Ուրբաթ, 2 Նոյեմբերի 2012 15:56
ՀՀ կենտրոնական բանկի նախագահը նոյեմբերի 2-4-ը Վիենայում կմասնակցի բանկային վերահսկողության գծով ՙԲազել 3՚ սեմինարին
Արմինֆո: ՀՀ կենտրոնական բանկի նախագահ Արթուր Ջավադյանը նոյեմբերի 2-4-ը Վիենայում կմասնակցի բանկային վերահսկողության գծով ՙԲազել 3՚ սեմինարին, որը կազմակերպել է Կենտրոնական բանկի եւ ՙGlobal Association of Risk Professionals՚ (GARP) ընկերության կողմից: Ինչպես ԱրմԻնֆո գործակալությանը տեղեկացվել է Հ Կենտրոնական բանկի մամուլի ծառայությունից, սեմինարին մասնակցելու են նաև Հայաստանի առևտրային բանկերի ներկայացուցիչները:
Հիշեցնենք, որ 2012 թվականի հունվարին բանկային վերահսկողության Բազելի կոմիտեն (Basel Committee on Banking Supervision) հաստատեց բանկերի 2015 թվականի իրացվելիության նոր պահանջների ներդրման պլանները: Իրացվելիության նկատմամբ նոր պլանները հանդիսանում են Basel-3-ի միջազգային կանոնների բաղադրիչը, որոնք մշակվել են 2008 թվականի ֆինանսական ճգնաժամի կրկնությունից խուսափելու համար: Բանկերի մոտ ամենամեծ կասկածներն են առաջացնում իրացվելիության ծածկույթի գործակցի (liquidity coverage ratio, LCR) նկատմամբ պահանջները, որոնք ենթադրում են, որ մինչեւ 30 օր ժամկետով կարճաժամկետ բանկային պարտավորությունները 100%-ով պետք է ծածկվեն ակտիվներով, որն ուժի մեջ կմտնի 2015 թվականից:
ՙ LCR ներդրումից հետո կարճաժամկետ բանկային պարտավորությունները 100%-ով ակտիվներով ծածկելու պահանջը կվերաբերվի շուկաների նորմալ գործունեության ժամանակահատվածներին: Սակայն մենք ակնկալում ենք, որ սթրեսային վիճակներում բանկերը կկիրառեն իրացվելիության ակտիվների Պուլեր, ինչի հետեւանքով էլ այդ պահանջը ժամանակավորապես կխախտվի՚,-ավելի վաղ հաղորդվել էր կոմիտեի կողմից:
Նշենք, որ Բազելի կոմիտեն ստեղծվել է 1974 թվականին: Ներկայումս կոմիտեի անդամներ են հանդիսանում 27 երկրների, այդ թվում նաեւ Ռուսաստանի, կենտրոնական բանկերի եւ ֆինանսական կարգավորման մարմինների ներկայացուցիչներ: Եվրահանձնաժողովը կոմիտեի աշխատանքներին մասնակցում է որպես դիտորդ:
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Աշխատում էին համապարփակ բժշկական ապահովագրության վրա, ստացան՝ համընդհանուր։ Հայաստանը շուկայական տնտեսության մոդելից լայնածավալ հետքայլ է կատարում դեպի վարչահրամայական տնտեսություն. Հայկազ Ֆանյան
Մարիամ Համբարձումյան. Հայաստանի կրթական համակարգն առայժմ չի կարողացել անցնել այն տրանսֆորմացիան, որն այսօր անհրաժեշտ է բիզնեսի համար
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները