. Դրամական միջոցների շարունակվող թանկացումների հետեւանքով առաջիկա տարիներին բանկային ավանդների եկամտաբերությունը չի նվազի: Այսօր Երեւանում կայացած մամուլի ասուլիսում նման կանխատեսումներով է հանդես եկել Հայաստանի Բանկերի Միության գործադիր տնօրեն Սեյրան Սարգսյանը: Եկամտաբերության անկմանը չի հանգեցնի նաեւ երկրում անցկացվելիք կենսաթոշակային ռեֆորմը, գտնում է ՀԲՄ գործադիր տնօրենը:
Մեկնաբանելով դրամական խնայողությունների շուկայի հմարավորությունները, կապված Հայաստանում ֆինանսա-տնտեսական ճգնաժամի խորացման հետ, նա նկատել է, որ բանկային խնայողությունների շուկայի աճի միտումներն առաջիկա տարիներին Հայաստանում կպահպանվեն:
ՀԲՄ գործադիր տնօրենը տեղեկացրել է, որ ներկայումս բանկային խնայողությունների շուկայւոմ դրամով ավանդների համար տոկոսադրույքները ձեւավորվել են 6-7%-ի ¥կարճաժամկետ ավանդների համար¤ եւ 12-13% ¥տարեկան ավանդների համար¤ սահմաններում: Իսկ արտարժույթով ավանդների տոկոսադրույքները կազմում են, համապտասխանաբար` 4-5% եւ 9%: Ընդ որում, նա նշել է, որ բնակչության շրջանում ամենամեծ մասսայականություն են վայելում միջնաժամկետ ավանդները` 6 ամսից մինչեւ 1 տարի:
Անդրադառնալով բանկային ավանդների աճի դինամիկային, Ս.Սարգսյանը տեղեկացրել է, որ բանկային ավանդների ծավալը համակարգում մեկ տարում աճել է ավելի քան 1/3-ով, մինչեւ 1.125 տրլն, դրամ, հիմնականում ժամկետային ավանդների հաշվին: Ընդ որում, մեկ ավանդի միջին չափը կազմում է 490 հազ.դրամ: Սարգսյանը նկատել է, որ վերջին տարիներին հայ ավանդատուներն սկսել են ավելի արդյունավետորեն կառավարել իրենց խնայողությունները, խորացնլով դրանց դիվերսիֆիկացիան: Այսպես, բանկային ավանդների կազմում արտարժույթով ավանդները ներկայումս կազմում են 17%, դրամով ավանդները` 18%, իսկ խառը ավանդները` 65%: Ավանդների կազմում ֆիզիկական անձանց արտարժույթով ավանդները կազմում են 70%, իսկ դրամով ավանդները` 30%: ործադիր տնօրենը համոզված է, որ կենսաթոշակային ռեֆորմը կբերի դրամով ավանդների մասնաբաժնի մեծացմանը:
Մամուլի ասուլիսին ներկա գտնվղ` Ավանդների ապահովագրության Հիմնադրամի տնօրեն Հերմինե Հարությունյանը նկատել է, որ տարեցտարի աճում է բնակչության վստահությունը բանկերի նկատմամբ, ինչին նպաստում է նաեւ երաշխվորված դրամային ավանդի գումարը 2 մլն. դրամից մինչեւ 4 մլն.դրամ բարձրացնելը, նշելով, որ արտարժույթով ավանդների համար այդ սահմանաչափը բարձացվել է մինչեւ 2 մլն.դրամ: Թե երբ հաջորդ անգամ տեղի կունենա երաշխավորված ավանդի գումարի սահմանաչափի բարձրացում, Հիմնադրամի ղեկավարը դժվարացել է պատասխանել, նկատելով, որ դա կախված կլինի բազմաթիվ գործոններից: Ըստ ՀՀ Կենտրոնական բանկի տվյալների, բանկային ավանդներ/ՀՆԱ հարաբերակցությունը 2006 թվականից մինչեւ 2011 թվականն աճել է ավելի քան 2 անգամ, 12%-ից մինչեւ 25.7%, իսկ մասնավոր ավանդներ/ՀՆԱ հարաբերակցությունն աճել է 3 անգամ, 5.4%-ից մինչեւ 15%:
Ըստ ՀՀ ազգային վիճակագրական ծառայության տվյալների, բանկային համակարգից դուրս շրջանառվող կանխիկ միջոցների ծավալը կազմում է մոտ 340 մլրդ.դրամ, ինչը 28% գերազանցում է ընդհանուր դրամական զանգվածը:
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները