Ուրբաթ, 16 Նոյեմբերի 2012 22:53

Հայաստանի դրամական զանգվածը մեկ տարում ավելացել է 23 տոկոսով

ԱրմԻնֆո. Հայաստանի դրամական զանգվածը հոկտեմբերի վերջին տարեկան կտրվածքով ավելացել է 23 տոկոսով, իսկ դրամային զանգվածը` 18,4 տոկոսով: Այդ մասին ԱրմԻնֆո գործակալությանը հաղորդել են ԿԲ մամուլի ծառայությունից:

Աղբյուրի համաձայն, դրամային ավանդները նույն ժամանակահատվածում ավելացել են 30,2 տոկոսով` արտարժութային ավանդների 29,4 տոկոս աճի պայմաններում (կամ 21,2 տոկոսով` բացառելով արժույթի փոխարժեքի փոփոխման ազդեցությունը):

ԿԲ գնահատականների համաձայն, Հայաստանում պահպանվում են տնտեսության վարկավորման աճի տեմպերը, որի կառույցում շարունակում են գերակշռել արտարժութային վարկերը: Երկրի տնտեսության վարկավորումը տարեկան կտրվածքով ավելացել է 27,9 տոկոսով:

ՀՀ ԿԲ կանխատեսումների համաձայն, 2012 թվականին դրամական և դրամային զանգվածները կավելանան համապատասխանաբար 17,6 և 21,1 տոկոսով: Դրամական բազայի աճը կկազմի 8 տոկոս: Շրջանառվող կանխիկ դրամն ընթացիկ տարում կավելանա 13,3 տոկոսով: Դրամային ավանդների ծավալը կավելանա 30 տոկոսով, արտարժութային ավանդների աճը կկազմի 12,6 տոկոս: Դրա արդյունքում, տնտեսության դոլարիզացման մակարդակը տարեկան կտրվածքով կնվազի 4,2 տոկոսով, իսկ մոնետիզացման մակարդակը կբարձրանա ավելի քան 10 տոկոսով: Տնտեսության վարկավորման ծավալները կավելանան 20,2 տոկոսով (270 մլրդ դրամով): Ընդ որում, 2012 թվականի համար կանխատեսվող աճի տեմպերը հիմնականում կապահովվեն հիփոթեքի և փոքր ու միջին բիզնեսի վարկավորման հաշվին:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.73	-0.02
USD	382.65	-0.07
EUR	442.76	-1.39
GBP	502.42	-1.81
CAD	273.11	-1.10
JPY	24.83	-0.03
CNY	53.79	-0.02
CHF	477.00	-1.40

Նորություններ

Հայաստանի դրամական զանգվածը մեկ տարում ավելացել է 23 տոկոսով