Երեքշաբթի, 18 Դեկտեմբերի 2012 15:05
Առէկսիմբանկ-Գազպրոմբանկի խումբը ներդրել է ռիսկերի կառավարման արդյունավետ համակարգ
ԱրմԻնֆո. 2012 թվականի հոկտեմբերի 1-ի դրությամբ ՙԱռէկսիմբանկ-Գազպրոմբանկի խումբ՚ ՓԲԸ արտարժութային և տոկոսային ռիսկերի ցուցանիշները համապատասխանաբար կազմել են 0.01% և 0.13%: Այս մասին ԱրմԻնֆո գործակալությանը տեղեկացվել է Բանկի մամուլի ծառայությունից:
Աղբյուրի համաձայն, 2010 թվականին Բանկում ներդրվել է ՙՌիսկերի կառավարման ինտեգրացիոն համակարգ՚, որը ներառում է բանկային գործառնությունների քաղաքականության և ընթացակարգերի մշակումը` ռիսկերի առումով, ռիսկերի մակարդակի անընդհատ դիտարկումների անցկացումը, ռիսկ-հաշվետվութուն արդյունավետ համակարգի կազմակերպումն ու ռիսկերի էսկալյացիան` Բանկի ղեկավարության և ՙազպրոմբանկ՚ ԲԲԸ մակարդակով: Բանկի քաղաքականությունը ֆինանսական ռիսկերի կառավարման առումով ուղղված է փակ արտարժութային դիրքի պահպանմանը, ժամկետային ակտիվների և պարտավորությունների փոխհամաձայնությանը:
Բանկը խիստ վերահսկողություն է իրականացնում կոնտրակտային և իրացվելիության կանխատեսումների, ինչպես նաև բարձր իրացվելի միջոցների անհրաժեշտ ծավալը պահպանելու ուղղությամբ, պարբերաբար վերլուծելով լրացուցիչ ֆինանսավորման աղբյուրների մատչելիությունը:
Վարկային ռիսկերի առումով Բանկը կողմ է վարկերի վերադարձվելիության և ապահովվածության սկզբունքներին, ինչպես նաև ռիսկ-մենեջմենտի պարտադիր ներգրավվածությանը որոշումներ ընդունելու գործընթացներում, որոնք կապված են վարկային ռիսկեր կրող գործառնությունների հետ: Դրա արդյունքն է` 2012 թվականի հոկտեմբերին տարեսկզբի համեմատ վարկային պորտֆելի 18% ավելացումը, վարկերի բարելավմանը զուգընթաց: Վարկային ռիսկերի կառավարման լուրջ քայլ էր նաև բանկում 2012 թվականի ավարտին ՙՆերքին վարկանիշներ՚ համակարգի ներդրման մեկնարկը, ինչը բանկին թույլ կտա վարկառուների վարկունակությունը գնահատել միասնական համակարգային մոտեցումների միջոցով: Վերը նշված բոլոր միջոցառումները բանկին մոտեցնում են մի այնպիսի իրավիճակի, երբ ռիսկերի ընդունելիության պայմաններում ապահովվում է ակնկալվելիք եկամտաբերությունը:
Ի դեպ, ՙԱռէկսիմբանկ-Գազպրոմբանկի խումբ՚ ՓԲԸ-ն 2010 թվականին հաջողությամբ անցել է ISO 27001: 2005 Տեղեկատվական անվտանգության միջազգային ստանդարտների հավաստագրում` Certification International United Kingdom հայտնի աուդիտորական կազմակերպության կողմից: ՙԱռէկսիմբանկ-ազպրոմբանկի խումբ՚ ՓԲԸ-ն հանրապետությունում երկրորդ բանկն է, որը ստացել է նման հավաստագիր:
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Աշխատում էին համապարփակ բժշկական ապահովագրության վրա, ստացան՝ համընդհանուր։ Հայաստանը շուկայական տնտեսության մոդելից լայնածավալ հետքայլ է կատարում դեպի վարչահրամայական տնտեսություն. Հայկազ Ֆանյան
Մարիամ Համբարձումյան. Հայաստանի կրթական համակարգն առայժմ չի կարողացել անցնել այն տրանսֆորմացիան, որն այսօր անհրաժեշտ է բիզնեսի համար
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները