Երեքշաբթի, 6 Նոյեմբերի 2012 14:48
Արարատբանկի արտարժութային պարտատոսմերը ցուցակվեցին բորսայում
ԱրմԻնֆո. Արարատբանկի 1 մլն.դոլար ծավալով արտարժութային պարտատոմսերի առաջին թողարկումը ցուցակվեց NASDAQ OMX Armenia
բորսայում: Ցուցակման հանդիսավոր արարողությունը տեղի ունեցավ բորսայի շենքում: Ինչպես միջոցառման ընթացքում հայտարարել է Արարատբանկի փոխտնօրեն Դավիթ Հարությունյանը, բանկի դոլարային պարտատոմսերի թողարկման մարկետ-մեյքերն է հանդիսանում ՙՌենեսա՚ ներդրումային ընկերությունը, որը երկրորդային շուկայում կզբաղվի այդ պարտատոմսերի իրացվելիությամբ:
Նա տեղեկացրել է, որ այդ պարտատոմսերի պահանջարկը 25%-ով գերազանցել է առաջարկը, իսկ բաժանորդագրությունն ավարտվեց նախատեսվածից 2 օր շուտ: Պարտատոմսերը տեղաբաշխվել են 166 ներդրողների միջեւ, որոնց մեծ մասը ֆիզիկական անձեր են:
Դ.Հարությունյանը նաեւ հաղորդել է, որ շուկայից ներգրավված միջոցները բանկը կուղղի ՓՄՁ վարկավորմանը, հավելելով նաեւ, որ բանկը կլշարունակի զարգացնել իր գործունեությունը կապիտալի շուկայում:
Հիշեցնենք, որ Արարատբանկի դոլարային պարտատոմսերի եկամտաբերությունը կազմում է 9%, շրջանառության ժամկետը`36 ամիս, ընդ որում, արժեկտրոնային եկամուտների եռամսյակային վճարումով: Մեկ պարտատոմսի անվանական արժեքը կազմում է 25 ԱՄՆ դոլար:
Ըստ Արարատբանկի տվյալների, 2012 թվականի 9 ամիսներին բանկի ակտիվներն աճել են 13%, մինչեւ 98.8 մլրդ.դրամ, ընդհանուր կապիտալն աճել է 21%, մինչեւ 14.8 մլրդ.դրամ, վարկային ներդրումները` 36.1%, մինչեւ 66.4 մլրդ.դրամ: Ընթացիկ տարվա 9 ամիսների արդյունքներով, բանկի զուտ շահույթը կազմել է 2.8 մլրդ.դրամ, տարեսկզբից աճելով 65.8%: Բանկն ունի 43 մասնաճյուղ, իսկ մինչեւ տարեվերջ նախատեսում է բացել եւս 2 մասնաճյուղ:
Հիշեցնենք, որ Արարատբանկը կորպորատիվ պարտաատոմսերի շուկա դուրս եկավ 2007 թվականին: Առաջին թողարկման տարեկան եկամտաբերությունը կազմեց 8%: Երկրորդ թողարկման շրջանակներում թողարկման ծավալը կազմեց 400 մլն.դրամ, տարեկան եկամտաբերությունը` 9%: Երրորդ թողարկման ծավալը կազմեց 250 մլն.դրամ, տարեկան եկամտաբերությունը` 10%: Իսկ չորրորդ անգամ բանկը դրամային պարտատոմսերի թողարկումն իրականացրեց 2011 թվականի հուլիսին, 250 մլն.դրամ ծավալով եւ 12% տարեկան եկամտաբրությամբ:
Նշենք, որ Արարատբանկն առաջինն արձագանքեց արտարժութային պարտատոմսերի թողարկման վերաբերյալ ՀՀ Կենտրոնական բանկի որոշմանը, որն ընդունվեց 2012 թվականի հունիսի 20-ին: Ըստ ԱրմԻնֆո գործակալության վերլուծաբանների, արտարժութային պարտատոմսերի հարթակի ստեղծման գաղափարի արդիականացումն ու ստեղծումն առաջին հերթին կապված է դրամային պարտատոմսերի հարթակի լճացման հետ, ինչը տեղի ունեցավ ֆինանսական ճգնաժամի հետեւանքով, 2009 թվականի մարտին առաջ բերելով ՀՀ դրամի կտրուկ արժեզրկում: Դրանից հետո կապիտալի շուկայում կտրուկ կրճատվեցին նոր թողարկումները: Այլընտրանքային գործիքների տոկոսադրույքների աճի հետ կապված, կորպորատիվ բենդերի գրավչությունը կտրուկ ընկավ եւ գործնականում, բոլոր նոր թողարկումներն իրականացվում էին նախորդ թողարկումները վերաֆինանսավորելու նպատակով: Ներկայումս Հայաստանի ֆոնդային բորսայում շրջանառվում են միայն 3 թողարկողների պարտատոմսեր:
Հայաստանի բանկային հատվածում ակտիվ սպառողական վարկավորումը ժամկետանց վարկերի երկնիշ աճ է հրահրել
"Լույս" հիմնադրամ. վարկային պարտավորությունների առաջանցիկ աճը բնակչության եկամուտների համեմատ կարող է ռիսկեր ստեղծել ֆինանսական կայունության համար՝ միջնաժամկետ հեռանկարում
ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"
Հայաստանի խորհրդարանը հավանություն է տալիս ՀԷՑ-ի ազգայնացմանը
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%