Երեքշաբթի, 11 Դեկտեմբերի 2012 14:57
ԵԱԶԲ ներդրումների պորտֆելը Հայաստանում վերջին 3 տարիներին հասել է 94 մլն. դոլարի
ԱրմԻնֆո. Հայաստանում Եվրասիական Զարգացման Բանկի ներդրումների պորտֆելը 3 տարուց ավելի քիչ ժամկետում հասել է 94 մլն. դոլարի: Այս մասին այսօր լրագրողներին հայտարարել է ԵԱԶԲ Վարչության նախագահ Իգոր Ֆինոգենովը:
Նրա խոսքերով, ԵԱԶԲ վարկերը տրամադրվել են ՙԱմերիա՚, ՙԱրարատբանկ՚, ՙՀայբիզնեսբանկ՚, ՙԱռէկսիմբանկ-ազպրոմբանկի խումբ՚ բանկերին, ՓՄՁ ոլորտի ֆինանսավորման նպատակով: Այդ ծրագրերի շրջանակներում ֆինանսավորվել է ավելի քան 60 միջին և 210 փոքր բիզնեսի սուբյեկտ, 64 մլն.դոլար ընդհանուր ծավալով: Ֆինոգենովը նշել է, որ այսօր 15 մլն.դոլարի վարկային պայմանագիր կստորագրվի ԵԱԶԲ և ՎՏԲ-Հայաստան Բանկի միջև: ՙՓՄՁ ոլորտի զարգացման գծով Հայաստանը ԱՊՀ երկրների առաջատարներից է, ինչը հանդիսանում է Հայաստանի տնտեսության ուժեղ կողմը, և կարող է որպես սկիզբ ծառայել, երկրի մյուս ոլորտները վերակենդանացնելու հմար: Բացի փոքր բիզնեսից, ԵԱԶԲ վարկեր է տրամադրել նաև ՙԴիլիջան՚, ՙՋերմուկ Ինթերնայշնլ՚, ՙՇեն Կոնցեռն՚, ՙՅուկոմ՚, ՙԱրմենՏել՚ ընկերություններին: Բանկի կողմից ֆինանսավորվել է նաև դեպի Հայաստան հացահատիկի ներմուծման 30 մլն.դոլարի ծրագիրը, որը թույլ տվեց մեղմել ճգնաժմի ազդեցությունը հացահատկի շուկայում:
Ներկայումս քննարկվում է նաև բազմամետաղական հանքավայրերի ոլորտի ծրագրերի ֆինանսավորման, ինչպես նաև Երևանում բարձր կարգի լոգիստիկ համալիրի շինարարության հարցերը, քննարկվում են նաև ձկնաբուծության ոլորտի հայտերը: ՙԵս զարմացած, երբ իմացա, որ Հայաստանը հանդիսանում է ձկնաբուծության, այդ թվում նաև թառափաբուծության ոլորտի առաջատար երկրներից մեկը: Ինձ տեղեկացրել են, որ սիբիրյան թառափը լավ է հարմարվել Հայաստանում: Հետևաբար, թառափի մսի և խավիարի նկատմամբ բարձր պահանջարկը կարող է էական ազդեցություն ունենալ երկրի տնեսության զարգացման վրա: Ի դեպ, ԵԱԶԲ ձկնաբուծության ոլորտի վարկը նախատեսում է 85% արտահանում` դեպի ռուսական շուկա՚,-ասել է նա: Մյուս ուղղությունների շարքում նա նշել է մեքենաշինությունը, էլեկտրատեխնիկան, քիմիան: ՙԱյս բոլոր ոլորտներն էլ անհրժեշտ է առաջ տանել, տրանսպորտային բաղադրիչի հետ միասին, որը նույնպես հանդիսանում է մեր քննարկումների առարկան՚,-հայտարարել է Ֆինոգենովը:
ԵԱԶԲ հանդիսանումէ միջազգային ֆինանսական կազմակերպություն, որը հիմնադրվել է Ռուսաստանի և Ղազախստանի կողմից 2006 թվականի հունվարին, մասնակից երկրների տնտեսություններին աջակցելու նպատակով: Հայաստանը ԵԱԶԲ անդամ է դարձել 2009 թվականին: Բանկի մյուս մասնակիցներն են` Բելառուսը, Ղազախստանը, Ղրղզստանը, Ռուսաստանը և Տաջիկստանը: 2012 թվականի հուլիսի 1-ի դրությամբ Բանկի ներդրումային պորտֆելը կազմել է 3.3 մլրդ.դոլար: Այն ներառում է 60 նախագհծեր, անդամ 5 երկրներում:
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները