Երկուշաբթի, 10 Դեկտեմբերի 2012 16:21

ՀՀ ԿԲ 2013 թվականին կանխատեսում է գործազրկության նվազում, մինչև 16.3%, իսկ իրական աշխատավարձի 3.7% աճ

ԱրմԻնֆո. Ըստ ՀՀ Կենտրոնական բանկի կանխատեսումների, գործազրկության մակարդակը Հայաստանում, 2012 թվականի արդյունքներով, տարեկան կտրվածքով կկրճատվի 1.2 տոկոսային կետով և կկազմի 17.2%: Այս մասին է նշված ՀՀ Կենտրոնական բանկի 2012 թվականի 4-րդ եռամսյակի դրամավարկային քաղաքականության ծրագրում:

Ըստ ԿԲ գնահատականների, 2013 թվականին ակնկալվում է գործաքրկության տարեկան անկում` 0.9 տոկոսային կետով, մինչեւ 16,3%: Այս ցուցանիշի կրճատումը կշարունակվի նաև միջնաժամկետ ապագայում:

Մինչդեռ, ըստ ԿԲ, ամսական միջին անվանական աշխատավարձը աշխատանքի շուկայում 2012 թվականին կաճի 5.7%, իսկ 2013 թվականին` 11.5%: Ընդ որում, իրական աշխատավարձի աճը կկազմի 3.7%:

Աշխատավարձի աճը պայմանավորված կլինի մասնավոր հատվածի արտադրողականության բարձրացումով, գործազրկության կրճատումով, ինֆլյացիայի կայունացումով, ինչպես նաև օրենսդրական փոփոխություններով, կապված աշխատավարձի հարկման հետ: Իսկ գործազրկության նվազումը պայմանավորված կլինի երկրում աշխատուժի նկատմամբ պահանջարկի շարունակական աճով:

Նշենք, որ հունվարի 2013 թվականի հունվարի 1-ից ուժի մեջ կմտնի ՙԵկամտահարկի մասին՚ նոր օրենքը, որով նախատեսվում միասնական եկամտահարկի ներդրում: ործատուներն ստիպված կլինեն բարձրացնել իրենց աշխատակիցների աշխատավարձերը, որպեսզի նրանց իրական եկամուտները չկրճատվեն:

Ըստ ՀՀ Ազգային վիճակագրական ծառայության տվյալների, անվանական աշխատավարձը Հայաստանում 2012 թվականի հունվար-հոկտեմբերին տարեկան կտրվածքով աճել է 5.1%, կազմելով 118.2 հազար դրամ ($ 294.8), հոկտեմբերին նվազելով 0,2%: ործազուրկների թիվը երկրում 2012-ի նոյեմբերի 1-ին կազմել է 63.3 հազ.մարդ, տարեկան կտրվածքով կրճատվելով 10.2%, իսկ հոկտեմբերին` 0.5%:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

ՀՀ ԿԲ 2013 թվականին կանխատեսում է գործազրկության նվազում, մինչև 16.3%, իսկ իրական աշխատավարձի 3.7% աճ