Հինգշաբթի, 8 Նոյեմբերի 2012 21:48

Հայաստանի բանկային աշխատողների աշխատավարձերը մեկ տարում աճել են 18.6%

ԱրմԻնֆո. Հայաստանի բանկային համակարգում մեկ աշխատողի ամսական միջին աշխատավարձը 2012 թվականի 9 ամիսների արդյունքում կազմել է 298 հազ.դրամ կամ $ 732, տարեկան կտրվածքով աճելով 18.6%:

Ըստ ԱրմԻնֆո գործակալության` Հայաստանի բանկերի Ռենկինգի, բանկային աշխատողների աշխատավաձին ուղղված ընդհանուր ծախսերը հաշվետու ժամանակահատվածում կազմել են 29.1 մլրդ դրամ ($ 71.7 մլն, տարեկան աճը` 14.1%): Աշխատակիցների ընդհանուր թիվը կազմել է 10.880 մարդ, տարեկան կտրվածքով աճելով 11.8%, կամ 1144-ով: Ընդ որում, 21 բանկերից 12-ում գրանցվել է մեկ աշխատողի ամսական միջին աշխատավարձի անկում:

Ամենաբարձր միջին աշխատավարձը գրանցվել է Մելլաթ Բանկում` $ 1,9 հազար կամ 784 հազար դրամ, տարեկան աճը` 11.2% (բանկի աշխատակիցների ընդհանուր թվաքանակը կազմել է 39, ինչն ամենացածր ցուցանիշն է բանկային համակարգում, առանց տարեկան փոփոխությունների), երկրորդ տեղում է HSBC Բանկ Հայաստանը` $ 1,5 հազար կամ 619 հազար դրամ, տարեկան անկումը` 0.3% (389 աշխատող, որի տարեկան աճը` 2.6%), երրորդ տեղում է Byblos Bank Armenia-ն`$ 1.4 հազար կամ 591 հազար դրամ, տարեկան անկումը` 4.7% (94 աշխատող, տարեկան աճը` 8%), չորրորդ տեղում է ACBA-Credit Agricole Bank-ը` $ 1,118 հազար կամ 454 հազար դրամ է, տարեկան աճը`10.4% (1036 աշխատակող, տարեկան աճը` 6.3%), իսկ հինգերորդն է Արմսվիսբանկը` $ 1.102 հազար կամ 448 հազար դրամ, տարեկան անկումը` 0.4% (98 աշխատակից, տարեկան աճը` 11.4%): Աշխատարձի տարեկան աճով առաջատարն է Կոնվերս բանկը:

2012 թվականի 2-րդ եռամսյակում աշխատողների թվաքանակի գծով առաջատար դիրքերում է հյտնվել ՎՏԲ-Հայաստան Բանկը` 1176, տարեկան աճը`12.9% (միջին ամսական աշխատավարձը մեկ անձի համար կազմում է $ 644, կամ 262 հազար դրամ, որի տարեկան աճը կազմում է 2.3%), երկրորդ տեղ մղելով Արդշինինվեստբանկին` 1121 շխատող, տարեկան անկումը` 5.6% ($ 564 կամ 229 հազար դրամ, տարեկան աճը 12%), երրորդ տեղում է ACBA-Credit Agricole Bank-ը 1036, տարեկան աճը` 6.3% ($ 1,118 հազար կամ 454 հազար դրամ, տարեկան աճը` 10.4%), չորրորդ տեղում է Յունիբանկի 888, տարեկան աճը` 24% ($ 616 կամ 250 հազար դրամ, տարեկան անկումը` 4,6%), հինգերորդ տեղում է Հայէկոնոմբանկը` 877, տարեկան աճը` 14.9% ($ 516 կամ 210 հազար դրամ, տարեկան անկումը` 5.9%): Աշխատողների թվաքանակի տարեկան աճով առաջատարն է Ամերիաբանկը` տարեկան կտրվածքով աճելով 105-ով, իսկ տարեկան կտրվածքով միջին աշխատավարձի 16.2% նվազումով:

Աշխատավարձին ուղղված ծախսերի գծով (աշխատավարձի ֆոնդ) 2012 թվականի առաջին 9 ամիսների արդյունքներով առաջատրների եռյակում են ԱԿԲԱ-Կրեդիտ Ագրիկոլ Բանկը`4.2 մլրդ դրամ (աճը`17%), ՎՏԲ-Հայաստան Բանկը` 2.8 մլրդ դրամ (աճը` 16,7%) եւ Արդշինինվեստբանկը` 2,3 միլիարդ դրամ (աճը` 4.5%), որոնց հաջորդում են HSBC Բանկ Հայաստանը` 2.2 մլրդ դրամ (փոքր աճով) եւ Յունիբանկը` 2 մլրդ դրամ (աճը` 17,7%): Աշխատավարձին ուղղված վարչական ծախսերի առաջատարներն են ACBA-Credit Agricole Բանկը եւ Արմսվիսբանկը` մոտ 73%, իսկ ամենացածրը ցուցանիշն արձանագրվել է ՊրոԿրեդիտԲանկի եւ Ամերիաբանկի մոտ, համապատասխանաբար`38.4% եւ 39.6%:

Մեկ աշխատողի կողմից ապահովված շահույթի գծով առաջատարն է HSBC Բանկ Հայաստանը, որին հաջորդում են Արմսվիսբանկը, Մելլաթ բանկը, Ամերիաբանկը եւ Պրոմեթեյ Բանկը:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.73	-0.02
USD	382.65	-0.07
EUR	442.76	-1.39
GBP	502.42	-1.81
CAD	273.11	-1.10
JPY	24.83	-0.03
CNY	53.79	-0.02
CHF	477.00	-1.40

Նորություններ

Հայաստանի բանկային աշխատողների աշխատավարձերը մեկ տարում աճել են 18.6%