Երկուշաբթի, 3 Դեկտեմբերի 2012 15:12

Ինեկոբանկը կնքեց համագործակցության պայմանագիր ՙԹել-Սել՚ ՓԲԸ-ի հետ

ԱրմԻնֆո. Դեկտեմբերի 3-ից Ինեկոբանկի հաճախորդները կարող են բանկային մի շարք գործարքներ կատարել Telcell վճարային համակարգի տերմինալների միջոցով: Այդ մասին ԱրմԻնֆո-ին հաղորդել են բանկի մամլո ծառայությունից:

Աղբյուրի համաձայն, այսուհետ Telcell ընկերության տերմինալների միջոցով հնարավոր կլինի իրականացնել խնայողական և ընթացիկ հաշիվների համալրում, քարտային հաշվի համալրում, ավանդի համալրում և վարկի մարում: ՙԻնեկոբանկը մշտապես ձգտում է առաջարկել իր հաճախորդներին առավել հարմար և նորարարական բանկային ծառայություններ, որոնք կօգնեն խնայել ժամանակը: Telcell համակարգի հետ համագործակցության շնորհիվ Բանկի ծառայությունները կդառնան հաճախորդներին առավել հասանելի և մատչելի՚, - նշել է Ինեկոբանկի գործադիր տնօրեն Ավետիս Բալոյանը:

ՙՍեփական պրոդուկտների և ծառայությունների օգտին ինքնասպասարկման տերմինալների միջոցով վճարումների ընդունումը Հայաստանի բանկային հատվածի համար դեռ մնում է բավականին արդիական թեմա£ Մենք Ինեկոբանկի հետ համատեղ իրականացրեցինք տեխնիկական ինտեգրում, որի արդյունքում Հայաստանի ողջ տարածքում ՙԹել-Սել՚ ՓԲԸ 800-ից ավելի վճարումների ընդունման կետերից յուրաքանչյուրում հնարավոր եղավ կատարել բանկի հաճախորդների կողմից առավել պահանջված գործառնությունները£ Համոզված եմ, որ բանկը և նրա հաճախորդները արժանվույնս կգնահատեն 24/7 ռեժիմում ինքնասպասարկման առավելությունը, ամեն դեպքում մենք դրա համար մեր կողմից պատրաստ ենք անել հնարավորից ավելին՚, - ՙԻնեկոբանկ՚ ՓԲԸ-ի հետ համագործակցության սկիզբը մեկնաբանել է ՙԹել-Սել՚ ՓԲԸ գործադիր տնօրեն Արամ Ազատյանը£ Բանկային ծառայությունների դիմաց վճարումներ կատարելու համար անհրաժեշտ է մուտք գործել ինքնասպասարկման տերմինալների ՙԲանկեր և ՈՒՎԿ-ներ՚ բաժին, այնուհետև` ՙԻնեկոբանկ՚ ենթաբաժին և ընտրել չորս ծառայություններից մեկը:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Ինեկոբանկը կնքեց համագործակցության պայմանագիր ՙԹել-Սել՚ ՓԲԸ-ի հետ