Երեքշաբթի, 6 Նոյեմբերի 2012 21:25

ՀՀ ԿԲ Խորհուրդը վերաֆինանսավորման տոկոսադրույքը թողեց անփոփոխ` 8 տոկոս

ԱրմԻնֆո. ՀՀ ԿԲ Խորհուրդը վերաֆինանսավորման տոկոսադրույքը թողեց անփոփոխ` 8: Ինչպես ԱրմԻնֆո գործակալությանը տեղեկացվել է ՀՀ Կենտրոնական բանկի մամուլի ծառայությունից, որոշումն ընդունվել է Հհ Կենտրոնական բանկի Խորհրդի նոյեմբերի 6-ի նիստում:

Աղբյուրի համաձայն, 2012 թ. հոկտեմբերին արձանագրվել է 1.2% գնաճ, ինչի արդյունքում 12-ամսյա գնաճը բարձրացել է մինչև 3.4%ª մոտենալով նպատակային ցուցանիշին:
Խորհուրդն արձանագրեց, որ արտաքին հատվածից ակնկալվող թույլ գնաճային ազդեցությունները պահպանվում են: Զարգացած երկրների պարտքային հիմնախնդիրների քաղաքական լուծումների վերաբերյալ անորոշությունների պահպանման պայմաններում կանխատեսող հորիզոնում ակնկալվում է համաշխարհային պահանջարկի ցածր մակարդակ: Այդուհանդերձ, ցորենի միջազգային գների բարձր մակարդակի պահպանումը վկայում է պարենային ապրանքների միջազգային շուկայում առկա հիմնարար լարվածության մասին: Վերջինս կշարունակի իր ազդեցությունն ունենալ ներքին գների վրաª դրսևորվելով ՙՀացամթերք՚ ապրանքախմբի գներում: Աշխարհաքաղաքական զարգացումներով պայմանավորվածª արտաքին հատվածից հնարավոր են նաև էներգակիրների գնաճային ռիսկեր:

Խորհուրդը գնահատեց, որ կանխատեսվող հորիզոնում ներքին գների վրա ՀՀ տնտեսության զարգացումներից ակնկալվող ազդեցությունը շարունակում է մնալ չափավոր գնաճային` պայմանավորված մասնավոր սպառման, հետևաբար և տնտեսական աճի տեմպերի շարունակվող արագացմամբ: Նշված գնաճային գործոնների ազդեցությունը ներքին գների վրա որոշ չափով կչեզոքացվի հարկաբյուջետային քաղաքականության զսպող ազդեցությամբ:

Հաշվի առնելով վերջին ամիսներին 12-ամսյա գնաճի ցուցաբերած վարքագիծը և կանխատեսվող հորիզոնում արտաքին ու ՀՀ տնտեսությունների կողմից ակնկալվող թույլ գնաճային ազդեցությունները ներքին գների վրա, ԿԲ խորհուրդը նպատակահարմար է գտնում ձեռնպահ մնալ վերաֆինանսավորման տոկոսադրույքի մակարդակի փոփոխումից: Այդ պարագայում 12-ամսյա գնաճը առաջիկա ամիսներին կմոտենա 4% նպատակային ցուցանիշին և կանխատեսվող հորիզոնում կպահպանվի այդ մակարդակի շրջանակում:

Միջբանկային շուկայում տոկոսադրույքների տատանումների նվազեցման նպատակով ԿԲ խորհուրդը իրականացնում է ԿԲ կողմից ներգրավվող ավանդի և լոմբարդային ռեպոյի տոկոսադրույքների միջև եղած տարբերությունը կրճատելու գործընթացի վերջին փուլը` 4 տոկոսային կետից այն դարձնելով 3 տոկոսային կետ:

Հիշեցնենք, որ այդ ՀՀ ԿԲ Խորհուրդը վերջին անգամ վերաֆինանսավորման տոկոսադրույքն իջեցրել էր 2011 թվականի ապրիլի 12-ին` 8.5%-ից մինչեւ 8%, ինչը պահպանվում է մինչ օրս: ԿԲ լոմբարդային ռեպո տոկոսադրույքերը 10%-ից իջեցրեց մինչեւ 9.5%, իսկ ներգրավված ավանդների տոկոսադրույքերը` 6%-ից բարձրացրեց մինչեւ 6.5%:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

ՀՀ ԿԲ Խորհուրդը վերաֆինանսավորման տոկոսադրույքը թողեց անփոփոխ` 8 տոկոս