Հինգշաբթի, 1 Նոյեմբերի 2012 17:22
Հայաստանի անշարժ գույքի շուկայի լճացումը շարունակվում է
ԱրմԻնֆո. Հայաստանի անշարժ գույքի շուկան շարունակում է մնալ ստագնացիոն ¥լճացման¤ վիճակում: Այս մասին այսօր Երեւանում կայացած մամւլի ասուլիսում հայտարարել է ՙԱկցեռն՚ անշարժ գույքի Կորպորացիայի նախագահ Հակոբ Բաղդասարյանը:
Նրա խոսքերով, անշարժ գույքի առք եւ վաճառքի գործարքների անկումը, ինչպես նաեւ բնակարնային շինարարության ոլորտում տիրող հետընթացը, առաջին հերթին պայմանավորված են անշարժ գույքի ցածր պահանջարկով, ինչը, ինչպես հայտնի է, ուղղակիորեն կապված է քաղաքացիների աշխատավարձերի չափերի հետ: Շուկայի վրա իր բացասական ազդցությունն է թողնում նաեւ բնակչության արտագաղթը Հայաստանից: ՙԱնհատ ձեռներեցները, որոնք զբաղվում էին շինարարկան բիզնեսով, այժմ ՙզգուշությամբ՚ են աշխատում, շինարարության ժամկետները երկարաձգելով մինչեւ լավ ժամանակներ, երբ ավելի մեծ շահույթ ստանալու հավանկանությունը կաճի: ործարարներն ուշի ուշով հետեւում են անշարժ գույքի եւ շինանյութի գների թռիչքներին, ձգտելով կանխատեսել շինարարությունը վերսկսելու ավելի ՙհարմար՚ պահը՚,-պարզաբանել է Հ.Բաղդասարյանը:
Լրագրողների այն հարցին, թե սիրիահայերի Հայաստան գալը որքանով ազդեց Հայաստանում անշարժ գույքի գների վրա, Բաղդասարյանը պտասխանել է, որ այդ մարդիկ այստեղ ժամանակավոր են գտնվում, իսկ նրանցից շատերը լքում են պատմական հայրենիքը, մեկնելով երրորդ երկրներ: ՙՆրանց Հայաստան գալը չի կարող ազդել անշարժ գույքի գների վրա, եւ տվյալ պահին գների կտրուկ թռիչքներ պետք չէ ակնկալել՚,-ընդգծել է Բաղդասարյանը:
Նրա տվյալներով, վերջին 2 տարիներին անշարժ գույքի առք եւ վաճառքի գործարքների թիվը տատանվում է 20-30%-ի սահմաններում, իսկ գներն էապես չեն փոփոխվում: Դրա հետ մեկտեղ, առաջիկայում էական փոփոխություններ տեղի չեն ունենա նաեւ հիփոթեքի շուկայում:
Ըստ ՀՀ Կադաստրի պետական կոմիտեի տվյալների, 2012 թվականի օգոստոսին բազմաբնակարան շենքերում 1 քմ մակերեսի միջին գինը հուլիսի համեմատ աճել է 15.3%, իսկ տարեկան կտրվածքով նվազել է 7.8%, կազմելով 260 հազար դրամ: Ընդ որում, մայրաքաղաքի մասնավոր տների գները մեկ ամսում աճել են 0.3%, գրանցելով տարեկան 1.5% աճ, մինչեւ 276.4 հազ.դրամ: Մարզերում անշարժ գույքի գների զգալի փոփոխություններ չեն գրանցվել: