Երկուշաբթի, 17 Դեկտեմբերի 2012 20:35
Առհամարելով ԱՊՊԱ մասին օրենքը, Հայաստանի ապահովագրական ընկերությունները տաքսիստներից ՙքամում են՚ առավելագույն պահովագրավճարներ
ԱրմԻնֆո. Առհամարելով ԱՊՊԱ մասին օրենքը, Հայաստանի ապահովագրական ընկերությունները տաքսիստներից ՙքամում են՚ առավելագույն պահովագրավճարներ: Ինչպես ԱրմԻնֆո գործակալության թղթակցի հետ զրույցում նշել է տաքսու վարորդների նախաձեռնող խմբի ղեկավար Ռուբեն Այվազյանը, խումբը բաց նամակով դիմել է ՀՀ վարչապետ Տիգրան Սարգսյանին, որտեղ, մասնավորապես, ասվում է, որ մոտ մեկ տարի առաջ, ինչպես բոլոր վարորդներին, այնպես էլ անխտիր բոլոր տաքսիստներին, պարտադրեցին ապահովագրել մեքենաները` պնդելով, որ սա առաջին հերթին ձեռնտու է մեքենա վարողներին: Հաշվի առնելով, որ տաքսիներն ավելի ռիսկային են, ի սկզբանե մենք ավելի շատ գումար ենք վճարել`մեքենան ապահովագրելու համար:
Իսկ այժմ այդ նույն ապահովագրական ընկերությունները տեռորի են ենթարկում տաքիստներին ու պահանջում են ԱՊՊԱ պայմանագիր կնքել 3 ամիսը մեկ` տարեկան կտրվածքով վճարելով մոտավորապես կրկնակի գումար, կամ ընդհանրապես հրաժարվում են ԱՊՊԱ կտրոն տրամադրել: Երբ խնդրում են գրավոր կերպով պարզաբանել, թե ինչու չեն կատարում օրենքով ստանձնած իրենց պարտավորությունները, պատասխանում են, որ հրամանը ՎԵՐԵՎԻՑ է, ու իրենք իրավասու չեն մեզ պատասխանել:
Նշվում է, որ վարորդների մեծամասնությունը իրենց մեքենաները վարկով են վերցրել` գրավ դնելով իրենց տունը կամ հենց տվյալ մեքենան: Ու այժմ, ապահովագրական ընկերությունների անօրինական ու լրացուցիչ գումարներ շորթելուն ուղղված գործողությունների արդյունքում չենք կարողանում աշխատել ու վերադարձնել վերցված վարկերը: Իսկ առանց ԱՊՊԱ կտրոնի վարել մեքենան, նշանակում է օրենք խախտել կամ տուգանքներ մուծել, այն դեպքում երբ մենք մեղավոր չենք:
ՙԱրդեն երկար ժամանակ է բարձրաձայնվում է այս խնդրի մասին, որից հարյուրավոր հայ ընտանիքների բարեկեցությունն է կախված: Ինչո±ւ ՀՀ կառավարությունը և Դուք, պարոն Սարգսյան, չեք արձագանքում այս խնդրին ու չեք կանխում այդ ապօրինի գործունեությունը: Մենք, որպես ՀՀ իրավահավասար քաղաքացիներ, խնդրում ու պահանջում ենք, որ այս խնդիրն իր լուծումը ստանա, ու մենք կրկին օրինական հիմունքներով մեր աշխատանքին վերադառնալու հնարավորություն ստանանք, որ կարողանանք պահել նաև մեր ընտանիքները՚,-ասվում է նամակում:
Այվազյանը նշել է, որ տաքսիստները դիմել են նաև ավտոապահովագրողների Բյուրոյին, որտեղ նրանց ուղղել են ՀՀ Կենտրոնական բանկ, չտալով ոչ մի պարզաբանում: Բյուրոյում, ԱրմԻնֆո-ի խնդրանքով մեկնաբանել են ապահովագրողների վարքագիծը, նշելով, որ Բյուրոյի ղեկավարությունը ժամանակավորապես բացակայում է, և աշխատակիցներից ոչ մեկն իրավումննք չունի տալ որևէ պարզաբանում:
Ըստ ԱրմԻնֆո գործակալության վերլուծաբանների, ԱՊՊԱ եկամտաբերության նվազումը արդյունք է իրենց, ապահովագրողների անհեռատես քաղաքականության: Երկրում պարտադիր ապահովագրության ներդրման ուղղությամբ ապահովագրական ընկերությունները կատարեցին գործառնական և վարչական մեծ ծախսեր, որոնք ուղղված էին ապահովագրական ենթակառույցների ձևավորմանը` մասնաճյուղերի բացում, գովազդ և այլն: Ընդհանուր առմամբ, Հայաստանի ապահովագրական ընկերությունները 2012 թվականի 9 ամիսներին այդ ուղղությամբ ծախսել են մոտ 6 մլրդ.դրամ, հիմնականում ԱՊՊԱ գծով, այն ժամանակ, երբ այդ ծախսերի բաժինը չպետք է գերազանցեր ԱՊՊԱ գծով պահովգարկան պրեմիաների 25%-ը: Ավելորդ շռայլությունն պահովագրողներին կանգնեցրեց բարձր վնասաբերոթյան պրոբլեմի առջև, բերելով շահույթի կրկնակի կրճատման:
Ըստ ԱրմԻնֆո գործակալության փորձագետների, ԱՊՊԱ գծով ապահովագրական հատուցումների բաժինը հավաքագրված պրեմիաների մեջ կազմել է 60%, ինչը շուկայի համար կրիտիկական չէ, հաշվի չառնելով վարչական և գործառնական մեծ ծախսերը:
Ըստ ԱրմԻնֆո գործակալության` Հայաստանի ապահովագրական ընկերությունների Ռենկինգի, 2012 թվականի 9 ամիսներին Հայաստանի 7 ապահովագրական ընկերություններն ԱՊՊԱ գծով իրականացրել են 6.3 մլրդ.դրամի ապահովագրական հատուցումներ, մեկ տարում գրանցելով կրկնակի աճ, իսկ ապահովագրական պրեմիաները մեկ տարում կրճատվել են 3%, կազմելով 12.3 մլրդ.դրամ: Հայաստանի ապահովագրակյան ընկերությունների միագումար ընդհանուր զուտ շահույթը մեկ տարում կրճատվել է 2 անգամ, 3-րդ եռամսյակի արդյունքներով կազմելով 1.1 մլրդ.դրամ:
Հայաստանի բանկային հատվածում ակտիվ սպառողական վարկավորումը ժամկետանց վարկերի երկնիշ աճ է հրահրել
"Լույս" հիմնադրամ. վարկային պարտավորությունների առաջանցիկ աճը բնակչության եկամուտների համեմատ կարող է ռիսկեր ստեղծել ֆինանսական կայունության համար՝ միջնաժամկետ հեռանկարում
ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"
Հայաստանի խորհրդարանը հավանություն է տալիս ՀԷՑ-ի ազգայնացմանը
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%