Երեքշաբթի, 11 Դեկտեմբերի 2012 19:11

Կոնվերս Բանկը MasterCard Int. համակարգի հետ համատեղ գործարկել է ՙՄաստեր Վոյաժ՚ ծրագիրը

ԱրմԻնֆո. Կոնվերս Բանկը MasterCard Int. միջազգային վճարային համակարգի հետ համատեղ գործարկել է ՙՄաստեր Վոյաժ՚ ծրագիրը: Ծրագիրը մեկնարկել է 2012 թվականի դեկտեմբերի 1-ին և կգործի մինչև 2013 թվականի ապրիլի 1-ը, որի նպատակն է` MasterCard համակարգի քարտերով անկանխիկ գործարքների խթանումը, ինչպես նաև այդ համակարգի քարտերի ավելացումը: Այս մասին այսօր լրագրողների հետ հանդիպմանը հայտարարել է Կոնվերս Բանկի գործադիր տնօրենի առաջին տեղակալ Արթուր Հակոբյանը:

ՙՄաստեր Վոյաժ ակցիայի շրջանակներում բանկի քարտապանները, կատարելով անկանխիկ գործարքներ, կհավաքեն բոնուսներ` POS-թերմինալների միջոցով յուրաքանչյուր տրանսակցիայի դիմաց գնորդը կստանա 30 միավոր, իսկ 1000 դրամը գերազանացող յուրաքանչյուր գնման դիմաց` 1 միավոր: Հաղթող է ճանաչվում նա, ով ինչպես քանակով, այնպես էլ ծավալներով կհավաքի ամենաշատ միավորները: Առաջին 2 տեղերը գրաված քարտապանները կմեկնեն Թայլանդ, իսկ 50 ավելի ակտիվ քարտապանները կստանան նվերներ` կենցաղային տեխնիկայի տեսքով՚,-հայտարարել է Ա.Հակոբյանը:

ԱրմԻնֆո գործակալության թղթակցի հարցին նա պատասխանել է, որ բանկի ակտիվ քարտերի ընդհանուր թիվն արդեն կազմում է 89 հազար, տարեսկզբի 49 հազարի փոխարեն, որտեղ MasterCard քարտերը կազմում են 30%, իսկ միջազգային քարտերի ընդհանուր բաժինն ակտիվ քարտերի պորտֆելում, Visa-ի հետ միասին, կազմում է 60%:

Ըստ ԱրմԻնֆո գործակալության` ՙՀայաստանի բանկերը քարտային բիզնեսում՚ վերլուծական տեղեկագրի, 2012 թվականի ապրիլի 1-ի դրությամբ, Կոնվերս Բանկն ակտիվ քարտերի թվով և պլաստիկ տրանսակցիանրի ծավալներով գտնվում է Հայաստանի առաջատար բանակերի շարքում, իսկ Visa քարտերի քանակով զբաղեցնում է 4 տեղը: Բանկը թողարկում և սպասարկում է տեղական ArCa և միջազգային MasterCard և Visa համակարգերի քարտեր: Բանկի ակտիվ քարտերի կազմում աշխատավարձային նախագծերը կազմում են 54%: POS-թերմինալների ընդհանուր թվով բանկը երկրորդն է Հայաստանի բանկային համակարգում: 2012 թվականի ապրիլի 1-ի դրությամբ բանկն ունեցել է 60 բանկոմատ, որոնց մեծ մասը գտնվում է Երևանում: Տարեկան կտրվածքով Բանկի կողմից տեղադրվել է 13 նոր բանկոմատ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Կոնվերս Բանկը MasterCard Int. համակարգի հետ համատեղ գործարկել է ՙՄաստեր Վոյաժ՚ ծրագիրը