Չորեքշաբթի, 14 Նոյեմբերի 2012 19:16
Հայաստանի բանկային համակարգի ակտիվները 2012 թվականի 9 ամիսներին աճել են 11.6 տոկոսով
ԱրմԻնֆո. Հայաստանի բանկային համակարգի ակտիվները 2012 թվականի 9 ամիսներին աճել են 11.6%, սեպտեմբերի 30-ին կազմելով 2.3 տրլն դրամ ($ 5.7 մլրդ): Ըստ ԱրմԻնֆո գործակալության` ՙՀայաստանի բանկերի Ռենկինգ՚ հերթական Տեղեկագրի, ընթացիկ տարում ակտիվների աճը մի փոքր դանդաղել է, 2011 թվականի առաջին 9 ամիսներին աճել էին 20.7%: Տարեկան կտրվածքով, 12 ամսում ակտիվներն աճել են 21.5%, 2011 թվականի 30.1% տարեկան աճի համեմատ:
Ակտիվների տարեկան աճը, ըստ վերլուծության, պայմանավորված էր վարկային ներդրումների 26.1% աճով, պետական պարտատոմսերում կատարված ներդրումների` 26.7% աճով, նոստրո հաշիվներում` 68,4% աճով եւ կանխիկ դրամական միջոցների ծավալների 28.1% աճով:
Ակտիվների կազմում վարկային ներդրումների բաժինը կազմել է 68,2%, ներդրումները պետական պարտատոմսերում` 6.5% - ով, կանխիկ միջոցները` 4%, նոստրո-հաշիվների միջոցները` 4.7%: Ցուցանիշների փոփոխությունների դինամիկան ԱրմԻնֆո-ի փորձագետների գնահատմամբ, վկայում են այն մասին, որ վարկավորման աճի տեմպերը հիմնականում ապահովվում են նոստրո հաշիվների, կանխիկ դրամական միջոցների, միջազգային վարկային կազմակերպությոններից ստացված միջոցների եւ պետպարտատոմսերի պորտֆելների իրացման հաշվին: Ընդ որում, եթե նախկինում բանկերն ավելի շատ գերադասում էին տնտեսությունում կատարվող վարկերը, ապա 2012 թվականից միայն 10 բանկեր են շարունակում շեշտը դնել ոլորտների վարկավորման վրա, այն ժամանակ, երբ մյուս 11 բանկերը կենտրոնացել են ֆիզիկական անձանց վարկավորման վրա, ինչը փոխել է մանրածխ վարկավորման ընդհանուր տրենդը դեպի մանրածախի կողմը (վարկավորում, ապառիկ, վարկային քարտեր եւ օվերդրաֆտներ):
ԻՐական վարկային ներդրումների ծավալը 2012 թվականի սեպտեմբերի 30-ին կազմել է 1.565 տրլն դրամ ($ 3.9 մլրդ), կամ ընդհանուր ակտիվների 68.2%-ը, իսկ հնարավոր կորուստների պահուստների հետ միասին` 1531 մլրդ դրամ, ընդ որում, պահուստների չափերը տարեկան կտրվածքով աճել են 55%, իսկ երկամյա կտրվածքով` ավելի քան 2 անգամ: Բանկերի միագումար վարկային պորտֆելում (բացառությամբ միջբանկային վարկերի եւ ավանդների) ժամկետանց վարկերը հասել են 5.7%-ի (երկրորդ եռամսյակի 5.6%-ի, 2011-ի չորրորդ եռամսյակի 5%-ի, 2011-ի 3-րդ եռամսյակի 4.6%-ի եւ 2011-ի 4-րդ եռամսյակի 4.6%-ի համեմատ:
Կնտեսության վարկավորման բաժինը վարկային պորտֆելում 9 ամիսներին կրճատվել է 65.9%-ից մինչեւ 65.1%, կազմելով 1,019 մլրդ.դրամ ($ 2.5 մլրդ), տարեկան աճը` 26.1% (նախորդ տարվա 39.6% ճի համեմատ): Միայն 3-րդ եռամսյակում աճը դանդաղել է 8%-ից մինչեւ 0,3%, նախորդ տարվա նույն ժամանակահատվածի 7.3% աճի համեմատ: Միեւնույն ժամանակ, բանկերի կողմից ֆիզիկական անձանց վարկավորման միագումար ծավալը տարեկան կտրվածքով աճել է 29.9%, նախորդ տարվա նույն ժամանակահատվածի 28% աճի համեմատ: Վարկային մանրածախի տարեկան աճը վարկային պորտֆելում աճել է 28.7%-ից մինչեւ 29.5%:
2012 թվականի 9 ամիսներին վարկվորման աճ է գրանցվել գյուղատնտեսության ոլորտում`15.5%, առեւտրի ոլորտում` 19%, ծառայությունների ոլորտում` 18.2%, արդյունաբերությունում` 8.1%, շինարարության ոլորտում` 0 5%, իսկ տրանսպորտի եւ կապի ոլորտում գրանցվել է 6.2% անկում: ՓՄՁ ոլորտում տեղաբաշխվել է վարկային պորտֆելի 27%-ը կամ ավելլի քան $ 1 մլրդ, 2012-ի 3-րդ եռամսյակում նվազելով 1,9%, 2-րդ եռամսյակի 5.5% աճի համեմատ: Հիփոթեքային պորտֆելի աճը 3-րդ եռամսյակում դանդաղել է 7%-ից մինչեւ 2.6%, տարաժմկետ վճարման վարկերը` 20%-ից մինչեւ 10%, վարկային քարտերը` 42.2%-ից մինչեւ 10%, ավտովարկավորումը` 10%-ից մինչեւ 5.8%:
Ակտիվների չափերով 2012-ի սեպտեմբերի 30-ի դրությամբ առաջատարների հնգյակում են ACBA-Credit Agricole Bank-ը, Ամերիաբանկը, Հայբիզնեսբանկը, HSBC Բանկ Հայաստանը եւ Արդշինինվեստբանկը, որոնց բաժինը կազմում է ընդհանուր ակտիվների 48%-ը: Տնատեսության վարկավորման ոլորտում առաջատարն է Ամերիաբանկը` 127,3 մլրդ դրամ (ընդհանուր վարկային պորտֆելի 76.7%), որկն հաջորդում են HSBC Բանկ Հայաստանը` 111.1 մլրդ դրամ (78%), Հայբիզնեսբանկը` 89,2 մլրդ դրամ (73.5%), ՎՏԲ-Հայաստան Բանկը` 89.1 մլրդ դրամ (58.9%), ACBA-Credit Agricole Bank-ը` 81 մլրդ դրամ (47.9%): Իսկ ՊրոԿրեդիտ Բանկի բաժինը կազմել է իր պորտֆելի 90.3%-ը, կազմելով 28.5 մլրդ դրամով:
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները