Հինգշաբթի, 8 Նոյեմբերի 2012 22:18
2012 թվականին ընթացքում նկատվել է Հայաստանի բանկերի կուտակված շահույթի աճի տեմպերի եռամսյակային դանդաղումներ
<2>Արմինֆո: 2012 թվականին ընթացքում նկատվել է Հայաստանի բանկերի կուտակված շահույթի աճի տեմպերի եռամսյակային դանդաղումներ: Ինչպես նշում են ԱրմԻնֆո գործակալության վերլուծաբանները, բանկային համակարգի կուտակված շահույթը ընթացիկ տարվա առաջին 9 ամիսներին աճել է 12.6%, իսկ առաջին եռամսյակում աճել է 11.5%, երկրորդում` 4%, իսկ երրորդ եռամսյակում այն նվազել է 1%: Տարեկան կտրվածքով կուտակված շահույթը 2012 թվականի սեպտեմբերի 30-ին կազմել է 115,5 մլրդ դրամ ($ 284.4 մլն), նվազելով 12.8%, 2011 թվականի տարեկան 19% աճի համեմատ: Ընդհանուր կապիտալի կազմում կուտակված շահույթի բաժինը կազմել է 29,7%, 2012 թվականի 2-րդ եռամսյակի 30.1%-ի եւ 2011 թվականի երրորդ եռամսյակի 25.4%-ի փոխարեն: Կուտակային շահույթի դրական ցւոցանիշ է գրանցվել 18 բանկում, որոնց միագումար կուտակված շահույթը 2012-ի սեպտեմբերի 30-ին կազմել է 118.6 մլրդ դրամ ($ 292 մլն), իսկ բացասական ցուցանիշ են գրանցել 3 բանկեր, որոնց միագումար վնասը կազմել է 3.1 մլրդ դրամ ($ 7.5 մլն.):
Կուտակված շահույթի մակարդակով առաջատրն է HSBC Բանկ Հայաստանը`15.8 մլրդ դրամ, կամ $ 38.9 մլն (տարեկան անկումը` 10.4%, եռամսյակային անկումը` 26.8%): Նրան հաջորդում են` Արդշինինվեստբանկը`15.2 մլրդ դրամ կամ $ 37.4 մլն (տարեկան աճը` 34.2%, եռամսյակային 14.3%), ՎՏԲ-Հայաստան Բանկը` 11.8 մլրդ դրամ, կամ $ 29 մլն (տարեկան անկումը`3%, եռամսյակային`2.1%), Ամերիաբանկը`10.4 մլրդ դրամ կամ $ 25,6 մլն (տարեկան աճը` 28.1%, եռամսյակային անկումը` 6.1%) եւ ԱԿԲԱ-Կրեդիտ Ագրիկոլ Բանկը` 9.4 մլրդ դրամ կամ $ 23.2 մլն (տարեկան աճը` 87.4% եռամսյակային աճը`12,2%):
Առաջատարների հնգյակի մասնաբաժինը Հայաստանի բանկային համակարգի միագումար կուտակված շահույթում կազմել է 54.2%, (որտեղ 50%-ն ապահովել են առաջին 4 բանկերը եւ գերակշռում է HSBC Բանկը), 2012 թվականի երկրորդ եռամսյակի 57%-ի եւ 2011 թվականի երրորդ եռամսյակի 56.2%-ի համեմատ: Այս ցուցանիշի տարեկան անկումը կարելի է պայմանավորել առաջատար 5 բանկերից երկուսի շահույթի կրճատումով:
Հայաստանի բանկերի կուտակված շահույթի աճի տեմպերի եռամսյակային դանդաղումները վերլուծաբանները հակված են կապել համակարգի ընդհանուր տրենդներին, որոնք էլ իրենց հերթին կապված են հաշվեկշռից անհուսալի վարկերը դուրս գրելու, ինչպես նաեւ ակտիվների եկամտաբերության նվազման ու մասնաճյուղերի ընդլայնման ծախսերի հետ:
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները