Երկուշաբթի, 10 Դեկտեմբերի 2012 18:39

Հայաստանի տնտեսության վարկավորման ընդհանուր ծավալներում արտարժութային բաղադրիչը մեկ տարում աճել է 59.8%, մինչև 63.7%

ԱրմԻնֆո. Հայաստանի տնտեսության իրական հատվածի վարկավորման ընդհանուր ծավալներում ռեզիդենտներին տրամադրված վարկերը հոկտեմբերին կազմել են 63.7%, մեկ ամսում կրճատվելով 0.2 կետով: Ինչպես նշվում է ՀՀ Կենտրոնական բանկի ամենամսյա տեղեկագրում, տարեկան կտրվածքով այդ ցուցանիշն աճել է 3.9 կետով:

Հիշեցնենք, որ 2012 թվականի առաջին եռամսյակում արտարժութային վարկերի բաժինը իրական հատվածի ընդհանուր վարկավորման ծավալներում աճե% է 1,6 կետով, կազմելով 62.2%:

Ըստ ՀՀ Ազգային վիճակագրական ծառայության տվյալների, Հայաստանի բանկերի վարկային ներդրումները 2012 թվականի հոկտեմբերին աճել են 0,3%, նոյեմբերի 1-ին կազմելով 1,526 տրլն.դրամ($ 3.764 մլրդ), տարեկան աճը` 26.5%: Առանց երկարաձգված եւ ժամկետանց վարկերի, բանկերի վարկային ներդրումները կազմել են 1,488 տրլն.դրամ ($ 3.669 մլրդ), հաշվետու ամսում աճելով 0.8%, տարեկան աճը` 27%: Բանկերի վարկային պորտֆելում (առանց երկարաձգված եւ ժամկետանց վարկերի) ՀՀ դրամով վարկերի բաժինը կազմել է 35.7% կամ 531 մլրդ դրամ, իսկ արտարժույթով վարկերը` 64.3% կամ 956,7 մլրդ.դրամ: Դրամով վարկավորումը հաշվետու ամսում աճել է 1.7%, տարեկան աճը` 14.3%: Իսկ արտարժույթով վարկավորումը հոկտեմբերին աճել է 0.1%, տարեկան աճը` 35.4%:

Ռեզիդենտների արտարժութային ավանդների բաժինը դրամական զանգվածում նոյեմբերի 1-ին կազմել է 45.5%, մեկ ամսում կրճատվելով 0,5 կետով, իսկ տարեկան կտրվածքով` 2.4 կետով: 2012 թվականի առաջին եռամսյակում ռեզիդենտների արտարժութային ավանդների բաժինը դրամական զանգվածում աճել է 1.2 կետով, կազմելով 43%, երկրորդ եռամսյակում` 2.4 կետով, մինչև 45.4%, երրորդ եռամսյակում` 0.1 կետով, մինչև 45.5%:

Ռեզիդենտների ավանդների ընդհանուր պորտֆելում արտարժութային ավանդների բաժինը նոյեմբերի 1-ին կազմել է 62.6%, սեպտեմբերի համեմատ նվազելով 0.7 կետով, իսկ տարեկան կտրվածքով աճելով 1.3 կետով: 2012 թվականի առաջին եռամսյակում ռեզիդենտների ավանդների ընդհանուր պորտֆելում արտարժութային ավանդների բաժինը կրճատվել է 0.6 կետով, կազմելով 60%, երկրորդ եռամսյակում աճել է 3.3 կետով, մինչև 63.3%, երրորդ եռամսյակում մնալով անփոփոխ:

Ռեզիդենտների ցպահանջ ավանդների պորտֆելում արտարժութային ավանդների բաժինը նոյեմբերի 1-ին կազմել է 54.3%, հոկտեմբերին կրճատվելով 1 կետով, իսկ տարեկան կտրվածքով` 3.4 կետով: 2012 թվականի առաջին եռամսյակում ռեզիդենտների արտարժութային ցպահանջ ավանդների բաժինն ընդհանուր պորտֆելում աճել է 0.7 կետով, մինչեւ 53.9%, երկրորդ եռամսյակում` 1.3 կետով, մինչեւ 55,2%, երրորդ եռամսյակում` 0.1 կետով, մինչեւ 55,3%:

Ֆիզիկական անձանց ժամկետային ավանդների բաժնում արտարժութային ժամկետային ավանդների բաժինը կազմել է 74.3%, հոկտեմբերին նվազելով 0.3 կետով, իսկ տարեկան կտրվածքով`1.9 կետով: 2012 թվականի առաջին եռամսյակում արտարժութային ավանդների բաժինը ռեզիդենտ ֆիզիկական անձանց արտարժութային ժամկետային ավանդների կազմում նվազել է 2.8 կետով, կազմելով 73,3%, երկրորդ եռամսյակում`1.6 կետով, մինչև 74,9%, իսկ երրորդ եռամսյակում նվազելով 0.3 կետով, մինչեւ 74,6%:

Ըստ ՀՀ Ազգային վիճակագրական ծառայության տվյալների, Հայաստանի բանկերի կողմից ներգրավված ավանդների ծավալը 2012 թվականի հոկտեմբերին աճել է 0.9%, տարեկան աճը` 30.4%, 2012-ի նոյեմբերի 1-ին կազմելով 1.175 տրլն դրամ ($ 2.9 մլրդ): Ներգրավված ավանդների կազմում դրամային բաղադրիչը կազմել է 30% կամ 351,5 մլրդ դրամ ($ 887 մլն): Այս ցուցանիշը հաշվետու ամսում աճել է 2.8%, տարեկան կտրվածքով նվազելով 26.3%: Արտարժութային ավանդների բաժինը կազմել է 70% կամ 824 մլրդ դրամ ($ 2.032 մլրդ), հոկտեմբերին աճելով 0,1%, իսկ տարեկան կտրվածքով` 31.2%: Դրամային ավանդների տեսակարար կշիռը ավանդների ընդհանուր պորտֆելում հոկտեմբերին աճել է 0.7 կետով:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Հայաստանի տնտեսության վարկավորման ընդհանուր ծավալներում արտարժութային բաղադրիչը մեկ տարում աճել է 59.8%, մինչև 63.7%